貝南奇可放大假

貝南奇可放大假2006-09-04　　　9月3日，周日。依家美國經濟唔太熱又唔太冷，可以話??好。樓價下調相信今年8月開始，估計時間會好長，應該係軟?陸，因為就業情況仲十分良好，8月份失業率進一步改善及收入微升。由於市場對房地產?憂慮下降，刺激上周五美股上升。美國天氣乾燥，刺激小麥價格過去兩星期上升10%，估計2006－07年全球小麥產量五億九千三百萬噸，較上年度減二千五百萬噸；麵粉價格上升緊，不過香港麵包相信唔會加價（因租金同薪金先至係最大成本，唔係麵粉）。10月期油上周跌三點三二美元，收六十九點一九美元。

　　美國政府承認依家存油三億四千三百萬桶，係七年內新高，存油增加理由係地緣政治，如伊朗危機解決，估計未來十二個月油價可回落十五美元。上述因素不但可阻止美國CPI進一步惡化、經濟放緩情況改善，同時有機會令航空股大幅上升！美股升至四個月內高點，沃爾瑪百貨因8月營業額增加令股價上升。本周一美股放假，港股周一表現毋須參考美股。?指短線挑戰萬八　　2001年起聯儲局努力刺激美國經濟增長（由於滯後效應，2002年10月美股才回升）。聯儲局2004年6月起加息（滯後效應係今年5月美股見頂？），今年5月後欲賺錢，只有?選股方面動腦筋，因為財政刺激已消失，利率已重返正常水平。2000至02年股票熊市咁大殺傷力，改變?投資者心態，此乃2003年年中開始香港樓價重新上升?部分理由。　　?生指數短線仍可上升甚至挑戰萬八點，但資金情況已由5月份?泛濫轉為充裕，?咁?情況下，未來?指上升空間有限。各位可利用衍生工具去放大升幅（衍生工具?作用係利用槓桿原理將升、跌幅度放大，發行商則賺取溢價扣除利息成本後?差價）。各位利用投資本金5%至10%炒賣衍生工具，係理智行為；如動用全部投資本金100%去炒賣，則係瘋狂行為。　　三年前中移動（941）、中聯通（762）、中國電信（728）及網通（906）都希望獲3G牌照，相信明年中前會發出，以趕及2008年北京奧運，但發展3G係咪賺錢生意？我老曹2000年起?呢方面已係淡友，至今立場未變，應利用呢次電訊股上升作獲利回吐。　　格蛇1987年8月上任，同年10月出現股災（上任後三個月）；貝南奇今年2月接任，同年5月10日股市大跌，相差三個月零十日，真係咁竅？魯賓1999年7月唔做財長，美股2000年3月見頂（八個月後）；斯諾今年8月離任，美股……。　　1997年8月後，港股兩大熊市（1997－98年及2000年3月至2003年4月）已成歷史，兩大牛市（1998年8月至2000年3月及2003年4月至今年5月）恐怕亦已過去。雖然近日?指高於今年5月，但已經拉牛上樹，而且呢隻牛已經幾老。到底下一步係點？港股由今年5月進入上落市，似跌非跌、似升非升，個別股份則七上八落，你以為?指升，佢偏偏跌；你以為佢跌，佢又升畀你睇。6月13日唔少人睇淡，?指卻開始上升（當天跌破二百五十天線，熊市重臨言論曾充斥市場，乜?量度跌幅?指睇13000點等）。8月份所謂「上升楔形」?言論，?9月1日?指創新高下，亦不攻自破，相信本周一?指升幅可人，因為唔少人需要「打倒昨天的我」。技術分析如冇基礎分析支持，有如花拳繡腿不堪一擊；學基礎分析卻需十年八年。?急功近利?社會，懂技術分析者多，懂基礎分析?人卻少。客觀形勢，經濟已進入滯脹期，睇好睇淡兩不宜，進入贏家獲得一切（Winner takes all）時代。最近回落幅度唔細?德昌電機（179）因銅價跌而立即轉強，8月油價回落亦令石油股轉弱及航空股轉強，股市在玩「鬼影變幻球」，一般散戶點應付?!整個8月份便?牛熊拉鋸中結束，睇?9月風險更大，因為變化步伐加快。冇基礎分析而略懂走勢者，小心再燒手指。　　2002年10月開始上升?CRB商品指數上升軌上周失守，係咪商品價格牛市結束？由今年5月我老曹已開始擔心，基於「十一．五」規劃落實，原材料價格應改變方向，但今年一直至5月仍未出現，5月11日金價由高峰回落，7月油價由七十八點四美元回落。不過，金價未跌破重要支持位（五百九十美元），油價亦未跌穿支持價（六十八美元），雖然CRB商品指數上升軌失守只係秋天中第一片落葉，後市係點只有等待進一步證明。如證實的確見頂，CRB商品指數調整升幅?50％，跌幅亦幾犀利；換言之，未來投資資源股風險大增。依家美國有一千七百五十個鑽油機（Rigs）在探鑽中（五年前只有七百五十個），如油價六十八美元失守，有機會見五十五美元，即使印度及中國需求上升亦阻不了。過去因政治因素令各國紛紛增加存油，專家估計8月底止全球石油儲存量95％已滿，再過幾個月便無地方存油！換言之，博油價上升?投資者已面對「入滿油」問題。睇?油價上升到一百美元一桶?可能性?可見將來發生機會唔大；反之，跌穿七十美元?情況卻已經出現。上周五10月期油見六十九點一九美元一桶，係6月20日以?最低！5月11日CRB指數365.45，8月31日328.25，跌10％；5月11日美?指數83.98，8月31日84.69，升1％。5月11日起商品價格係咪已改變方向？美元弱勢係咪?5月11日結束？美樓價應成功軟?陸　　美國樓價方面，7月份較去年同期微升0.9％，8月份可能微跌。後市展望，美國樓價或會下調5-12％，但唔係大幅回落。樓價下跌主因係實質利率高企。例如1997年8月香港?挾息政策下，利率大大高於CPI升幅，樓價便回落；其後香港CPI出現負增長直到2004年（香港樓價2003年第三季回升）。依家美國利率五厘二五，略高於CPI增長率（唔係核心CPI），但又未高出CPI增長率二厘以上，因此美國樓價唔可能大跌，理論上軟?陸應可成功！點解我老曹認為後市美國樓價可回落5-12％？理由係近年買樓者超過25％係投資者唔係用家，投資者目的係賺價，一旦市場需求減少被迫出售，但形成短期樓價回落。情況有如今年香港，去年太多投資者買入樓花博賺價，今年呢批樓花入伙，呢班投資者為免上會，被迫?市場沽售，蝕樓價5-12％亦肯沽；反之，去年現貨樓價至今年止變化有限，相信消化呢批投資者貨源後，香港樓價又再企穩（同1997至2003年唔同，當時地產發展商手上土地儲備大增，不得不賣；今天地產商手上土地儲備不足，點解要低價拋售物業？）。一旦投資者貨源被用家吸收後，樓價又點會再跌？　　1999至2000年聯儲局加息七次，將利率由四厘半推高至六厘半，當時聯儲局係有心刺破呢個科網股泡沫，事後證明成功。2004年6月至今年7月加息十七次，聯儲局並唔係想刺穿美國樓市泡沫，只係防止CPI升幅過大，呢個亦係未來美國樓價唔會大幅滑落?理由，不然?話只要8月8日再加息，美國樓市已頂唔順。聯儲局只係希望控制CPI增長率，但不欲刺穿美國樓市泡沫。呢點各位應該睇清楚。　　美元睇淡言論甚多，但5月11日起聯儲局已逐步收緊銀根；加上美國GDP增長率雖然放緩，仍較歐洲、日本為高（2001年歐洲GDP增長3.6％，當年美國GDP增長率只有2.5％，同期歐羅兌美元升7％），上述因素可支持美元?價不跌。不過，油價回落有利歐羅及日圓，因此美元亦冇大升機會。8月份美國就業人數多十二萬八千人（7月份十二萬一千人），失業率進一步下跌至4.7%，睇落貝南奇9月20日冇?好做，可以放大假到11月才返工。　　歐羅區CPI上升2.3％，亦遠離通脹目標，但歐洲央行決定唔加息，理由係商業景氣指數1.28（事前估計係1.3）、工業信心指數2（事前估計3）、消費信心指數負8（符合預期）、經濟信心指數106.7（事前估計107.3），一連串數字顯示歐洲經濟在放緩中，如再加息，將令放緩速度加快，因此連歐洲央行亦忍手。　　去年香港企業損益賬內加入物業重估項目後，藝術氣氛濃厚?，但只宜用欣賞角度去睇去年?損益賬（部分公司將未重估損益表並列，以作參考），形成後市香港樓市上升一切都美麗，一旦樓價下調就係咁先。至於內地公司損益賬，就連董事學會主席都要好遲才知道出事，我地D散戶又可以點？　　?環球化下，世界已變成行業龍頭股可賺到開巷、非龍頭股則苦過弟弟?局面，唔好再迷信timing the market，因為80％分析員都估錯。唔好信謠言、貼士（除非你係酒樓服務員，才需要問客?貼士），甚至毋須理會大市升降。大市點睇愈?愈唔重要，如你仍迷信timing the market，只係蹉跎歲月。無人能靠timing the market發達（包括所有財經演員）。如果本少，唔好希望一年內賺一百萬元，因大部分人都失敗收場；但絕對可以?二十年內賺一千萬元。投機性強?股份升得快、跌得快，如閣下參與買賣，必須打醒十二分精神，千萬不可將投機性強?股份作中長線投資。何必迫個仔做專業人士　　由於電腦售價不斷下跌；加上即時資訊?互聯網上成本便宜，形成day-trading普及，唔少新入行者以為可透過day-trading致富，結果往往相反。如非呢方面專才，最好唔玩day-trade。　　　如果你想玩day-trade，應該睇五分鐘走勢圖協助，例如隨機指數（Stochastic）、保歷加通道（Bollinger Band）、簡單移動平均指數及加權移動平均數（EMA）、了解買賣周期（buy-sell cycles）。工欲善其事、必先利其器，而唔係憑直覺及勇氣便可致勝。day-trade有60％至70%?波動，擺動指數會有啟示，利用其擺動（swing）尋找每日高低點，例如出現同步（Convergence）與背馳（Divergence）時，可以?電腦上開幾個畫面，同時觀察及利用Daily Swing Trade軟件作每天掃描，找出是日強勢、弱勢股（強勢股?，弱勢股空），令自己立場平衡（Square），即?、空接近對等！如大家連本文亦睇唔明白，咁唔好學人炒短線。炒短線者最好連電視同收音機皆關掉，因為只會令你分神，無法提供協助；反之，利用互聯網及睇比較有見地?網上分析文章（尤其係?Ｄ收費網站，或上別人?blogs睇人家分析！）換言之今時今日做day-trade已十分專業，唔係玩玩?，再唔係業餘性質。　　金錢與性，過去父母都唔會同子女講。但現代社會，連政府亦鼓勵做父母者同子女談性；至於金錢通常做父母往往向子女誇耀自己兒時點樣窮，例如買唔起新鞋過年、結婚之時仍冇樓……。時移世易，戰後嬰兒出生之時貧窮佔大多數；反之七、八十年代出生者，當時香港經濟已進入起飛期，連窮人子女亦可隨時穿新衣，畀唔起首期者亦可買樓結婚。再同二十多歲?子女講自己細個點窮，只會形成代溝。作為父母，最好唔好限制子女發展，因為行行出狀元，佢想做歌星，亦不妨讓佢去試，自己?金錢上可支持佢發揮天分與興趣；如佢無法成為紅歌手，起碼亦滿足?佢?欲望，然後再做其他事業。有條件選擇自己愛做?事只追求快樂，已經好幸福。要求子承父業，往往令兒子唔快樂，到頭來自己亦唔快樂。自己係醫生，兒子點解不能成為歌手？職業無分貴賤，你自己係建築師，兒子點解唔可以成為廚師？出名?廚師收入隨時多過一位普通建築師。兒子?七十年代連大學都唔返，留?車房砌線路板，係唔係好唔生性？原來佢係蘋果牌電腦創辦人。兒子考入哈佛大學讀?一年就唔讀，同Ｄ同學仔唔知搞乜鬼，你會唔會發火？原來佢係蓋茨，即今日世界首富！兒子唔讀書通街跑去試別人?咖啡味道係點，係唔係好激氣？原來佢日後開?星巴克咖啡店可以雄霸全球！我地一代講點樣努力工作、克勤克儉，新一代講求創意及改變。只要你沖?咖啡好飲，已可成為全球大生意，你可接受上述改變嗎？行行出狀元，點解一定要逼個仔做專業人士？讓你?子女發揮所長，但同時教曉佢如何理財，便唔使擔心佢日後冇錢。越南股市市值有望大增　　冇人天生係理財專家，點樣將一個想法、意念變成財富亦非天生，而係經過後天學習。畢非德?小孩子時期已學曉投資，因此畀小小錢子女去做投資，令佢地學曉賺錢同蝕本，建立正確理財觀念，保證一生受用。金錢如果唔係自已賺返?，會有腐化作用，如你一味畀錢子女而唔係教曉佢地錢搵錢，佢地唔會明白金錢價值，好易會浪費掉；反之，錢係佢地自己辛苦賺回來，便會珍惜，每次用錢時會衡量值唔值而不會fooling around！　　過去九年，升幅最快係大學學費；過去十年，貶值速度最快相信係大學生薪金。政府為?減少教育經費撥款，容許大學自1997年後向學生加學費（即使?通縮期）。大學畢業後，搵事做?大學生薪金未因學費增加而上升，反而下跌，例如1997年一萬八千元月薪才請到港大畢業生，今年一萬一千元已請到；過去九年大學學費升幅大於40％，而畢業出??大學生起薪點?下跌38.9％！站?投資角度睇，投資子女讀大學完全係「高投入、低回報」項目。　　越南政府希望上市股票市值從依家相等於全國GDP 6％，大幅提升至20-30％，時限五年，方法係讓更多國有企業上市，包括Mekong Delta Housing Bank、越南投資與發展銀行、越南工商銀行、越南保險公司、胡志明市保險公司、越南電力公司、越南郵電公司及多間鋼鐵、水泥廠等等，大部分?2010年前完成上市。家?亞洲各國股市市值係該國GDP?一點二七倍，只有越南係6％，實在太細；估計2010年越南GDP將達八百億美元（年增長率8％計），即四年內越南上市公司總市值暴增七倍，才佔GDP 20-30％。越南股市正進入快高長大期；另一方面，又能否吸引大量資金流入去消化大量上市國企股份？到底係機會抑或係危機？