全球經濟抗高油價能力強

全球經濟抗高油價能力強　　?生指數今天上午一度下跌超過100點，收市16485.97，倒升16.41；成交一百七十九億二千四百多萬元。7月期指高水，升4點，收16497點。日本銀行宣布加息後，日圓仍下跌，代表全球unwind行動並冇出現。上周五有44％分析員認為，美元將?8月8日加息（6月26日達85％）。中國人行?兩個月內第二次調升存款準備金率，投資者擔心中國未來GDP增長率可能放緩，令國企指數回落。　　前量子基金創辦人之一Jim Rogers估計，未來油價將見一百美元，但美林?Francisco Blanch話冇有怕。過去四年油價上升三倍，今仲未影響經濟繁榮，如未來油價真係見一百美元，可引發全球經濟衰退；反之，油價?八十美元或以下，世界經濟增長率只會放緩。　　1973－74年油價飆升五倍，曾引發世界經濟衰退；1980－81年油價升至四十五美元（相等於今天美元購買力八十六美元）【圖】，亦曾引發衰退。近日油價由低位計已上升超過五倍，但全球經濟抗高油價?能力好強。依家爭論點係到底今年5月係咪轉捩點？美經濟放緩將打擊亞洲出口　　大摩謝國忠認為，全球需求疲弱；加上油價上升，對過分依賴出口?亞洲區國家形成壓力。如今年下半年美國進口停止增長，可令亞洲區國家GDP增長率減少1.2％。中國由於內需唔夠強勁，GDP增長率若因外部環境惡化，可降低2.3％！　　受2001年起美元貶值兼利率下降刺激，亞洲區各國GDP近年出現高增長。迄今為止，資金流入已減少，部分亞洲地區國家貨幣升值。隨?環境改變，亞洲地區國家對資金冒險行為漸漸缺乏吸引力，令亞洲金融市場自5月開始出現相當大?跌幅。但唔少投資者仍對呢D地區股市抱牛市?期待，例如相信美國聯儲局加息周期已結束等，令巨大擠壓效應仍未出現！美國係亞洲各國產品最大?出口市場，油價係製造業最大開支成本之一，今年上半年平均價已較去年同期高出31％，令製造商備受成本上升?壓力。美國今年首五個月?亞洲進口增長14.6％，但製造商仍無法將產品售價大幅提高；如美國今年下半年GDP增長率降至只有3％，令美國從亞洲地區進口增長率下降至零，亞洲區各國GDP增長率將削減2％以上。一旦上述情況出現，未來亞洲各國所承受?壓力將係1997年亞洲金融風暴後最大一次震盪！產油國缺乏增產動機　　依家產油國唔再一味追求利潤最大化，因為從石油出口所賺取?利潤，已遠超其社會需求，因此增加石油生產?動機唔再強烈，代表未來石油下跌空間有限。2004年6月起美國?加息採取漸進主義，形成利率與通脹率同時攀升。至今為止，真實利率並冇上升幾多（6月美國CPI上升5.3％，利率只有五厘二五），貨幣供應泛濫情況仍未被足夠正視，過剩貨幣?投機活動化為推動通脹上升?因素，形成利率與通脹率齊齊上升?局面。亞洲出口商承受巨大通脹壓力，產品出口價格上升速度遠低於生產成本價格上漲速度，形成工廠利潤走下坡。上述擠壓力量今年下半年會否因承受唔住，而令亞洲各國產品出口價格突然飆升？　　美國《商業周刊》編輯布賴恩．佩雷姆納認為，中國GDP二萬億美元，只係美國GDP五分一。不過，中國同時係貿易大國，對工業原材料需求殷切，一旦經濟放緩，全球商品價格將回落，不但傷及全球資源股，亦將傷及南韓、日本及澳洲等國貿易。中國多年?過分寬鬆信貸政策，已造成唔少行業面對產能過剩，例如汽車。今年上半年中國生產汽車三百六十三萬三千輛，較去年同期升28.94％，估計中國年產量可達七百萬輛，內需五百五十萬輛，必須將一百五十萬輛出口才可，形成中國汽車出口能力十分強。如美國GDP增長率放緩，令中國GDP增長率由今年11.3％回落到第四季8％，已可導致中國企業淨利潤大幅下降。中國已成為全球第四大貿易國，但人均收入世界只排名第一百二十八位！中國出口鼓勵政策，令出口加工貿易成為中國貿易中?主流；?資本輸出投資收益方面，除去年外中國一直係負數，而美國投資收益一直係正數！換言之，中國人一直停留?加工貿易行業上賺辛苦錢，美國人卻運用資金去達致錢賺錢?目標，形成中國人均收入世界排名第一百二十八位，而美國名列前茅。中國點樣由加工貿易過渡到資本運用，才係中國面對?最大困難。　　中國建設部、商務部及發改委等六大部門已簽?「一七一」號文件，不日將下發，要求境外機構及個人投資者?購買非自用房產時，須先行申請設立外商投資企業。到底影響有幾大？仍未清楚。仲量聯行估計，今年上半年境外投資者?國內主要城市投資總額約三十五億美元。人民銀行公布2004年中國房地產金融報告指出，2004年全國房地產開發利用外資二百二十八億二千萬元人民幣，佔開發資金來源1.3％。從上述數字睇，外資?中國房地產投資並唔多。根據呢份六部門發布?「關於規範房地產市場、外資准入和管理意見」，只有?中國境內設立分支，代表機構?境外機構，以及?境內工作、學習超過一年?境外個人，才可以購買符合實際需要?自用、自住商品房，估計最受影響係北京。　　謝國忠話，房地產周期同利率周期有關。中國依家利率咁低，人民幣又有升值壓力，令投資者傾向投資國內房地產。　　復旦大學房地產研究中心主任尹伯成認為，第「一七一」號文件只係提高門檻，避免大量外資快進快出中國房地產，可起穩定作用。　　繼建行（939）、中行（3988）後，工行又將來港上市，計劃集資超過一百四十億美元，招股價?每股淨資產值二倍以上（中國銀行招股價為淨資產淨值二點一八倍），可能係一半A股、一半H股，?香港及上海上市。建行已實現H股全流通，中行A股可隨時轉為H股。工行上市估計可為股市再引發申請高潮。中國須發展期貨奪回定價權　　2003年10月以來，期貨市場有一個怪現象：凡係中國要大量進口?商品，價格便大漲，如原油、銅等；凡係中國出口?商品，價格就低迷，如玉米、鋁等。中國期貨交易仍要睇「外盟」，理由係中國期貨市場?價格上不能主導國際市場價格，反而被國際市場價格牽住鼻子走！家?中國已經係許多商品?生產、消費及貿易大國，但卻冇國際定價權！　　依家世界上大宗商品及金融產品價格，都係由期貨市場決定。中國?唔少商品消費比例中已佔50％份額，卻冇定價權，結果往往低賣高買，原材料及商品?附加價值都被別國賺去！例如原油、銅、黃金等資源類商品，定價權都?歐美，而非中國。　　中國期貨市場已有十三年歷史，應該進入成熟期（外國金融期貨從產生至今，亦只有三十多年）。如果中國期貨唔發展起?，商品定價權永遠唔會?中國手?。　　問博（8212）、聯康生物科技集團（690）、中國蜂業（8156）停牌。　　■中國軟件國際（8216）8月2日；中國海景（8065）3日；中華汽車（026）4日；新宇國際（8068）9日；財華社集團（8317）14日；和記港陸（715）17日；匯多利（607）23日公布業績。