先使未來錢係錯

先使未來錢係錯！2006-09-12　　9月11日，周一。?生指數跌197.17，收16948.59，連萬七點亦失守。9月期指低水，跌219點，收16905點，跌幅係8月24日以來最大。中海油（883）跌2.5％，收六元三角四仙；中石油（857）跌1.5％，見八元二角九仙；建行（939）跌1.2％，見三元三角八仙。港交所（388）雖然成為?指成分股今天仍跌0.4％，成五十四元七角五仙；富士康（2038）更跌4.1％，成二十二元一角，係7月17日以來最大跌幅。

聯想戴爾將兩敗俱傷　　聯想（992）跌2.2％，成二元七角二仙。世界第三大個人電腦生產商聯想準備將產品降價去應付戴爾電腦挑戰，聯想在過去八個月僱用?戴爾五名高層人士，睇?一場激戰快將開始，最先受惠者應該係個人電腦用家（因減價）。至於結果係點？短期相信肯定兩敗俱傷。　　中國政府修改鋼坯出口退稅，令龍記（255）半年營業額雖然上升10.5％，至九億九千二百多萬元，但純利只有六千二百二十一萬五千元，較去年同期減49.88％，由此可見政策?影響力，香港投資者漸漸明白何謂「政策市」。龍記股價早由年初六元回落，因此業績公布後股價冇太大反應。　　銀建國際（171）跌3％，見一元九角六仙，半年純利減6.3％。信德（242）升0.9％，見九元三角四仙，因半年純利升23.7％。南方航空（1055）8月份載客量上升13％，股價繼續逆市上升，雖然今天被剔出國企指數成分股。上海期銅今天創下兩個月來最大跌幅，因美國樓市降溫，可能抑制銅?需求；建屋佔美國銅需求37％。10月上海期銅跌4％，報七萬一千二百元人民幣一噸；倫敦三個期銅成七千七百八十美元一噸。　　金價跌穿六百美元，向二百天移動平均線五百九十四美元進軍。由於油價已出現一浪低於一浪，由七十八點四美元回落16％；反之，金價只回落9.7％，令金價進一步受壓。至於方向係咪改變？仍未肯定。CRB商品指數上升軌早已失守並回落12％，糖價更由今年2月高低下跌40％、大豆由7月高位回落15％。巴黎Societe Generale SA商品研究董事Frederic Lasserre認為，金屬價有機會由高位回落50％！?杜拜?標準渣打銀行石油分析員Steve Brice認為，油價有機會見四十美元。倫敦Henderson Global Investors Ltd.?Tony Dolphin認為，商品價格未來九個月將回落。反之，德國銀行Michael Lewis認為，後市股市睇淡而商品價格仍睇好。我老曹自5月10日起對商品價格抱謹慎態度，理由係1999年起計商品價格已上升七年，即使後市仍睇好，一次大調整出現亦唔係乜?奇怪?事。投資便是決定「when to buy」（何時買賣）、「what to buy」（買賣甚?）及「where to buy」（在何處買），簡寫WWW。今天三十四隻?指成分股仍然有上有落，下跌者只佔一半。大市仍然玩個別發展。貨幣供應放緩美股上落市　　影響經濟?力量而言，貨幣供應（Money Supply）大於利率改變。2001年起美國K又再大幅上升，尤其係「九．一一慘劇」之後，不過，踏入去年美國K增長率已極低【圖一】。2001年起K增長率上升，令美國經濟2001年11月起復甦，美股2002年10月起回升，股市同K變化有時差；去年第一季起美國K增長率放緩，今年5月起美股理應進入上落市。　　中國經濟今年出現轉捩點，過去大量供應?廉價勞動力開始出現短缺，形成工資大幅上升，不但令國內製造業純利受壓，亦令通脹率上升。中國工業將由勞動密集轉向資本密集及高技術含量，上述情況對依賴廉價勞工?行業不利。中國已成為全球加工廠（食品例外），今天已很難找到一件貨物唔?中國製造（或冇中國生產?配件）。中國製造業佔GDP 53％（美國佔19.7％、英國佔26.3％、日本佔24.7％）。由於中國股票市場唔成熟、債券市場未發展，形成製造業資金如果唔係靠自我累積就係銀行貸款。為支持製造業，中國固定資產投資亦十分大，如人民幣升值，銀行貸款將極度受壓（因人民幣升值對製造業不利，裁員則被視為政治不正確）。因此，人民幣只可微微升值（例如每年升3％）。假設美國經濟增長率放緩，人民幣即使停止升值亦唔出奇，因為高能源、大幅提升最低工資、出口退稅減少，已大大增加中國製造業壓力。如人民幣大幅升值，甚至會影響中國製造業?還款能力，繼而拖累國內金融業。上述係中國政府所不願見。中國製造業已面對產能過剩，尤其紡織業、家用電器、電子消費品、傢俬等；至於發展內銷市場，至今為止仍然唔易（中國人喜歡儲蓄、消費力並唔強）。　　中國人強調勤儉係美德，今天中國人儲蓄率係36％（即把收入36％儲起來）。盎格魯撒克遜（Anglo-Saxon）文化則強調投資，例如美國今年儲蓄率一度跌至負1.6％。先使未來錢係盎格魯撒克遜文化，兩種文化誰對誰錯？第二次世界大戰後，美國成為戰勝國，其先使未來錢文化向全世界擴張，透過通脹吃掉拚命儲蓄者?財富，但同時引發七十年代惡性通脹。1978年中國走改革開放路線，1980年加入經濟環球化後，中國人克勤克儉、努力工作賺錢儲蓄；世界經濟有?中國呢批生力軍，全國CPI回落，令利率下降，先使未來錢文化又勝一仗，股市、樓價自1980年起大幅上升，中國人努力工作賺錢後儲蓄；美國人拚命消費享受人生，而投資上卻賺大錢（股市及樓價上升）。2000年科網股爆破後形勢開始改變，2001年聯儲局開始減息，令美國借貸增長率大幅上升，到今年第一季美國負債高達四十一萬八千億美元，相等於去年GDP 334％，信貸膨脹令樓市及股市又再上升，直到今年5月10日聯儲局第十六次加息令孳息曲線倒轉出現，信貸才開始受壓，借貸擴張期結束。由於油價仍然頑強地上升，美國終於出現第十七次加息，利率高見五厘二五，美國樓市吃不消而改變方向。　　根據Steve Leuthold計算，去年底一間市值三十萬美元?物業，收租只有一萬五千美元一年，扣除1.1％物業稅三千三百美元、0.4％保險費一千二百美元、1％維修費三千美元一年，實質收入只有七千五百美元，即回報率只有二厘半；如果借錢?話（95％按揭計），利率是六厘三五，利息負擔係一萬八千零九十七美元一年，供樓貴過交租一萬多美元（因所有稅項一樣要支付），因此Leuthold認為美國物業已冇吸引力【圖二】。美住宅單位供過於求　　今年第一季美國家庭負債共一萬三千三百三十九億美元、商業負債共八千六百四十三億美元、財務信貸一萬四千七百九十二億美元……。可以說明2001年11月開始?經濟復甦係由高負債所推動，背後理由係樓價上升。反之，美國人稅後收入2004年上升2.7％，去年上升1.3％，但今年上半年接近零。2001年11月起所謂復甦，係信貸膨脹加上美國政府退稅所造成；今年第一季消費者負債較2000年第一季上升70％（同期收入扣除通脹只升12％）。資產升值推動?經濟繁榮係咪?今年第二季結束？因利率升至五厘以上便停止？1990年起日本曾出現資產貶值潮、1997年8月起香港亦出現資產貶值潮，美國雖然有貝南奇做聯儲局主席，可減慢資產貶值速度，但亦無法改變方向！　　更有趣?數字係，美國家庭數目約一億，其中七千四百萬已擁有自住物業，但可居住單位卻高達一億一千萬個，即美國住宅單位早已供過於求！去年共有七百一十萬個二手樓轉手、一百二十萬個新單位出售，即美國物業單位每年超過10％轉手一次！咁高轉售率，亦係2000年前所少見。美國人會否在未來日子發現「先使未來錢係錯?」，中國人?克勤克儉先至正確？　　二十一世紀全球女士選擇單身者愈來愈多。佢地收入豐厚、工作繁忙、美麗而有期待，嫁唔出去唔係冇人追，而係唔想嫁！佢地學歷高、賺錢多，但唔打算為家庭或伴侶犧牲太多。退休後唔少人打算畫畫、讀讀書或開間小餐廳煮自己喜歡?菜，唔係為賺錢而只為興趣……。　　香港便有六十萬單身女性，唔少月入數萬甚至數十萬，部分從不打算結婚，有D離?婚唔打算再嫁，亦有D因喪偶後冇打算發展另一段戀情而成為單身貴族。佢地獨身而收入不菲、消費能力高，就係冇興趣結婚。佢地最大消費係買樓，其次係衣服及美容，再其次係旅遊。佢地係房屋、汽車、保險、名牌時裝、美容業、娛樂及旅遊業?最大支持者，因為佢地並冇其他負擔，毋須為孩子而花費四百萬，亦毋須為將來儲蓄太多（因為已買?退休保險）。女大未必當嫁　　過去中國人經常講「男大當婚、女大當嫁」，現代社會無論男、女愈來愈唔想結婚！同九十年代唔同，當時係嫁唔出，二十一世紀?女性係唔肯嫁（或者對婚姻制度失去信心）。因為今天婚姻不但無法提供一份保障，反而成為女性一項沉重負擔；唔嫁既唔使照顧丈夫，亦唔使為孩子餵奶、供書教學；放工後同朋友去飲酒、談天，放假時去旅行，生活不知幾寫意，絕對可以我行我素，自己賺錢自己使。怪唔得香港今年被聯合國列入全球出生率最低?城市（如扣除新移民，每對夫婦生育率只有0.8％，較日本1.2％更低）。　　日本亞太事業投資（603）、聯洲珠寶（926）、聯洲國際（048）、安歷士（723）停牌。　　■中國光大國際（257）9月14日；友佳國際（2398）19日；中建科技（261）、中建電訊（138）、華寶大中華（810）、光宇國際（1043）、德林國際（1126）、亨達國際（111）、香港華人（655）、勤達集團（1172）、玖龍紙業（2689）、新資本（1062）、烽火傳媒（2362）、軟庫發展（648）、王氏國際（099）、新奧燃氣（2688）、藍頓國際（245）20日；中石化冠德（934）、普施基因（8250）、大成生化（809）、?基發展（097）、?基地產（012）、利星行（238）、聯泰控股（311）21日；弘茂科技（1010）22日；?發世紀（578）、旭日企業（393）、曼盛生物科技（512）、白花油（239）、珠江輪胎（1187）25日；永安旅遊（1189）26日；亞洲金融（662）27日；利興發展（068）28日公布業績。

為低利率付代價

為低利率付代價2006-09-11　　9月10日，周日。過去幾年人為性地低利率期令消費者以為自己有更多錢去消費、生產商感受到需求上升而引發經濟繁榮期延長，令2004年阿殊獲得連任。一切都係由2003年6月至04年6月利率低企於一厘所造成，今年5月開始付出代價。

　　上周油價回落、金價受壓。投資者感覺幾好，加上聯儲局鴿派得勢，估計 9月20日利率唔加，令股市繼續向好。例如美國福特汽車股價上周升6％、通用汽車升5.5％。過去幾年天空對航空股好唔友善，但上周全球航空股則齊齊升空，國內航空股亦唔例外。油價回落令汽車股同航空股成為熱炒項目。今天股票市場已係一個有各種各類不同股份?市場，形勢一旦出現改變，必有股份受害、部分股份受惠。內地銀行股亦因下半年息差擴闊仍可睇好，後市展望繼續係揀股唔炒市！聯儲局準備另一次軟?陸　　「九．一一慘劇」五周年了；美國經濟由2001年第四季起卻一直欣欣向榮。2001年第三季只出現一季GDP負增長屬一次軟?陸，今天聯儲局又再準備另一次軟?陸，讓美國房地產價慢慢地回落，希望對其他行業影響愈少愈好。相信除了那些高價買入住宅?不幸者外，其他人皆唔受影響！自1987年至今美國聯儲局幾次軟?陸都成功，相信呢次亦唔例外（連2001年受「九．一一慘劇」影響下亦可以完成軟?陸，呢次擔心乜?？）。　　上周菲律賓及印尼股市表現不俗，日本及泰國股市便差一點，亦係個別發展。港股由5月至今已完成V型走勢，理論上?生指數?17500點附近牛皮，玩個別發展，大市好也好不了、淡也淡不了。上周五美股上升似乎?提早慶祝9月20日唔加息，加上油價回落及金價?六百一十美元水平爭持，令美國CPI增長率有機會回軟。道指由今年6月13日開始回升，已完成3浪，即後市美股亦升唔到去邊，甚至連5月高點亦未必有機會接近。市場資金由今年5月開始逐步被抽走，美國消費者消費力亦漸現疲態，中國政府在加強宏調。由2002年10月起美股上升至今每次調整幅度從未超過10％，相信未來日子仍一樣；即過分睇好、睇淡皆不宜。美?指數自今年5月13日起轉強，代表由5月13日起?金賺錢日子又再受質疑。油價回落除對航空股、汽車股有利外，對造紙股亦有利，因為燃油乃造紙重要成本之一。炒股唔炒市，8月份機構投資者早已換馬，迎接油價回落；今時今日做投資一定要分析未來三個月What’s Hot, What’s Not ! 利用換馬令財富增長再唔係睇好或睇淡後市。醒目資金?股票市場每三年可增長100％，你做得到咩？今天連李兆基、李嘉誠等都成為理財專家，「資產放置」（Asset Allocation）重要性早已大大超過睇好、睇淡分析；如果你仍未轉型為「資產放置」專家，仍在猜測後市升降，係唔係落後?D？夏日戀情唔可以太認真　　6月13日開始?夏日戀情唔排除?9月4日?指見17538點結束。夏日戀情通常隨暑假過後而結束，唔可以太認真。周一開始?生指數不但引入新貴連計算方法亦更改；過去?控（005）、中移動（941）、中海油（883）等重磅股所佔比重漸下降。過去大戶可利用推高、做低幾隻重磅股價而影響期指?日子已成過去，未來?指波幅將進一步收窄，短期甚至只能?17000到17500點之間上落。嚴格點講，後市?生指數波幅可以不理，因為只係窄幅牛皮。至於金價如六百一十美元失守，唔排除下試五百八十美元，後市展望黃金亦只係上落市，冇賺大錢機會。上周石油ETU上牌即散戶都可以?美國股票市場炒油價（可透過美資證券公司買賣石油ETU），至於值唔值得又係另一回事。過去七年石油需求隨?中國經濟進入高增長期而增加，而石油供應由今年下半年因加拿大油沙業開始供應原油而上升；專家估計，只要油價保持?五十美元以上，未來幾年石油應該係供過於求。長遠而言，便要睇乙醇?能源工業上所佔比重多少而定；糖、玉米、小麥等都可用作生產乙醇，仲有煤變油2009年起亦加入供應原油行列。如美國GDP增長率保持?2.2％速度上升，油價便好難升穿一百美元一桶！　　作為投資者，不要受自己?「Ego」影響；任何人睇錯市都必須立即承認然後糾正，不要將損失擱置下來而唔及時處理，投資目的就係賺錢而非證明自己眼光獨到！請多點做分析工作、少點預測。　　有人認為目前一切好壞因素都係2001年9月11日種下?禍根，令聯儲局瘋狂地減息。過去為我地帶來四十四個月股市上升期可能未來為上述四十四個月股市上升而付出代價。2001年9月聯儲局擔心通縮?美國出現，人為性令2003年6月利率跌至極唔合理?一厘，並?此一低水平維持一年；令金價由2001年 4月?二百五十五美元，升上今年5月?七百三十二美元，升幅接近200％。如果冇「九．一一慘劇」，相信利率只會回落到三厘，商品及樓價投機活動可能減少；2003年6月至2004年6月一厘息環境所引發?投機活動，2006年5月後我地開始付出代價。今年5月10日利率升至五厘後，金價由七百三十二美元起改變方向，CRB指數5月10日見365.4後至今已回落11％；油價要到7月見七十八美元才改變方向，上周五跌穿200天線支持位六十七點六三美元，估計向五十美元進軍。油價由高峰回落16％，10月底英國石油公司將完成維修油管，即每日可增加供油十八萬桶。本周OPEC開會後估計宣布保持每日供油二千八百萬桶；加上美國汽油價已回落至一點六一美元一加侖及10月期油見六十六點二美元，油價已進入一浪低於一浪?日子。　　中國人將收入39％儲起來，美國人只將收入1％儲起來，最後結果會點？德國樓價較法國便宜　　2000年首季網股泡沫爆破後，格蛇?2001年1月起開始製造更大泡沫去抵銷科網股泡沫爆破影響。透過減息令美國樓價出現泡沫；不過，今年8月起相信美國樓價開始回落，貝南奇唔打算（亦冇能力）產生另一泡沫，正在努力令美國樓價完成軟?陸（去年23％美國住房購入者只作投資用途，邁阿美70％ Condo由投資者購入；去年42％首置買家或佔所有物業買家25％係採納零首期計劃）。未來呢段軟?陸日子十分長，因為過去兩年40-50％新樓按係採用ARM計劃（即首三年低息供款、三年後利率才按市價計。今年起愈來愈多供樓者以市場利率供樓款，即美國中產階級每月供款將增加九百美元左右）。2001 至2005年美國就業增長率平均每年係2.2％，但房地產行業就業增長率達5.6％；2001至2005年美國人工資實質升幅每年只有1.4％，但樓價平均升幅係每年12.5％，今年美國人收入較2001年多6.15％，但樓價卻上升77％。過去一百一十五年（1890至2005年）美國樓價扣除通脹率每年平均上升0.5％，美國農地自1890年至今扣除通脹率後係負增長。IMF研究1970至2005年全球經濟中超過二十個國家樓價狂升後出現大跌，平均跌幅超過30％。較長者有日本由1991至2004年跌幅約45％；東京樓價跌幅高達60％。1975年德國樓價係法國樓價三倍，由1975年起德國樓價有升有跌，1991年起回落，今天德國樓價已較法國便宜；過去三年德西樓價略為回升、但德東樓價仍然繼續下跌。近年樓價跌幅較大有香港，由1997年第三季至2003年第二季跌幅達65％，2003年第三季起回升，至2005年第四季升幅達45％。今年第三季美國樓價開始軟?陸，相信不但十分漫長，而且好危險，一唔小心便可變成硬?陸。1930至1942年美國樓價跌足十二年，將過去一百年升幅完全跌去，即1942年美國樓價重返1842年水平。唔少美國家庭在1920年代置業者，五十年後?1970年才見樓價打和。美國立國二百多年亦好少日子樓價可連續上升五年每年升幅12％，只有2001至2005年才有咁?升幅。因此今年8月開始?調整需時多久？跌幅如何？專家估計未來五年美國樓價皆下調，每年下調幅度3-5％，未來美國GDP低增長期十分長，因為美國樓價每下調5％，美國人財富賬面上消失一萬億美元。?賬面損失一萬億美元後，美國消費者能否繼續保持目前高消費？而美國人儲蓄率只有1％。2001至 2005年呢段日子，美國住宅樓價由略高於三十萬億美元上升至七十萬億美元，引發消費狂熱，過去四年半GDP增長率90％來自樓價上升刺激令消費上升造成，例如40％新工作職位來自同地產有關行業。今年8月起美國住宅樓價停止上升，4月份起未售住房單位則按月上升。　　德國房地產價格今天同英國或美國比較似乎十分便宜，但從另一角度睇，可能只係德國地產價格合理，英國同美國房地產價格偏高。德國同英國不但地理上唔同，人口結構亦唔同，日爾曼民族對物業態度同盎格魯撒克遜民族亦大不同。國家與國家之間、城市與城市之間差距，造成樓價各異，例如漢堡及慕尼克經濟仍在增長樓價上升，但德東城市因人口外移德西，過去十五年樓價一直往下沉；其次還有稅務因素。1997年我老曹發現一呎香港樓可換四呎倫敦樓，而決定沽出香港樓買倫敦樓，之後香港樓價回落50％，倫敦樓價則上升120％；今天一呎香港樓已無法交換一呎倫敦樓，我老曹便開始減持倫敦物業。咁樣賺錢可能只係我老曹好彩。今天倫敦一呎樓可換柏林兩呎樓，沽出倫敦樓去買柏林物業又係咪正確？我老曹投資組合習慣三三四（即30％用作投資股票、30％投資物業、40％外幣或貴金屬），倫敦物業套現後，下一步應投資邊度？都幾煞費思量。英國及美國房地產價格肯定進入調整期；至於德國樓市是否進入上升周期？又係另一回事。　　去年全球樓價升幅較美國大者，有南非升23.6％、香港升19％、法國同西班牙升15％，但澳洲卻回落7％（悉尼樓價跌幅更大於10％）、英國去年第四季起開始回落，仲有愛爾蘭、荷蘭及紐西蘭亦下跌。　　以租金回報計，無論?美國、英國、澳洲、紐西蘭、法國、荷蘭都進入歷史性偏低期。美國物業扣除稅項後實質回報率只有二厘半，較1975至2000年平均回報率少35％；專家估計，未來五年美國樓價須回落25％，部分理由同租金回報偏低有關。相信全球住宅樓作為投資?吸引力已大減，只宜作自住用途，投資價值已十分有限。關心中下階層成全球共識　　貝理雅地位不穩，財相白高敦可能取代佢首相地位。佢過去宣布取消股息稅，令英國股市加快上升，一度支持英國零售業，根據上周Centre for Policy Studies發表?研究所得，自從取消股息稅後，英國較貧窮家庭稅務負擔較工黨上台前上升，英國人?疑問（其實香港政府亦應反思）係政府是否只為上層 20％人口提供良好營商環境，而忽略80％中下層人口需要？取消股息稅有助英國金融中心地位，但同時加重中低收入稅務負擔。特區政府計劃向市民推出GST 係咪有異曲同工之妙？為20％上層人士提供良好營商環境，卻要80％香港中下階層增加稅務負擔。　　關心社會尤其係中下階層已是全球共識！1980年開始?全球經濟自由化下，20％上層社會人口受惠極大；反之，80％中產及下層社會分享唔多。香港 1997年起更出現兩極化，政府是否有責任糾正而非加深兩極化，建立和諧社會已係中央政府政策，香港作為特區政府又點樣響應？