品牌建立來自推陳出新

品牌建立來自推陳出新2006-09-01　　8月31日，周四。?生指數升107.56，收17392.27；成交二百八十三億一千九百多萬元。9月期指低水，收17378點，升105點。聯想（992）股價升6.2％、利豐（494）升2.9％。TCL多媒體（1070）跌14％、TCL通訊（2618）跌6.9％，公布半年業績俱虧蝕。中國電信（728）跌1.5％，主因受移動電話運營商競爭加劇。中國鋁業（2600）宣布，9月1日起下調氧化鋁價格22.4％，由每噸四千九百元人民幣，降至三千八百元。

亞歐航空業第三季可獲利　　國際航運運輸協會估計，因航空油價由8月8日每桶九十三美元回落至八十七點九五美元，亞太區航空業及歐洲航空業第三季可獲利，北美洲仍然虧損，估計明年純利可上升一倍。睇?航空業已否極泰來！　　美國十年期債券孳息率跌至四厘七八，較九十天期孳息率五厘二五低逾8％，係咪啟示減息期較估計中快來臨，例如明年1月？美國樓市去年8月見頂後一直放緩，過去二年半油價一直上升，但對美國經濟?影響只係令今年第二季GDP增長率放緩，相信未來亦一樣。今年第二季起美國GDP進入低增長期後，找尋增長股愈?愈難。中國航空業進入高增長期，估計今年交通量升18％、明年升15％及2008年20％。由於機隊擴充太速，加上油價上升，內地航空股營運唔少低於「打和載客率」，主因係今年新供應載客量上升15.8％，明年升14.5％。為?爭取更多乘客，機票都以大折扣價出售；加上內地機場營運效率未達國際水平，令飛機經常誤點，造成無謂浪費。今年第三季相信係內地航空股見底期，至於股價能否回升，要許多方面能改善才可。內地鋼鐵股邊際利潤今年下半年繼續受壓，在可見將來未能改善。理論上，鋼鐵股?投資吸引力仍有限。電視進入微中取利時代　　TCL通訊半年虧損七千零七十萬元、TCL多媒體半年虧損十六億元，問題出?邊度？TCL通訊2004年與Alcatel Mobile Phones Ltd.合作發展手機業務，去年收購未持有部分成為全資附屬公司，上述合作令2004年TCL通訊產生三億多元虧損，去年再為收購公司撥備而損失十八億九千六百多萬元；今年上半年仍損失七千多萬元。可以講呢次與Alcatel合作，TCL通訊付出?沉重代價。為了解情況，首先應了解手機市場生態。內地工廠過去以OEM為主，即代工生產，TCL通訊以為同Alcatel合作便可以該公司品牌出售產品……，呢個諗法係唔少從事工業者常犯?錯誤，而唔知道品牌建立?自推陳出新，尤其係手機，差唔多每個月都有新技術，2005及06年更係2G手機同3G手機新舊交替年。TCL通訊獲得Alcatel品牌，係咪有助TCL通訊所產手機?北美洲同歐洲市場提升佔有率？即使有，相信亦只係停留?低檔產品市場，而非高檔。欲打入高檔手機市場，仲係向韓國三星學習自己做R&D，?技術及設計上有新突破，才可將TCL品牌提升至中高檔。換言之，TCL通訊2004年與Alcatel合組新公司，已犯?策略上錯誤。至於TCL多媒體，亦係2004年同湯姆遜合作?開始。去年對方行使期權將餘下業務賣畀TCL多媒體，換取TCL多媒體股份。TCL多媒體2002年12月將生產黑白電視?生產線賣畀母公司，自己全力生產彩電，透過收購湯姆遜成為全球最大彩電生產商，佔全球彩電銷量11％（佔中國市場21％）。可惜產品仍以真空管為主，湯姆遜出售?理由就係呢類產品早已無利可圖，結果合作新公司營業額好大，但產生?唔係純利而係虧損。今年TCL多媒體為投資湯姆遜作大幅撥備及全力向高檔產品例如液晶體屏幕平板電視進軍，情況同TCL通訊所犯錯誤一樣。?外國，電視早已成為普通商品，因此品牌並唔重要。如技術上冇新突破，產品售價便宜係因為當普通商品賣，如要賣好D價銀，必須自己做R&D，?技術上領先。令人擔心係液晶體屏幕電視好快又變成普通商品，進入微中取利時代。內地工業股?正確策略唔係走出去，而係自己做R&D，將產品技術含量提升，而非收購外國品牌再以其品牌出售產品，起碼?手機市場同彩電市場呢招行唔通。移動平均通道適用於玩短線　　唔少人喜歡玩短線，結果輸者多贏者少。其實，利用十分簡單?移動平均數組合，已可大大改善短線投機成績，唔再憑個人直覺及勇氣行事。例如利用八天與十二天移動平均線組合（再敏感D可改為四天同六天），每逢八天線低於十二天線便沽貨，每逢八天移動平均數高於十二天線便買入，成績已不俗【圖】。上述方法亦可用於個別股份身上，較每天睇電視聽所謂投資專家講?成績更佳。上述方法亦可用於炒期指，如進一步改善此法可引入移動平均通道（MAC），利用移動平均線為?生指數製作移動通道（香港仍未有上述軟件出售）。如?生指數升到通道上限係沽出訊號，通道下限（或略為跌穿）便入貨。　　我老曹1968年到經紀行做事，1969年年底開始?報章上寫投資分析文章，見過唔少當時得令?分析技巧，情況有如服裝潮流，一時興一樣，但經得起時間沖刷，至今為止最有效?分析工具仍然係移動平均線組合及形態分析。如你先學好基礎分析，再掌握形態分析同移動平均數組合，再加入「止蝕唔止賺」，差唔多已足夠；至於其他分析工具尤其係波浪理論，易學難精，我老曹1976年開始學習波浪理論，到1986年決定放棄，因為太多事後才能解釋?現象。或者我地冇艾特略?智慧。艾特略因為患?小兒麻痹症，落唔得床。有人話盲公算命最靈，因為盲?之後才心水清，普通人學算命無法達致盲公境界。如你冇患小兒麻痹症，或者無法學好波浪理論！移動平均線?好處係實在，「買入」便係買入、「賣出」便係賣出，唔似波浪理論通常事後才能明白其中奧妙。　　2003年起?經濟復甦及戰後其他日子?經濟復甦有明顯唔同。扣除通脹因素，過去十季工資收入只升15％（過去係49％）；反之，企業純利上升達47％（過去係21％）。換言之，2003年起至今，打工仔收入改善程度較過去任何一次經濟復甦為少；反之，企業純利改善程度較過去任何一次經濟復甦為多。有人形容呢次經濟復甦係富有者賺多?許多蚊年，貧窮者則多?工作機會！　　2003年起?經濟復甦，升幅最大?受惠者係天然資源擁有者，例如石油及其他金屬，結果令?D對原材料依賴甚深?公司不但未受其惠，反受其害，最有代表性如德昌電機（179）；?D擁有天然資源?公司，則因天然資源漲價而大受其惠，例如中石油（857）及中海油（883）等。　　隨?環球化愈?愈深化，?D低技術含量?工業股亦紛紛受害，因為愈來愈多國家加入競爭，此市場即使高科技亦唔見得安全。例如英特爾（Intel）亦面對Advanced Micro Devices（AMD）競爭，必須低價出售低檔微處理器及快閃記憶晶片去保持市場佔有率，結果令內地的晶片生產商好痛苦，因為內地晶片仲係以低檔微處理器生產為主，面對英特爾低價出售?策略，都幾惡頂。英特爾面對AMD競爭，感到過去自己?壟斷地位受到挑戰，如不反攻便地位不保。情況有如七十年代日本汽車工業開始攻擊美國三大汽車集團，當年美國三大汽車集團為保持盈利並冇減價應戰，任由日本廉價汽車入侵，令日本汽車集團坐大，甚至威脅美國三大汽車集團生存。今天日本汽車唔再以廉價推銷Corolla去侵佔市場，而係以利潤豐厚?Lexus令美國三大汽車集團進一步失去市場；美國英特爾今年亦感受到同樣壓力。原材料價格將在高位徘徊　　六十年代我地嘲笑日本產品「遲早完」、七十年代我地睇唔起南韓三星、八十年代我地笑台灣生產?「雨遮」（睇得唔用得）、九十年代笑中國產品……，依家點樣？　　七十年代長實（001）、新地（016）等華資勢力剛興起，怡和、會德豐等完全睇唔起華資公司。今天怡和旗下?九倉（004），控制權?1980年易手；新地?地位亦早已取代置地公司?中環?地位。七十年代華資地產公司實力相較英資企業只有十分一！今天香港餘下?唯一英資大企業係太古（019），理由係七十年代同華資公司齊齊?香港玩房地產。順勢者昌、逆勢者亡，潮起潮落浪淘沙。　　今天我老曹最大困擾係未知資源股此一潮流係咪到?完結篇。過去十五年中國GDP高速增長，佔全球GDP比重由1990年?6％到2005年?15％；反之，印度佔全球GDP比重只由4.25％升到2005年?6％。中國GDP過去十五年咁高速增長主要由於工業化，背後係基建發展，自然形成對天然資源需求上升。今天中國同印度人均收入相較OECD國家而言仍相當低，?全球都在減少貿易障礙及將製造活動向低勞工成本地區轉移，冇理由未來十五年中國同印度情況會同過去十五年有改變！由於產品轉向新興國家生產，令產品售價變相便宜?，更多OECD國家人民可以消費得起，即中國同印度產品出口未來十五年將保持高增長。歐洲同日本過去係產品輸出國，後來亦變成產品消費國。隨?中國同印度人均收入上升，十五年後成為大消費國?機會甚大，仲有巴西、埃及、印尼、墨西哥、尼日利亞、菲律賓、俄羅斯、非洲、泰國、土耳其等，即未來OECD國家人口將由依家約十億人增至四十億人。從呢點睇，貿易障礙自1980年起一步步下降及經濟環球化所產生?影響，雖然過?二十五年，到今天仍有動力繼續推動全球經濟增長，最終全球約四十億人口?生活水平將達到OECD國家人民水平。對天然原材料需求?壓力係點？可以想像。換言之，1999年（或2001年）開始?天然資源上升周期即使今年5月見頂，未來亦只會係高位牛皮而非回落。　　南聯實業（098）、品質國際（243）、中國生物製藥（1177）、潤迅通信國際（989）、中國燃氣（384）、鐳射國際（8173）停牌。　　泰盛實業集團（1159）、深圳科技（106）、王氏港建（532）9月11日；寶威控股（024）、世紀建業（079）、崇高國際（209）、中國生物製藥（1177）、新鴻基公司（086）、自然美（157）、天津港發展（3382）12日；駿新集團（091）13日；金蝶國際（268）、電訊盈科（008）、盈大地產（432）、SUNDAY（866）、億和控股（838）、嘉華國際（173）、太平洋實業（767）14日；嘉利美商（704）、綠色能源集團（979）、萬事昌國際（898）、東方網庫（430）15日公布業績。　

聯儲局提早放聲氣

聯儲局提早放聲氣2006-08-31　　8月30日，周三。?生指數升201.43，收17284.71；成交二百九十七億九千四百多萬元。8月期指結算，以17184點收市，升104點；9月期指升225點，收17253點。TCL通訊（2618）半年虧損降至七千零七十萬元（去年同期虧損八億五千三百萬元）；反之，TCL多媒體（1070）虧損擴大至十六億元（去年虧損九千六百萬元），新收購法國Thomson SA情況未見改善。證明「走出去」唔係想像中咁易。

　　日本工資7月份回落0.1％，至平均三十九萬五千八百日圓（約三千三百九十美元），事前分析界估計可上升0.8％，令日經平均指數回落。7月份零售數字較6月份回落1.7％，亦較估計回落1.1％多，主因係美國GDP第二季增長率只有2.5％（第一季5.6％），估計第三季美國GDP增長率為2.8％。工資下跌令日圓加息空間減少，?價上升壓力亦減少，有利出口股及日圓債券。通脹目標政策唔係?得咁緊　　美國聯儲局已暗示9月20日及10月24、25日唔加息；換言之，下次加息?話最快亦要?11月中期選舉之後。期貨市場估9月20日加息機會只有16％、10月25日加息機會26％、11月加息機會40％。6月份美國核心CPI升2.4％，遠離通脹目標?2％；但因為美國樓市放緩，聯儲局提早放聲氣9月、10月唔加息，由此可見貝南奇對「通脹目標」政策並唔係?得咁緊。七十年代美國聯儲局曾執行低利率政策，利用經濟增長去抵銷通脹，即米貴上高樓政策（加薪幅度大於CPI增長率），但最後全球投資者對美元失去信心。1979年年中雪茄伏上台改變策略，改用貨幣學派理論控制貨幣供應，任由利率大上大落，利率一度見二十一厘！終於殺死通脹呢頭怪獸。1987年中交棒畀格蛇，格蛇任內一直執行利率高出CPI增長率最少二厘?政策，直至2001年「九．一一慘劇」出現（當年貝南奇已加入董事局），因為擔心美國經濟衰退（2001年第三季GDP曾出現負增長）而大幅減息，成功阻止2001年第四季GDP負增長。?樓市上升帶動下，2002年10月美股亦回升……。今年2月格蛇將呢枝火棒交畀貝南奇。今年4月貝南奇提出?「通脹目標」政策，並唔係乜新?，1990年紐西蘭首先採用，1991年加拿大亦加入、1993年英國，其後係歐洲及日本。紐西蘭成功把通脹率由1990年前?兩位數降至近年不足3％，但唔係冇代價，代價係紐西蘭GDP增長率一再下降。依家美國利率五厘二五，已產生孳息倒轉現象，以及令第二季GDP增長率降至2.5％，持之以?，相信明年美國CPI進入回落期，代價係美國GDP可能亦將回落到只有2％。通脹目標政策?威力唔及雪茄伏?貨幣供應學派，但最終亦可穩定CPI增長率，只係時間上要長D。各位已感受到原材料價格今年5月起開始回落嗎？資金泛濫期結束，但資金供應仍充沛，形成股市睇好睇淡兩不宜。世界上冇能源危機呢回事　　?今年5月，金價?過去?二十四個月上升超過100％，之後又點？金價由5月12日七百三十點四美元回落到6月14日五百四十二美元，略破二百天線便反彈至六百七十五美元；依家二百天線?五百八十九美元，會否再接近？從RSI睇，黃金未見超賣出現。如五百九十美元失守，金價才有較大幅度回落，?五百九十美元未失守前，相信金價無大作為。　　颶風「埃內斯托」已減弱為熱帶氣旋，並避開?美國墨西哥灣地區之石油及天然氣生產設施，令美國10月期油跌至六十九點七一美元，為兩個多月以?最低?收盤價。去年「卡特里娜」及「麗塔」對美國墨西哥灣地區採油及煉油設施帶?嚴重破壞，導致國際油價急升。美國颶風季節已過?三分二，至今未有損傷，油價走跌，未來美國CPI上升壓力在減少中。　　全球煤存量最多係美國，約二千七百億噸，佔全球已知存量25％；其次係俄羅斯，約一千七百六十億噸；第三係中國，約一千三百六十億噸；反而歐洲少得可憐，只有三百六十億噸。如以煤為動力，世界何來能源危機？問題係燒煤嚴重產生污染物，過去英國便以煤為動力，倫敦亦有霧都之稱。中國近年大量以煤發電，亦出現嚴重?smog，甚至香港改為以煤發電後，天空亦唔再清晰（約18％空氣染污問題?自香港兩間發電廠燒煤）。換言之，全球唔係缺乏能源，而係缺乏清潔能源。煤變油方面如有技術突破，世界根本上冇能源危機呢回事。其次係燃燒煤之時產生大量二氧化碳及硫，好易變成酸雨及污染空氣，唔似石油係碳氫化合物，因此產生二氧化碳唔多，大部分係水蒸氣。另一方法係將煤變成二甲苯（俗稱煤氣），亦係乾淨燃料，但運輸上唔方便（以煤氣管運輸唔及汽油方便）。餘下問題係石油價格升至邊個水平才會刺激替代能源出現？例如將煤變成煤氣或發電，市區內?電氣化汽車將取代汽油推動汽車以符合環保。如以熱量單位計，煤氣成本相等於每桶石油二十七至三十六美元（視乎距離遠近而定）。中國興建全球最大煤氣項目，年產量達三百萬噸，作為城市能源之用，另投資大量資金?煤變油方面。換言之，中國未來對石油入口?依賴未必如一般人估計咁大。興建煤氣廠?成本大於煉油廠十倍，一個年產量四十萬噸?煤氣工廠已?內蒙興建中，2009年開始操作；至於煤變油，2010年唔少項目將投入商業營運。因此唔好太肯定油價一定只升不跌，反而美國?呢方面投資唔多。明年美樓市只會呆滯　　美國樓市每上升三、四年，回落二、三年好正常，因此去年8月起?回落，估計一直伸延到明年8月或更長，冇乜大不了。唔似八十年代初期美國放售單位與售出單位比率為十二比一【圖一】，其後紛紛減價求售套現；依家未出售單位佔今年可出售單位6％，情況較過去兩年差，但地產界並唔急於拋售套現，上述係今年同1981年?分別。展望未來，樓市只會呆滯，但睇唔到崩塌?理由；加上資訊發達，依家興建?房屋數量不但較1994年少，亦較1997年少，甚至較去年少【圖二】。兩大因素加起來，代表明年美國樓市只會呆滯，不虞大幅回落。　　八十年代樓市係行先經濟一步（經濟未衰，樓市先衰）；反之，復甦慢經濟一步（經濟好?六個月，樓市才回升）。到?九十年代，樓市卻成為領先者，即經濟未好樓市先好、經濟未衰樓市先衰！例如1998年長期資本管理公司出事後，聯儲局急急減息，令樓市先於股市上升；反之，?利率上升壓力下，2000年樓市亦先跌，股市才回落。「九．一一慘劇」後，美國2001年第四季樓市已回升，2002年10月美股才上升；去年8月樓市開始回落，美股今年5月才回落。估計十二個月內聯儲局將減息，即美國樓市極有機會明年第二季止跌回升。　　如上述分析正確，未來美國樓市下跌空間十分有限，唔排除明年第二季係入市時機。技術上睇十年期債券今年底可見四厘四，即明年減息幅度大於一厘。從呢點睇明年美國消費增長率雖然下降，但又不致出現負數。　　8月19日起，中國人行要求存貸基準利率上調零點二七厘，五年以上貸款利率由六厘三九上升至六厘八四，升零點四五厘。不過，樓按貸款係銀行?優質客戶，加息後唔到一周，各省市銀行根據總行指示：向基本上「自住住房按揭貸款」實行利率一律下浮15％，意思係購買第一套住房者一般可八五折計利息，購買第二套住房者（如由直系親屬居住）有商量餘地，大部分仍獲八五折計息；只有購入第三套住房，才按人行指示辦事！因為誰都唔願因為加息而丟失客戶，形成呢次國內房產貸款利率明加實減。　　內地樓市漲價，漸由大城市轉向中西部地區，主因係改革開放二十八年，人均收入年增長率都係兩位數，而人均居住面積年增長率都?3％以下，唔少二線城市居民仍住?舊房子，對新房子需求好大，雖然政府一再壓抑，需求仍然壓唔住。　　隨?外貿盈餘上升，中國出口退稅下調已經係大趨勢。「十．五」期間，中國出口退稅一萬一千九百四十四億四千七百萬元人民幣，同期?自全部私營企業稅收才只有七千七百零五億五千七百萬元人民幣，即政府變相補貼出口商。隨?外貿盈餘上升，貿易磨擦增加，去年初開始一步步削減出口退稅。今年降幅較大係紡織及鋼鐵產品出口，形成紡織及鋼鐵兩大行業營商環境進一步困難。　　越南製衣廠亦面對困難，主因中國開發中西部成為紡織產品中心，生產成本較胡志明市仲便宜（依家胡志明市製衣工人月薪一百美元，隨?銀行、酒店、旅遊業興旺，唔少製衣工人轉行）。越南工資雖較珠三角及長三角一帶便宜20％，但較中國中西部高10％，?咁?情況下，越南製衣廠因人手不足，估計兩年內有二千間製衣廠要關門！　　內地擁有十萬美元金融資產（唔包括自住物業）?有三百萬戶；擁有一百萬美元金融資產者有三十萬戶，大部分集中?東部沿海及大城市。理論上，內地財富管理業務應大有可為。　　投資唔係遊戲，首先應制訂策略，然後依照計劃行事。未認識股市前，先認識自己點解買入，唔係?話你好快會加入80％輸家行列。一旦犯錯，唔好搵藉口，立即行動止蝕！唔好讓小問題演變成大問題，進一步變成無可挽救?問題。止蝕愈快愈好，唔好因虛假?期望阻礙你行使止蝕，錯?立即承認，採取行動止蝕，然後搵更好?投資項目！「希望永遠在人間」係講畀失敗者聽?謊言！唔好信。投資如生孩子貴精不貴多　　任何投資事前必須做功課，千祈唔好打天才波。投資應分散，最少三項最多六項（如你投資超過十隻股票，我老曹認為你已有問題，除非你係基金經理。冇人有足夠時間打理十項投資。投資如生孩子，貴精不貴多）。例如不應持有多於兩隻科技股、不應持有超過兩隻資源股，更不應持有超過兩隻銀行股或兩隻地產股。散戶投資貴精不貴多，千萬不可抱開超市?心態，只有大財團才可開超市，散戶只可經營精品店。如果投資項目有利潤，賣掉三分一後其餘讓利潤往前跑。　　唔好投資高負債公司，因為佢地抗跌能力差及集資能力差，除?航空公司（因為要借錢買飛機），其餘公司負債高一定有問題，因為高通脹期已結束，借錢發達日子?1997年劃上休止符；公司毛利率低者亦應沽出，咁代表冇競爭力，必須將產品賤價而沽才能保持市場佔有率；毛利率低於15％者已不應沾手，除非你真正了解該行業，明白該行業盛衰周期。例如酒店業，唔少成功者?2003年擴充，因為佢地知道自由行將改變酒店業生態環境，但到?今年應否繼續擴充又成疑問。例如零售業唔少老行專?2003年低毛利率時期擴充，去年下半年起便停止，充分利用行業盛衰周期。乜?GDP增長率、零售數字、失業率甚至CPI增長率，都係落後指數，可以不理。一間公司如存貨上升而毛利率下降便得小心，此乃危險訊號，沽之哉。　　有經濟理論便可發達？經濟系教授通通唔使教書啦！理論只可加強你?智慧，但實踐最實際。經濟系大學教授一樣控制唔到自己?情緒而作出錯誤決定，所以平常心好重要。世上冇必贏?仗，亦冇必賺?投資技巧，交學費係無可避免?事。李超人亦一樣要交學費，問題係交學費後你學到幾多？有D人一生都?度交學費，有D人交一次學費便一生受用，你屬於邊類人？如有好朋友，可以?入市前先同朋友爭?（我老曹同森池兄相識幾十年，一見面便互相磨嘴），從爭?中可睇到自己過去冇留意?問題。?爭?中才了解別人?睇法，千萬不可互相吹捧，不然死?都唔知點解。即日鮮類似網上賭博　　現代飛機駕駛員??真飛機前，先行模擬駕駛。投資亦一樣，未入市前可模擬投資或少量投資，印證自己睇法諗法係正抑或是錯，成功?才大大注。未入市先訂止蝕位，唔好希望賺幾多，而係計算自己可以蝕幾多，有?止蝕盤保護你便無所懼怕（冇止蝕盤而毅然入市，有如戰士上戰場只帶劍唔帶盾，畀人斬死多個病死）。　　短線投機（day trade）好刺激，亦可賺大錢，理由係有人可以十分有系統地處理手上?投資而非盲目，但贏家只佔所有day traders人數6.5％，你得咩？如果你做得到，從今以後亦唔使睇任何財經文章（因為你仲威過佢地），唔係?話只宜用少少錢玩?，睇?自己眼光如何！情況有如玩吃角子老虎機（明知輸都玩，理由係尋求刺激）。近年低成本電腦及電腦程式流行，加上即時通訊成本愈?愈便宜，任何人每月花數百元，已可?家中或寫字樓裝上電腦程式進行day trade。唔少人有錯覺以為day trade好易賺錢，事實上從事day trade者十個之中八個輸錢，因為day trade類似網上賭博，只有職業賭徒才可贏錢，至於普通人則十賭九輸，唔信你可以用十萬八萬元試?，睇?自己係輸家抑或贏家。　　股市永遠波動，到底係好係壞亦睇你點睇。波幅提供短線炒賣機會，同時提升入市風險。玩day trade者不宜採用止蝕盤，因為?day trade中止蝕盤冇保護作用，反而累事。　　■嘉進投資（310）9月7日；京信通信（2342）、飛達控股（1100）、日本亞太事業（603）、順誠（531）、上海商貿（1104）8日；中國誠通（217）、中意控股（1198）、環康集團（8169）11日；金利來（533）、?安國際（1044）、百富國際（8272）12日；北京控股（392）、鷹君（041）13日；合生創展（754）、新地（016）14日；吉利汽車（175）、華多利（1139）15日公布業績。