日經或現死亡交叉

日經或現死亡交叉2006-07-04　　7月3日，周一。?生指數升59.04，收16326.66；成交二百七十四億零六百多萬元。7月期指升34點，見16351點。五窮六絕已應驗，7月係咪翻身時？我老曹睇法比較保守，估計7月份係個別發展上落市。5月上阻力仍然存在，6月下支持短期內仍頂得住。

零售業面對兩大壓力　　5月份香港零售業較去年同期升5.3％，至一百八十六億元（4月份升9.5％）；零售量升幅更少，只有2％；數據較十八位分析員事前估計?升幅9.5％為少。香港零售業增長高潮?去年上半年，隨?利率上升，香港零售業面對兩大壓力：一、租金及薪金上升；二、營業額升幅有限，形成邊際利潤下降。　　瑞信、大摩都指出，股市投資者經歷?風暴已過，建議投資者增持股票、減持現金。佢地認為市場?6月13日已過分悲觀，樂觀時刻已到，未來股價表現最好，係大型公司將勝過小型股。MSCI世界指數已由6月13日低點反彈6.1％，日經平均指數自6月13日以來已上漲9.1％，但較4月高點仍低12％；大摩更估計一年內日股可突破5月高點。如睇日經平均指數至今未重返五十天移動平均線之上，加上五十天線急跌，唔排除短期內跌穿二百天線，出現死亡交叉點【圖】。日經指數今年4月7日起回落，較香港及美股早一個月，有一定的啟示作用。　　日本「短觀」報告話，二千三百七十五間最大企業打算今年開支上升11.6％（較二十七位分析員事前估計升9％更多）。大廠家信心指數6月份係21（3月份係20）。豐田汽車更打算加薪，因七年通縮已結束。日本十年期債券孳息率已見一厘九四五，十五位分析員中，九位相信7月14日將加息。日本銀行?7月14日開會會否加息？木宰羊。美國周一半日市、周二慶祝獨立日而停市，估計短期內無大上落。周五公布非農業就業收入，下周開始進入炒賣公司業績期，股市暫時唔理會8月8日聯儲局會否加息。7月6日歐洲央行會否加息？德國商業信心指數升至十五年高點，歐羅加息機會亦十分大。　　6月29日美國聯儲局加息後，貝南奇最新立場係等候數據然後才作決定，市場對佢上述言論反應好好（因事前有人估計會加息半厘）。相信6月13日係短期大市?底，未來股價因應公司公布上半年業績而作調整。但短期內大市無法重上5月高點，亦不應跌穿6月低點。反彈無阻資金流出亞太區　　6月13日?反彈並未阻止資金流出亞太區（唔包括日本股市），只係流出速度減慢。過去兩周估計流走資金約十二億美元，至今為止未見大量資金回流。　　今年1至5月中國累計貿易順差共四百六十七億九千萬美元，較去年同期升41％；5月份貿易順差達一百三十億美元，造成中國流動資金過剩?重要因素。反之，去年美國貿易逆差達七千二百五十七億六千萬美元，較2004年升17.5％；今年首四個月貿易逆差較去年再升6.4％。　　美國貿赤達七千四百二十億美元一年，財赤超過四千億美元一年；共有超過一萬億美元?中國、日本、南韓、台灣、香港等政府手中，上述政府一個決定，將可令美元?價進一步受壓。呢幾年G7正努力令美元有秩序地貶值，此乃大趨勢；因此，美元必須維持較高利率作補償，相信美元高利率時期較大部分人估計都長。全球貿易失衡，造成全球經濟失衡。美國投資增長仍過快，儲蓄率嚴重偏低，形成貿易逆差擴大；反之，中國一般人缺乏投資機會，造成儲蓄率偏高，形成貿易順差擴大。　　1980年起美國政府實施擴張性財政政策，係造成美國政府財赤及收支赤字進一步擴大?理由。克仔上台後一度致力削減財赤，令雙赤問題一度有所緩解；2000年殊仔上台後，擴張政策變本加厲，令財赤及收支赤字進一步擴大；反之，亞洲各國經濟體系都以出口導向型經濟為主，加上國際產業結構調整，大量勞工密集產業轉至新興國家，形成新興國家產品大量出口，係造成今天全球貿易失衡及經濟失衡?理由。　　美國TMT股泡沫爆破後，2001年1月3日起開始減息，「九．一一慘劇」後更變本加厲，經十三次減息，將利率由六厘半降至一厘。日本央行為?對付通縮，亦實施長達五年?零利率政策，形成全球性流動資金過剩，更產生大規模跨境流動。今年5月10日聯儲局將利率推高至五厘後，各國似乎致力減少流動資金，令大摩世界指數?一個月內下跌12％，金價由5月12日七百三十美元跌至6月9日五百四十三美元。6月13日起股市回升但未來大方向係點？仍未清晰。　　美國又到?打風季節，估計今年有十六個颶風（去年二十八個）。去年其中四個颶風帶??破壞，令一千八百人死亡，損失財物超過一千億美元，係歷史上最大?一次破壞。今年又點？冇人可以預測。?大自然威力下，人類能力變得十分渺小。打風?結果可影響天然氣、原油、糖以至橙汁售價。鋼鐵業利潤全面回升　　上周五中國政府公布「關於鋼鐵工業控制總量淘汰落後，加快結構調整通知」，再次提出淘汰一億噸鋼鐵落後產能?目標，係去年頒發「鋼鐵產業發展政策」及「鋼鐵產業結構調整指導目錄」後第三份指導性文件。中國計劃明年前淘汰五千五百萬噸落後煉鋼能力，形成二至三個年產三千萬噸級、若干個年產千萬噸級具國際競爭力?大型鋼鐵企業集團，令國內前十位?鋼鐵企業佔總產能50％以上。呢份通知係將去年發表?調整目標延後三年！全國落後煉鐵產能主要分布?河北及山西省，佔該省煉鐵總產能46.9％同50.7％，如?明年前全部淘汰三百立方米以下高爐產能，壓力太大，難以實現。另一方面，2003年以後新增煉鋼產能80％未獲核准便上馬。依家問題係舊?未淘汰、新?已上馬，形成去年9月起鋼價全面下跌，而原材料價格卻上升。今年首季95％鋼材產品價格跌破成本。電費加價、水價上升、污染費上升；加上鐵礦石漲價19％，未來壓力仍在增大。今年1、2月鋼鐵業幾乎冇乜盈利，但3月份盈利較2月升三倍，4月較3月再升45％，5月較4月升30％，6月較5月升20％。即今年3月份起鋼鐵業利潤已全面回升，雖然鐵礦石加價19％及電費上升。　　中國本土鐵礦石資源有限，而且品質較低。依家中國入口全球鐵礦石國際交易量45％，估計到2008年佔50％以上，已導致2004及05年鐵礦石供應短缺及大幅加價。控制全球鐵礦石國際貿易市場70％?三大巨頭，亦投資數十億美元擴大產能，以滿足中國不斷上升?需求。　　新出爐?BP世界能源統計，今年估計全球石油儲量可供生產四十年。去年係第三個上漲年頭，油價平均超過五十美元一桶，較2004年升40％；全球消費升2.7％（2004年係4.4％），仍高於過去十年平均數。中國能源消費增長率由2004年15.5％，下降至去年9.5％，主因係成功解決發電用煤緊缺?問題。今年水電生產上升，估計中國能源消費增長率進一步下降。　　華電國際（1071）宣布加電費4.4％，或每百萬瓦特時加十一元人民幣，6月30日生效，係過去一年內第一次加電費。華能電力（902）宣布加電費7.3％。中國電力（2380）加幅最大，達15％。中國電力6月30日增加電費後，估計今年獲利七億八千六百萬元人民幣或每股二角五點一分，較去年升18.8％，O十一點七倍，不過不失；估計明年獲利八億九千七百萬元人民幣或每股二角八點六分，O十點三倍。　　7月1日起汽車進口中國進一步下調入口稅：小轎車、越野車、小客車進口關稅降至25％；汽車零部件降到10％。估計措施對內地汽車銷售有一定壓力。駿威（203）面對入口車減稅競爭，估計今年獲利十九億三千七百萬元或每股二角六仙，O十點一倍；明年規模經濟效益下，估計獲利二十三億八千六百萬元或每股三角二仙，O八點二倍，已到?可以吸納水平。　　吉利汽車（175）6月銷量略為下降，估計今年營業額仍可增長15％；純利上升一倍，至二億三千萬元或每股六仙。但股價已上升唔少，即使純利上升一倍，幫助仍然唔大，估計今年純利再升50％，至三億五千一百萬元或每股九仙，O重返十一點四倍。公司係好公司，但今年股價已大升，已好難落手了。　　國家稅務總局地方稅務司處長張勤話，房地產稅並唔係用?作為短期調控?，但依家房地產稅佔地方稅收三分一，係重要稅收來源，包括房產稅、城鎮土地使用稅、城市房地產稅、土地增值稅、耕地佔用稅、契稅、印花稅、營業稅等八個稅種。1999年中國進行房地產改革，考慮到單位剛剛將房子賣畀職工個人，其中唔少係貸款買入，另外產權亦未落實得清楚，所以暫時冇向個人徵稅。按照房產稅計，將房屋出租?租金收入要向房屋產權人徵收稅?，個人稅率為4％，企業稅率12％，日後可能仲要高D，只係政策修訂需要一定時間（香港如將房屋出租，政府抽租金收入15％作為物業稅）。中國政府只係短期內無法實現抽稅，唔代表?內地將房屋出租唔使交稅。　　外傳國家發改委依家修訂緊「外商投資產業指導目錄」。外商投資住宅開發建設房地產業將唔再享受「鼓勵類」優待。現行目標2004年11月30日修訂，將外商投資領域分為鼓勵、限制及禁止三大類。如失去「鼓勵」地位，外商投資內地房地產將面對「限制」，不利中國WTO國際形象。建立優質民主避免黨爭　　2000年民進黨憑選票取得台灣管治權，係華人社會中首次，應係中華民族?光榮。不過，過去六年多?問題，並冇向世人顯示民主政制優良?一面，反而迅速暴露粗糙民主?缺點（黨爭）。依家國民黨係立法院內成為少數派，冇三分二議員支持下無法罷免總統；另一方面，國民黨又有足夠議席阻止民進黨進行改革，結果拖拖拉拉六年多，台灣經濟陷入泥?。　　香港亦在爭取普選，我地係咪有能力防止類似台灣?例子?香港出現？過去九年香港雖然未致發展成為黨爭，但無謂?爭?早已令香港經濟停滯不前。點樣引入優質民主，避免出現粗糙民主出現？呢點更令人關心。走向民主已係世界大方向，問題只係時間，點樣建立優質民主、避免陷入黨爭亦好重要。　　路訊通（888）停牌。　　中國香精香料（3318）、財華社（8317）、駿新集團（091）停牌，宣布配售新股。　　祥泰行（199）7月5日起改名澳門祥泰地產。　　■神州數碼（861）、同得仕（518）、冠華國際（539）、莊士機構（367）7月12日；新昌管理集團（2340）、南聯實業（098）、南聯地產控股（1036）13日；長江製衣（294）21日；?生銀行（011）31日；東亞銀行（023）8月4日；香港交易所（388）16日公布業績。