政治市無謂博

政治市無謂博2006-07-18　　　7月17日，周一。?生指數一度低見15948.76，完成裂口補回，下午已開始反彈，收市報16064.82，跌70.89，成交一百八十六億四千二百多萬元。期指低水，跌125點，收16011點。?指15948.76能否守得住？由於係政治市，我老曹木宰羊。

　　金價升上六百七十四點五五美元，係5月23日以來高位，即本月金價升9.4％。伊朗核武發展、北韓試射導彈、印度炸彈爆炸，再加上南黎巴嫩扣押以色列二名士兵，演變成以色列不但轟炸南黎，並同時指責?利亞及伊朗協助南黎，各國紛紛撤僑；中東局勢正迅速惡化，油價一度見七十八點四美元，今年油價已升35％，上周升4％，59％分析員相信油價將進一步上升。以色列方面已死二十三人，南黎一百四十八人，以色列估計南黎境內收藏超過一萬五千枝火箭，有D?平民家居，有D?村莊內甚至工廠內，如要將之全部摧毀，將有無數平民受害；加上美國唔同意俄羅斯加入WTO，理由係俄羅斯唔批准美國牛肉及豬肉入口，令雙方關係冷卻……。世情會否進一步惡化，或會出現轉機？已唔輪到我老曹呢類曉分析經濟而不能理解政治?評論員講?。?依家形勢下，唔少人寧願進入避風港，反正已係暑假，趁機同子女去度假，除非有特殊心水股，否則7月唔少投資者已高掛「免戰牌」，何況仲要擔心8月8日美國再加息。韓股吸引力勝香港　　基金經理5、6月份完成拋售，令手上現金佔投資組合5%左右，?7月亦無謂博，反正上半年已交?差，下半年到9月再算。　　從呢期《經濟學人》?股市資產值表睇，新興市場中，南韓吸引力排第一（去年係香港，今年已跌落第七位），代表今年投資南韓較投資香港更吸引。中國排名第六，即中國股票市場亦較香港吸引。調控只是隔靴騷癢　　溫家寶?河南考察時，提出進一步加強和改善宏調，堅持及深化改革開放政策，?力推進經濟結構調整及增長方式轉變，但未見有新?加入。外傳中央面對流動性資金過多、經濟面臨過熱?壓力，仲?度爭論到底應該採用收效極快?「行政干預」抑或耐心等候「市場調整」？主張行政干預者認為，流動性資金過多所帶來?泡沫需求，正在由「點」向「面」擴散，必須採取「行政干預」去阻止失控，以免太遲，係下決心?時候；反對者認為每次都用行政干預，中國經濟將永遠走唔出真正市場經濟，今年上半年GDP雖然增長率?10％以上快速前進，但並冇出軌，何況6月份貨幣信貸增速在減緩中，係中國咁多年?第一次唔用行政手段而貸款增長率放緩。調控市場可用?武器仲有好多，空間仲好大，唔好郁D便行政干預。　　上半年城鎮固定資產投資增幅仍達30.3％，唔係市場調控失效，而係中國政府唔肯真正面對問題。人民幣值偏低造成超低利率，如讓人民幣升值及將利率推高至通脹率二厘以上，經濟過熱問題迎刃而解；如不讓人民幣升值，利率無法升至CPI增長率之上二厘，一切調控便只係隔靴騷癢，抓不到癢處。　　7月16日中國首次披露五礦集團旗下?五礦有色上半年?期銅市場虧損六億三千八百萬元人民幣，理由係去年下半年?倫敦金屬交易所建立六萬五千噸銅期貨空倉，今年1月18日才平倉；銅價由去年下半年四千美元一噸升至今年八千美元一噸，五礦有色睇錯市損失好大也。高盛睇好交行中行　　高盛睇好唔少內地銀行股，包括交通銀行（3328）、中國銀行（3988）、浦發銀行同招商銀行（兩者?內地上市）。為防止經濟過熱，內地貸款利率上升，為內地銀行股提供有利?客觀環境；而交行及中行盈利增長能力，也較建設銀行（939）快，估計未來十二個月交行股價可升4.8％，中行可升9.9％，建行卻睇跌2.9％。　　日圓利率逐步走向正常化（例如零點七五厘）本來好應該，但市場能否承受又係另一回事。冇政府肯承認眼前經濟繁榮只係資金泛濫造成。日本1985至89年過分寬鬆?貨幣政策引發樓市泡沫，1990年爆破後，有如爆血管後?人，即使康復仍不能正常活動。九十年代日本政府曾三次利用財政刺激政策，亦只能帶?短暫效果；今天日本政府已成為G8最大負債?政府，再無法用財政刺激政策。日本1997年將利率由六厘減至1999年接近零利率，才勉強出現GDP低增長，點知一加息又散?！2001年又再重返零利率政策，2003年GDP才恢復增長；恐怕呢次利率正常化，日本股票市場未必捱得住第二次加息！日本經濟迅速工業化後，發展消費型經濟方面卻好慢（相信只有盎格魯撒克遜民族才有先使未來錢?習慣），?向外投資方面成績亦唔見得好，漸漸令日本經濟停滯不前。股市一旦面對企業純利冇增長，便會由高O走向低O，2003年5月起係咪日本牛市開始？如以O角度及未來企業純利前景睇並未合格，只係資金泛濫造就一次大反彈而已，相信今年4月已反彈完成，又再向下調整。日人失去拚搏精神　　今天日本人已失去戰後?份拚博精神，相信日本經濟已係咁先！反之，中國人卻如狼似虎，進入全面打拚時代，未來此消彼長已十分明顯（絕非因為我老曹係中國人而存有偏見）。　　野村證券及東京銀行估計，日圓仍將回落3.3％，見120日圓，理由係美國十年期債券孳息率較日圓債券孳息率高出三厘二二，資金從日圓流失（去年美元兌日圓已上升14％）。　　中國永樂（503）、英發國際（439）、友力投資（674）、海域集團（1220）、海域化工（2882）、星獅地產（535）、民豐（279）、招商迪辰（632）停牌。　　招商迪辰改董事會日期為7月26日。　　■中國燃氣（384）7月21日；南興集團（986）、雲南實業控股（455）26日；新醫藥（8085）27日；大賀傳媒（8243）31日公布業績。