唔怕米貴 只怕運滯

唔怕米貴 只怕運滯2006-08-15　　8月14日，周一。?生指數升40.06，收17290.01；成交二百一十九億四千四百多萬元。期指收17243點，跌22點。思捷環球（330）升2.1％，見五十八元八角五仙，美林認為歐羅升值對其有利；富士康（2038）升4.5％，見十九元五角二仙，台北《工商時報》報道其獲摩托羅拉低價手機?代工訂單；?隆地產（101）升1.7％，見十五元八角四仙，報道指該公司在瀋陽斥資五十五億元購入一片商業用地；新濠國際（200）跌2.7％，見十七元九角，投資者開始擔心澳門賭場股。德昌電機（179）跌1.5％，報五元二角四仙；聯想（992）跌1.5％，報二元六角六仙，9月將唔再係?指成分股。

　　有線寬頻（1097）半年獲利六千四百萬元，較去年同期降59％，正面對電盈（008）旗下now?互聯網及付費電視服務競爭；今天股價跌3％，見一元六角，過去一年股價跌33％。深圳人口倍於香港　　深圳證交所報告話，鞍鋼（347）今年1月至9月獲利最多可上升200％，第三季獲利四億九千一百二十萬元，較去年同期上升三倍，因向母公司收購一家工廠提高產能及營收；今天收六元四角五仙，升1.7％。　　永樂電器（503）上半年獲利減89％，因市場競爭加劇以及成本上升，股價跌10.5％，收報一元七角九仙。永樂已同意出售股權畀國美電器（493），代價係五十二億七千萬港元。中國零售市場進入淘汰賽，未來戰況肯定慘烈。　　香港今年中人口數字係六百九十九萬，較一年前升0.8％。香港係全球出生率最低?城市，平均每個家庭只有一個孩子，較日本?一點三二個更低；反之，深圳今天人口已係香港?一倍！　　經過十七次加息後，今年第二季美國GDP增長率出現放緩，但CPI繼續上升。8月8日聯儲局終於停止加息，相信GDP增長率放緩及CPI增長率上升?趨勢，將由美國向其他國家擴散；至於影響多深及時間多久？往往要事後才知道（因人係冇預測能力）。初期各國經濟情況有如?香港山頂兜圈，行業性盛衰取代股市大方向；上述情況今年5月已開始，但兜完圈後，大市會再上升抑或落山？明年才清晰。投資除?搵機會賺錢外，另一更重要係保本。如能逃過1997年8月樓市回落潮及2000年3月科網股泡沫爆破，即使你?本金每年只能收5％利息，今年你?身家仍較1997年多55％；如能乘搭上2000年資源增值潮，成績當然更加理想！請唔好將周期股（cyclical stocks）當做增長股（growth stock），香港經濟高增長期已完成（1967至97年黃金三十年），如今?香港發掘增長股愈?愈困難，因為香港客觀環境已唔再係高增長地區。企業如欲保持高增長，必須擁有：一、良好管理層；二、眼光遠大?董事局，但呢類公司並唔多。至於周期股一如潮汐，每天都有潮汐漲退時間，但上述漲跌唔同增長。行業性盛衰早已取代整個經濟向上大方向。例如科網股?盛衰循環及資源股?興起（係咪今年5月踏入調整期好快便知道）。由1999年起計，資源股已符合「七隻肥牛」?要求；至於CPI只係落後指數。由經濟增長率放緩（今年第二季開始）到CPI增長率放緩，最少有六個月以上時差，即最快今年第四季才見到美國CPI增長率出現放緩，核心CPI升幅重返1%至2％水平應該係明年?事。不過，CRX（Commodity Related Equity Index）上升軌仍未失守，即資源股今年5月見頂?分析仍未獲確認。布蘭特期油價格走勢與MACD則出現背馳【圖】。中國需求將刺激全球米價　　如你冇Sell in May and walk away，過去幾個月投資成績恐怕輸贏機會係二比一（即三單買賣中有兩單蝕本）。從來唔好要求自己跑贏大市，只要求每年投資獲合理回報率。我老曹從來唔從事拋空活動，利用拋空去賺錢極唔容易。從VIX睇，?生指數應?8月9日?17349點見頂。形態分析對指數冇用，通常只用作分析個別股份；分析指數應用其他工具，例如8月9日?生指數雖然出現新高，但同日創新高股份較5月8日?17328點少好多（大市唔肯跟隨?指上升），?技術分析上係幾差?表現，有理由相信後市自8月9日起有較大幅度回落。因此，後市投資策略宜保守，大方向仍然係接近15000點增持、高出17000點減持。　　中國7月份零售額升13.7％，達六千零一十二億元人民幣（6月份升13.9％），較分析員估計?14％為少。總理溫家寶宣布提升最低工資及增加福利開支去鼓勵消費，以平衡出口貿易，但7月份數字令人失望。上半年中國人均收入升10.2％（農村人均收入升11.9％），GDP第二季升11.3％。中國人喜歡儲蓄討厭消費，形成內地消費市場競爭好大。　　中國廣電總局發出「關於進一步規範電視動畫播出管理的通知」：9月1日起全國各級電視台所有頻道?每天十七時至二十時（即下午五時至八時）禁播境外動畫，以及介紹境外動畫?資訊節目或展示境外動畫?檔目；此前引進?境外動畫，須重新審核，中外合拍動畫想?該時段播出，須經廣電總局批准。新規出台後，各電視台過去依靠境外動畫去提高收視率、從而進行廣告經營?模式，將受到嚴峻挑戰。有人計劃?非呢段黃金時段播出外國動畫；反之，內地動畫生產商便好高興，相信產品將供不應求。香港亦有幾間上市公司從事動畫製作，唔知有冇受到上述新規範影響？　　食米價格去年升48％，跑贏小麥升幅19％及玉米升幅8.3％，依家成九點九美元一百磅（約一點五五港元一公斤）。中國係全球最大?食米消耗國，越南係全球最大?食米出口國。隨?越南經濟起飛，未來食米出口升幅有限，而中國對食米需求則保持增長。兩年後食米售價估計可上升一倍，達二十美元一百磅（約三點四五港元一公斤）。對香港人而言，大部分人食米唔知米價。從前係銀行多過米舖，今天米舖仍有幾多間留低已唔清楚，唔少人?食米來源一如我老曹屋企，其實係超級市場。經過真空處理，再加上廣告費，一般超級市場八公斤一袋米售價五十一元九角，即三十七點八美元一百磅，較期貨市場價高出281％；上述零售價包括運費、包裝費、廣告費、米商利潤及超市利潤。假設未來食米售價上升100％，估計超級市場食米零售價或會上升10-20％，影響唔大，因為港人早已進入唔怕米貴、只怕運滯?時代。曹夫人話我老曹知，一家人每月吃米約兩包，費用一百零三元，因此絕對唔怕我老曹食貴米也！　　今年全球食米產量估計六億三千四百萬公噸。過去十年中國可耕種面積減少八百萬公噸或全部可耕種面積6.6％。家?中國可耕種面積約一億二千二百萬公噸，佔全國土地13％。?燃油價格上升及化肥價格上升壓力下，種米?利潤並唔多；加上農民流失，中國食米產量唔易上升。中國食米存量已連續六年下降，今年已跌至1975年以來最低水平。自2004年起中國不斷增加食米入口量，估計最終將刺激全球米價大幅上升！　　中國兩稅合併討論進展緩慢，由今年3月初提出至今，仍未進入全國人大首次討論。一般估計未來稅率?24－27％之間（即外商投資享受15％稅率上調10％，國內企業稅率由35％下調10％）。兩稅合併過渡期估計有五至八年；換言之，外商投資中國所享受優惠政策仍有一大段日子。　　摩根士丹利今年3月至7月?上海物業投資超過三十億元人民幣，8月初表示再追加三十億元投資?中國（大摩正減持日本物業，轉投中國）。依家大摩?中國房地產投資規模約十五億美元，主要透過合資及收購進行，短期出租，長期用作賺取溢價。大摩?上海投資自2003年7月已開始，一直未見停止。本港準置業者數目多　　自己擁有一層樓，係大部分中國人?願望。?美國，擁有自住物業家庭只佔總人口68％、英國56％，反而中國卻高達82％，接近全球最高。內地房地產需求?自：一、城市化（即鄉村人口向城市轉移）；二、舊房子換新房子。內地同香港唔同，香港擁有自住物業?家庭約八十萬，佔全港二百二十萬家庭37％；換言之，等緊買樓?人仲係好多。　　今年4月28日起，內地房貸五年以上貸款利率上調至六厘三九；6月1日起首期不得低於30％（九十平方米以下首期20％）；二手房屋轉售營業稅徵收期限由二年延長到五年；8月1日起二手房屋轉售持有不足五年者，抽20％個人所得稅。一連串打擊措施下，未來內地樓房應該點睇？　　決定樓價有兩大因素：甲、個人人均收入。1967至97年港人個人人均收入上升五十倍，令樓價上升二百倍（但1997年8月至2003年7月香港樓價回落65％，至今為止香港樓價四十年升幅只係九十倍）。中國人均收入1978至2006年二十八年只上升二十倍（如扣除1989至93年人民幣貶值，以美元計只上升五倍），1998年中國開始房改，中國樓市能否出現黃金三十年？如睇過去二十八年情況，出現類似香港黃金三十年?機會唔大，因中國擁有自住物業率接近全球最高，即使1998年起未來三十年中國個人人均收入可大幅上升，內地樓價亦唔可能出現類似香港自1967至97年?升幅。廣州、深圳一帶今年上半年樓價再升30％，但成交額卻不斷往下走（7月份深圳樓價再升14％、大連11.7％、福州9.8％、北京9.5％、廣州9.3％。全國七十個大城市第二季樓價平均升5.7％，較第一季升0.2％，只有上海例外，下跌2.8％）。反之，商品住宅預售降8.5％，預售面積減9.9％，二手房買賣跌15％。　　乙、利率方向。1980年係全球高利率年，2003年係全球低利率年，2004年6月起利率止跌回升。換言之，香港物業過去透過利率下降刺激樓價上升?日子，?中國出現機會亦唔大。　　人均收入兩極化全球皆然，社會上高收入20％人口過去十年財富仍以年率8％速度上升，令Tiffany、Coach、LV、四季酒店等業務過去五年純利仍按年上升；反之，社會上80％人口過去十年財富唔係停滯不前便係回落。今天香港豪宅售價升至每呎二萬多元，但天水圍住宅每呎售價只係一千八百元，可反映香港貧富懸殊?一面（更加唔好講連天水圍住宅亦買唔起?窮人）。令人震驚?數字係，香港貧窮人口總數已打破一百萬，佔全港總人口14.28％！富人一席酒、窮人半年糧?情況亦?香港出現。特區政府過去九年扶貧，結果愈扶愈貧，理由係香港低技術工種過去九年迅速消失，令?D只有中三或以下學歷?人口?香港難以找到足以餬口?工作。?外國，如無法?紐約生活，可以到小鎮搵工，但在香港卻唔可以（內地需要?係香港優質打工仔，唔係中三或以下學歷者），結果唔少被迫去?綜援，形成香港社會上怨氣瀰漫。港元在亞太區成大弱勢　　旅遊業興旺，抵銷?泰國政治危機?影響，令泰銖升至六年高位。今年泰銖兌美元升9.8％（各位去泰國玩，貴?10％左右）；家?一美元兌三十七泰銖，係2000年1月26日以?最高。南韓圜表現亦不俗，8月10日宣布加息，刺激南韓圜?價進一步上升。即使菲律賓披索上升，連印尼盾都上升，菲傭及印傭?錢回國亦收少?。港元?亞太區已成為大弱勢，如非全球投資者睇好中國，資金斷唔會流入香港，小心香港?低利率現象難以持久。　　印度後市點睇？今年印度仍有二億六千萬人每日收入不足一美元（約八港元）；六歲以下兒童有一半營養不良；一半以上印度女性係文盲（或接近文盲）；一半以上房屋冇電力供應；一半以上鄉村係冇道路同外界連接；政府過去五年財政赤字不斷擴大。不過，印度擁有達國際標準?一流科技大學，而且擁有大量高科技人才。換言之，世界上最好同最差?東西同時?印度存在。今天印度唔少大城市連食水供應亦成問題（每天只供應食水幾小時），富有人家屋企備有儲水缸及電泵，可以唔受影響，但窮人往往要排隊輪候食水幾小時（五十年代香港?景況，今天?印度仍十分普遍）。印度歧視女性及童工現象隨處可見，唔少女嬰出生後第五天便死亡，原因係缺乏照顧。印度係全球最大?民主國家，但經濟問題卻較中國要面對?仲多。低質素民主不能解決國家問題；反之，尊重市場經濟更為重要。　　實力國際（519）、東南國際（726）、第一天然（1076）停牌。　　■嘉新水泥（699）、九龍倉（004）8月23日；佐丹奴（709）24日；儀征化纖（1033）25日；信義玻璃（868）31日；大酒店（045）9月14日公布業績。