萬五╱萬七 唔炒唔舒服

萬五╱萬七 唔炒唔舒服2006-09-08　　9月7日，周四。?生指數跌162.07，收17096.44；成交二百九十七億二千六百多萬元。9月期指低水，跌216點，收17019點。新濠國際（200）半年虧損二千八百九十八萬元或每股二點五一仙，相信股價將受壓。反之，瑩輝（1163）半年獲利三千零七十九萬八千元，大升99％，每股獲利六點二仙，中期息三仙；股價升上八角。中海油（883）下挫2.9％，?生石油及資源股指數下跌1.8％。紐約10月原油價六十七點五美元，係4月7日以來最低。中國建材（3323） 大升9.4％，收三元三角七仙，瑞信推介，評為「跑贏大市」。中遠太平洋（1199）下挫2.6％，半年純利減37％，至一億三千六百四十萬美元；新意網（8008）升21％，因派特別息。個別公司因應本身業績公布，令股價出現調整。至於?生指數，仍在框框內上落。

油價超賣隨時反彈　　股市回落，VIX由8％升至13.8％，代表後市波幅將擴闊，亦代表淡友漸佔上峰，尤其石油股因油價跌穿支持位六十八美元而受壓；反之，汽車股、航空股則受惠。資產分布方面（asset allocate），8月份如作出更改，真係公死有得食、婆死一樣有得食。值得小心係半導體股及科網股反彈睇落已完成，跌市又開始，納指由4月20日2375點回落到7月18日2012.78，至今只完成50％反彈【圖】，技術上表現較日經平均指數仲弱，相信香港科網股表現一樣受壓，宜減持。　　股市內賺錢機會仍大把，例如有人利用「Spread Betting」（今年4月空日經平均數、??生指數）賺大錢，因為跌市弱勢先行，如全球股市回落，日經平均指數跌幅一定較香港大，因為?生指數係強勢，必定最後才下跌。上述服務要私人投資銀行才有提供。股市市場內，對沖基金及大機構投資者已主導市場，例如風季過去並冇帶來破壞，油價便立即面對壓力，二百天移動平均線六十七點五美元一度失守（跌穿二百天線係入貨訊號，五十天線跌破二百天線才確認油價轉向）。雖然二百天線略為失守，但油價已進入超賣區，一次反彈隨時出現。各位仲記得6月13日?生指數跌穿二百五十天線時，唔少人認為港股熊市重臨，結果係點？上述情況叫做走勢陷阱。過去幾年油價爬升?日子係2004年4月由二十九美元起步，今年7月見七十八美元，兩年內升幅高達225％！技術上睇，六十六美元有支持，應有一次反彈，證明無力升穿七十八美元，才確認石油上升周期完畢未遲。油價由1999年十美元一桶起步，至今年7月?七十八美元，升幅680％，都咪話唔犀飛利！自今年5月起我老曹已建議大家利用每次油價上升減持石油股，策略毋須改變。　　孳息曲線倒轉由1968年至今一旦超過三個月，經濟很大機會在未來十二個月內放緩，睇?呢一次又靈驗。美國第二季生產力上升1.6％（第一季4.3％）；反之，工資卻升4.9％（第一季升4.2％），令通脹壓力上升；美國經濟正進入滯脹期。8月份服務業工資指數企於57（7月份54.8），即8月份美國服務業工資仍在上升。雖然過去兩年聯儲局加息十七次仍然係唔夠，8月8日唔加息理由係擔心樓市回落，相信9月20日唔加息亦係因為樓市，唔代表美國CPI已受控制。至於油價下跌，最終會否引發商品價格下跌潮？雖然CRB指數已失守，但金價未有睇淡訊號。樹唔會長至頂天，總有停止長高?日子。美經濟軟?陸銀行股受壓　　呢次美國經濟擴張期已有五十六個月，係第二次世界大戰後最長，美國GDP咁龐大（十一萬億美元），點可以長期保持年率5％速度上升？你估係中國咩，GDP只有一萬二千億美元。因此，美國GDP增長率放緩到2.2％好正常，由今年第二季起出現十八個月左右?GDP低增長期唔使大驚小怪。過去十二季標普五百純利上升55％，如以明年估計純利睇，未來O十四點七倍，同戰後平均O十五倍接近。換言之，由今年第二季起計，標普五百指數下跌空間估計亦只有10％。純利增長率放慢令O下降，跌幅較大?可能只有能源股同基本金屬原料股。相信美國經濟軟?陸已開始，唔排除減息來得較一般人估計早。　　未來投資大方向係以美國經濟進入軟?陸期作為指導思想，因此連銀行股亦受壓，因為美國八十七億美元樓按中，有22％今年到期，利率由過去三厘六提升到依家五厘六，即每五十萬美元樓按每月多付八百美元利息，2004年?低息樓按?明年到期、2005年低息樓按2008年到期，即約有40％低息樓按2007年到期；其餘低息樓按2008年到期。愈來愈多美國中產家庭?未來日子利息負擔每月多八百美元；今年第一季樓按放棄供款者約三十二萬個住宅，較去年同期升72％；至於第二季數字仍未公布，相信亦將進一步上升。由於貝南奇早有安排，相信美國樓市唔會大跌，只係悶死人，情況有如飲酒後、抽煙後、賭錢後或婚外性行為之後?份失落感。原來大部分人買股票目的唔係為?賺錢，而係追求一份刺激，一如婚外性行為最大吸引力係夠刺激，但事後大部分人都會後悔咁做。今天二線股平均O居然較大藍籌O高，點解？因追求刺激人多、真正投資?人少。衍生工具8月份成交金額佔大市總成交金額25％（如扣除銀行做對沖而買賣藍籌股，百分比更高），點解？答案一樣係追求刺激?人較真正想投資?人多。?2002年，二線股抬唔起頭，依家卻成為炒賣對象，理由係市場資金仍充裕。雖然5月份曾受過一次打擊，仍未足以改變人們?做法。無線?《15/16》已經結束，但股市內玩「萬五╱萬七」?遊戲仍繼續，證明股蟻「唔炒唔舒服」！　　根據艾特略波浪理論，我地已進入通縮期而非通脹期；不過，今天各國央行較三十年代聰明；加上有?日本銀行九十年代?經驗及1997年8月後香港?經驗，起碼貝南奇唔會畀通縮?美國出現！點樣令美國偏高?樓價逐步重返大部分人能力可負擔?水平？有排搞！中國、印度甚至非洲加入生產行列後，點樣處理全球生產過剩問題？今天全球唔係唔夠物資，而係工業產品生產過剩！唔少人家庭內「存貨」太多，例如我老曹每年需要將好多仲好新淨?衣服捐畀慈善機構，不然冇地方放置新衣；屋內唔少過時?電子消費品，連菲傭都話唔要；各報館對紙張?浪費程度已到?驚人程度，唔少報章每天出紙幾十張，但最少其中三分一讀者連睇都唔睇！家中有小朋友者，滿屋都係玩具，小朋友根本上唔想要。美國連房屋都出現過剩（美國家庭只有一億個，但住宅單位卻有一億三千多萬間，以每個家庭佔用一個住宅單位計，有三千萬間屋冇人住）；美國家庭平均有二點五架汽車，至於電視機數目更加唔知點計。供應過剩?全球隨處可見，好快連非洲亦面對工業產品供應過剩。　　過去七年普通金屬價升幅較金價厲害，相信已到?上升空間十分有限?水平，後市展望進入調整期。例如銅二十七個月交貨只售五千五百九十美元一噸，但現貨七千二百六十美元；鎳二十七個月後係一萬六千六百七十五美元，現價二萬七千三百五十美元；鋅未來期貨二千二百九十三美元，現貨三千一百二十五美元，即基本金屬期貨較現貨便宜，此乃金屬價見頂?先兆，相信金屬價?今年第二季或第三季見頂機會甚大。基本金屬?大自然十分豐富，大部分以氧化後或腐蝕後與其他砂石混在一起?形式存在，例如銅、鋅、鎳、鋁、鐵等，開採成本就係佢地?最基本價。如果價廉，只有豐富含量?礦會被開採；反之，一旦價格昂貴，?D含量唔太豐富?礦亦有開採價值。換言之，一個礦有冇被開採價值，係由含量及金屬價決定，而金屬價又由世界需求決定。問題在於一個礦由勘探、發展到投產需要好長時間，唔少要十年或以上（尤其近年各國注重環保，唔少基礎建設需時甚久），此乃形成金屬價波動?理由。例如1999年前金屬價低，好少人投資採礦業；近年金屬價高，吸引大量人投資，但大部分要到2010年後才投產，此乃金屬價一升，升幅便咁大?理由（黃金反而因為有存貨供應，但普通金屬存貨有限）。呢次金屬價上升七年，已令各地勘探量大增，唔少已進入發展期，但回報相信仲需要三幾年，此乃為何二十七個月後金屬期貨價咁低?理由。假設美國GDP增長率繼續放緩，最終將令中國GDP增長率第三季亦放緩，金屬價今年5月開始回落亦唔奇。理論上，三至五年後基本金屬又將供過於求，而未來十二至十八個月仍會供不應求，因此唔排除短期基本金屬價見頂（或正在尋頂）。中國政府正利用宏調限制未來十二至十八個月內需求，等日後供應大增後再放寬，可阻止基本金屬價短期內大升。鎳價短期睇好長遠回落　　以鎳為例，內地鎳價由6月份二十一萬元人民幣一噸升至依家二十八萬元人民幣，令中國新疆、雲南、吉林、四川等地早已探明?新鎳礦資源加快在建項目及擴建，估計到2010年中國鎳產量將由目前十萬噸一年提升到二十一萬噸。鎳65％用於生產不?鋼，去年全球不?鋼產量二千五百萬噸，用鎳一百二十四萬噸。不?鋼分為奧氏體鋼及鐵素體鋼，前者佔不?鋼產量75％，主要加入鎳；後者佔25％成本，較奧氏體鋼便宜50％，理由係唔使加入鎳，但技術要求很高。?日本，鐵素體鋼佔總產量40％，中國只佔20％，近年正急起直追。因此，鎳價短期仍可睇好，因中國需求大，但長遠而言更多產品由鐵素體鋼取代奧氏體鋼，之後鎳價才會回落。　　今年係國內房地產市場出台政策最多?一年。先有「國六條」，後有「國六條細則」、「土地監察制度」、「限制外資進入」、「二手房交易個稅徵收」、「落實新建住房結構比例需求」、「整理房地產市場秩序」以及昨天我老曹報道?「國發第31號文件」，目的係遏止國內狼煙四起?房地產市場炒作，同時緩解住房價高引發?社會問題；但係又唔想對地產開發商及地方政府利益造成太大衝擊，難度唔細?。內地中低檔住宅將成主流　　相信內地房地產市場?暴利時代已結束，獲利最大者唔係外來地產開發商，而係?D能夠以極低價從政府官員手上獲得土地者；今年9月7日起「此路不通」，所有土地必須透過公開招商、掛牌競投。國家一方面嚴限土地供應，另一方面將土地交易市場化，無人可再透過政府官員獲得廉價土地！上述政策既可穩定內地樓價不致大跌（土地供應受限制），同時可將售地利潤轉化成為地方政府稅收一部分，削減有人利用圈地去獲取暴利。未來中低檔住宅將成為國內房地產供應主流，因為中央政府將重點發展中低價商品房。　　下周瑞安房地產又再次推廣，集資金額由原先十億美元降至五億美元，最快月底上市（6月中計劃集資七億三千萬至九億八千三百萬元），相信呢次可招股成功。　　宏通集團（931）、結好控股（064）停牌。　　招商迪辰（632）9月7日起更改名稱為東方明珠創業。　　昨天本欄提及有靠綜援過活的港人應為二十多萬人，合更正。　　■國浩集團（053）、南粵物流（3399）、越秀投資（123）9月15日；環球動力（231）、世茂國際（649）、信和酒店（1221）、信和置業（083）、新灃集團（1223）、載通（062）、尖沙咀置業（247）、VP Greenchip（1186）、世紀城市（355）、中遠國際控股（517）、金龍集團（329）、信寶國際（600）、卡森國際（496）、力豐（387）、百利保（617）、富豪酒店（078）、萬佳訊（8279）18日；AEON（900）、中國遠洋（1919）、建聯集團（385）、必美宜（379）、華訊（833）、中國稀土（769）、陸氏實業（366）19日；奇盛（174）20日；展鴻控股（572）、東方娛樂（009）21日；中國龍工（3339）24日；易寶（8086）25日公布業績。