尋寶遊戲又開始

尋寶遊戲又開始2006-07-21　　7月20日，周四。?生指數升375.08，收16472.62；成交二百六十七億五千四百多萬元。7月期指更升407點，收16522點，高水。受貝南奇言論刺激，新地（016）升3.6％，見七十九元六角五仙；長實（001）升3％，見八十三元三角；?地（012）升4.9％，見三十九元七角五仙。

　　中移動（941）升3.9％，見四十六元四角五仙；中聯通（762）升3％，見六元九角五仙。中移動6月份用戶增加四百四十四萬，至二億七千三百八十萬戶；中聯通6月份增加一百一十四萬戶，總數一億三千五百一十萬戶。聯想（992）股價升7.2％，見二元六角二點五仙。德昌電機（179）話銷售額中有30％用作購買鋼材、10％用作採購銅，近期鋼材價格回落，可改善2006╱07年度?純利云。內地零售股高O收購低O　　國美（493）計劃收購永樂（503），永樂與國美董事會卻分頭進行會議，消息傳永樂內部打算否決國美?合併提案，因為國美提出一股換三股永樂，以雙方收市價計只有3.3％溢價，睇?「誠意」不足；其次，係不滿國美董事局態度傲慢。依家國美主席黃光裕已部署明年將旗下國美地產以REIT模式上市，因此國美方面不乏拓展市場資金；謠傳呢次合併係國美投資顧問?主意。站?國美立場，能合併成功固然好，即使唔成功亦可收宣傳之效。　　今年5月百思買以一億八千萬美元成功收購五星電器51％後，再通過高盛洽商收購山東三聯商社，出價一億美元，即內地電器零售商正透過併購組成電器連鎖集團。以永樂?處境，好難大力擴充零售點，因內地電器零售業已進入以大規模採購去降低成本期，如規模唔夠大往往吃虧。透過互相併購，可組成全國連鎖集團，達至大規模採購去降低成本，增佔市場佔有率。　　無論呢次國美併購永樂結果係咪成功，代表內地零售市場已揭開新一頁。過去單打獨鬥?時代告一段落，進入互相併購、組成更大連鎖集團?時代來臨。企業透過上市集資組成更大財團，然後互相併購成為全國零售集團?日子來臨，即資本主義發展已由初階（百花齊放）到汰弱留強，進入組成巨無霸?時代。中國市場實在太大，單憑一間公司?力量，好難建立全國性零售網絡，透過互相併購、組成更大連鎖性零售集團好合理。掉番轉諗，依家?香港上市?內地零售股，亦隨時有收購別人或被別人併購掉?機會，大方向相信係高O股收購低O股。尋寶遊戲又開始。金價唔止反彈咁簡單　　美國6月份核心通脹升0.3％，係連續第四個月亦係1995年1月至4月以?最長?一次。如8月8日唔再加息，擔心未來通脹率進一步惡化機會好大；另一方面，如8月8日加息，美國房地產又點算？貝南奇面對?問題係手板係肉，手背亦係肉。除非貝南奇有超人?眼光，能預計未來通脹率下降（起碼數據方面仍未出現）。但6月份核心通脹率升0.3％，較事前估計?0.2％為高，若聯儲局停止加息令美元?價下降，只會加快而非減慢未來通脹率上升，事關走?CPI前面?生產物價指數（PPI）仍然大幅上升。　　金價?5月12日見七百三十六美元後，大跌至五百三十美元，依家回升不止前跌幅61.8％（高出六百五十七美元），例如7月14日一度見六百六十八美元，代表呢次金價上升唔止反彈咁簡單，可能係另一上升周期開始。依家搞唔清係全球商品牛市抑或今年5月結束？上一個商品熊市由1980年開始，2001年結束，共二十一年，理論上呢次牛市冇理由咁短?；但銅價、鋅價過去五年升幅已達三、四倍，亦幾嚇人。後市展望，我老曹傾向相信美國經濟進入高通脹、低經濟增長期。金價應該睇好定睇淡？真係十五十六！貝南奇將美經濟推向滯脹期　　周三道指?超賣下反彈，冇乜特別。如貝南奇?8月8日宣布唔加息，咁9月份加息機會將超過75％；換言之，美國加息周期尚未結束。周三美元兌日圓回落0.38％，見116.75日圓；兌歐羅跌0.74％，見1.26美元。周三美國三十隻道指成分股中，有二十九隻上升，唯一下跌係Altra。紐約交易所內上升股份同下跌股份比例達七比一，典型反彈市，理由係事前市場睇得偏淡，引發補倉行動。　　呢次反彈好勁，但係咪代表方向改變？技術上睇，周一股市進入超賣區，正等候一次反彈，貝南奇言論正好引發另一次強力反彈。至今為止，技術分析毫無改變，仍係上落市及個別發展。客觀因素睇，油價未重返六十至六十五美元一桶，金價亦未低於五百三十美元，中東局勢只係未惡化但並非緩和。　　後市展望，?指仲?5月7日高點17200點至6月13日低點15200點之間?2000點上上落落，短期大市點樣冇人知（能知三日事，富貴萬千年）。　　根據七十年代?教訓，1972年4月利率由三厘升至1974年5月十四厘，阻止?通脹率惡化。之後經濟陷入衰退，聯儲局便宣布減息，利率由1974年5月十四厘減至1977年1月五厘，引發另一次通脹；1977至80年通脹率更漸變為惡性，CPI增長率?1980年曾達14％年率！冇人諗過1977年起通脹率反撲會咁嚇人。人往往被眼前利益吸引，而睇唔到長遠害處！貝南奇似乎正一步步將美國經濟重新推向滯脹期。　　美亞證券分析員David Malpass寫得好清楚：通脹率係貨幣政策?結果。例如2001年「九．一一慘劇」後，至2004年6月止?美國貨幣政策，中央銀行提供太多貨幣，必然產生2005至06年CPI上升；加上2001至06年3月前?日本銀行貨幣政策，亦令日本經濟受到過分刺激。今年3月日本銀行抽緊部分銀根，令日經平均指數自4月起回落。上周日本銀行放棄零利率政策，結束反通縮政策，影響亦?將來浮現。本周三貝南奇?言論暗示8月8日可能唔再加息，但加息周期係咪結束？木宰羊。因減息周期最快相信明年第一季才出現，?出現減息周期前，美國GDP增長率將由今年第一季5.6％回落到下半年3.25％，明年再跌至3％以下！美國CPI（唔係核心通脹率）第二季仍以年率5.1％速度上升，較過去十二個月平均數4.3％為高。今天美國短息五厘二五，扣除通脹仍接近零利率，未有足夠力量阻止美國CPI?未來進一步上升（利率必須高於CPI增長率二厘或以上，才有能力阻止CPI進一步上升）。如果貝南奇8月8日冇吉士再加息去殺死通脹，咁樣高GDP增長率、低CPI增長率時代將隨格蛇退休而結束，日後我地將進入高CPI增長率、低GDP增長率?滯脹期。上述情況七十年代曾經?美國出現，今年下半年開始重演機會甚大！6月份美國新屋動工率係一年半以來最少，減少5.3％，至一百八十五萬間（5月份係一百九十五萬三千間）；5月份曾一度上升，只係連跌三個月後?反彈，6月又再回落。新批准合約減少4.3％，至一百八十六萬二千間，係2003年5月以來最低。美國樓市今年2月起至今一直放緩，相信係令貝南奇投鼠忌器?理由。　　今年2月1日貝南奇上台，面對幾個情況：一、美國2005╱06年度收支赤字達八千億美元一年，財赤三千一百九十億美元。二、地產泡沫?加州及美國東北部已開始爆破。三、美國人儲蓄率接近零，負債大都一塌糊塗。四、過去格蛇以「猜不透」出色，貝南奇卻希望增加聯儲局「透明度」。五、貝南奇希望未來美國通脹率只有1％至2％（通脹目標政策），以及聯儲局減少個人色彩，將聯儲局?意圖清晰化，但今天似乎又願意接受核心通脹率高於2％。鄧小平話齋：大氣候與小氣候，不因人?主觀願望而改變！外資並非國內房價狂升理由　　7月21日係人民幣?改一周年，至今為止只係雷聲大雨聲小。去年7月21日至今人民幣約升值3.5％（去年7月21日一次性升值2.01％，去年下半年再升0.49％，今年上半年再升0.9％），再次證明炒人民幣升值者得不償失。估計未來一年人民幣升值幅度亦?3％左右，希望炒人民幣升值賺錢者仍然失望；因為外資流入令內地房價上升而欲賺取樓價升值，又或因為睇好中國前景而吸納國企紅籌股者，去年7月至今卻賺?唔少。　　1990至97年情況亦一樣，炒港元升值者賺唔到蚊年，吸納香港物業及股票者卻賺唔少；2002年起至今炒人民幣升值者一樣賺唔到錢；反之吸納國企、紅籌者卻賺?一大筆，?可見將來亦作如是觀。何況美國新任財長宣布將致力協助中國建立良好金融機制，去迎接明年1月金融市場開放，大於逼人民幣升值。　　去年進入中國房地產領域?境外投資者，投入資金只有五百億美元，佔全國房地產投資總量3％，主要集中?北京、廣州、上海及深圳，並非令國內房地產價格狂升?理由。因此，遏制外資湧入內地房地產並唔會壓抑樓價！加上「開放規範房地產市場外資進入和管理意見」並冇以稅收及限制去控制外資進入中國地產，只係將進入門檻抬高DD，影響極之溫和，對寫字樓影響可能大D，但對住宅樓價接近冇影響，尤其係允許港人及台灣人回國買房子，而大部分買住宅樓?外資都係港人及台灣人。艾克森唔信油價長期高企　　今天用石油產生熱能?成本係七十五美元一桶，如改用天然氣只需五點七美元，即油價係天然氣價格?十三點一六倍！到底係油價太貴抑或天然氣價格太便宜？天然氣便宜?理由係運送唔方便，唔似汽油運送極之方便。因此，如購買石油股，不如投資天然氣股，只要油價保持不跌，相信後市天然氣價格可上升一倍，何況天然氣更係世界上最乾淨?燃料！世界最大油公司艾克森石油今年首季營運收入現金一百四十六億美元，用?做乜？其中二十億美元用作派息，五十億美元回購股份，少量投資煤變油項目，至於勘探及增加石油儲備只用?四十八億美元，至今3月結止手上現金升至三百二十億美元；第二季公司回購股份六十億美元……。今年艾克森石油並冇積極增加手上石油儲備，反而增加產量（今年首季石油及天然氣容量上升7％），充分顯示該公司唔信依家?油價可長期維持，第二季?煤變油方面投資三十億美元（第一次生產係2009年）。反之，中國境內石油公司?中國境外卻南征北討，大肆收購各國油田。最後係艾克森石油公司睇錯市抑或中國境內石油公司睇錯市？我老曹只知道呢個世界好唔公平，通常都係富者愈富。今天不但石油供應不足，石油行業員工更缺乏，亦係石油無法快速增加供應?理由（唔夠人手開工也）。如動用貸款去收購外國油田，一旦油價非估計中咁好，日後都幾大件事！　　世事往往一長一短。以智慧而言，投資市場需要智慧，但專任智則賊（所謂機關算盡，往往人算不如天算），所以做人唔好算得太盡。投資市場需要勇氣，但純持勇則妄（過分勇往直前，往往令人狂妄而犯錯）。　　兩者相生相?，長於智者往往短於勇（有智慧?人，因想得太多而失去勇氣）；長於勇者又往往短於智（有勇氣?人，又往往魯莽行事）。能做到智勇雙全者，又何談容易。所以投資市場永遠係贏家少、輸家多。　　宏昌科技（061）由7月21日起更改公司名稱，證券簡稱「宏昌投資」。　　■ASM太平洋（522）、中大國際（909）7月31日；渣打集團（2888）8月8日；和記黃埔（013）24日公布業績。