小問題可變成致命損失

小問題可變成致命損失2006-09-09　　9月8日，周五。唔經唔覺下周一就係「九．一一慘劇」五周年了。今天?指升49.32，收17145.76；9月期指升105點，收17124點。中遠太平洋（1199）跌3.4％，收十六元四角，係7月19日以來最低；聯想（992）跌2.8％，見二元七角八仙；北京最大連鎖超市之一物美（8277）跌9.1％，收二十五元，係7月25日以來最大跌幅。公司宣布以十一億四千萬元收購江蘇時代超市50％，該股自8月8日起停牌，今天復牌。

港交所須更進取以應付競爭　　紐約證券交易所及納指市場公司皆打算增持歐洲證券交易所股份，紐約證券交易所6月首次公布與歐洲證券交易所合併，目前仍未完成；而納指市場公司已購入倫敦證券交易所25％，並計劃下月收購未擁有股份，可惜紐約證券交易所股價自今年3月至今已跌31％，甚至由6月公布與歐洲證券交易所合併後至今回落6％；納指市場公司亦由今年3月起至今回落35％。　　周三納指市場公司宣布8月份佔紐約上市股份交投12.5％（7月佔10.8％，去年8月只有4.8％）即納指市場大舉入侵紐約證券交易所所佔交易量，呢種情況不利紐約證交所與歐洲證交所合併，可能必須提出較佳條件，對方才願意接受。納指市場公司最近宣布開拓期權市場，進一步增加交投，睇?港交所（388）亦要更進取始可以應付競爭。　　9月份通常係殘忍月，股市唔係大升就係大跌，根據標普五百指數四年周期（1962年開始計），低點通常在四年周期的9月30日至11月19日之間（例如2002年10月美股見底）。2006年10月係另一個四年周期，會否歷史重演？根據過去四年周期，70％機會在9月同10月下跌，30％9月同10月上升【圖一】；上升者平均升幅3.5％，下跌者平均跌幅5.8％。再以MAC（移動平均數通道）睇，9月?生指數亦係易跌難升。2006年係美國中期選舉，以過去表現?講，股市在美國中期選舉年表現皆較差。　　瑞信集團、美林、花旗銀行同時下調中遠太平洋評級，因為半年純利下滑37％，至一億三千六百四十萬美元，認為有點令人失望。　　技術上睇，目前航運業只是進入風眼帶來短期平靜，另一場激烈競爭在2007年又再開始。聯想與戴爾爭奪戰白熱化　　表面上看，戴爾之失成為聯想之得。David Miller（戴爾前中國業務主席）出任聯想亞太區主席、Sotaro Amano出任聯想日本區主席（佢係戴爾前日本企業董事，管銷售部）、Gerry Smith出任聯想環球副主席（戴爾前新加坡設計部董事，負責展銷業務）、David Schmoock負責重組聯想及做供求預測，以及決定產品售價及銷售策略（佢係戴爾前亞太區及日本區銷售部前副主席）、Christopher Askew亦將出任聯想服務部副主席（戴爾前亞太區及日本服務部前副主席），估計有更多戴爾高層在9月份過檔聯想。聯想2005年5月收購IBM個人電腦業務後，將公司總部由北京搬去紐約州Westchester，8月份公布今年首季恢復獲利五百萬美元，理由係營業額上升38％，至三十五億美元。聯想在中國仍可獲得營運邊際利潤7.5％；但中國以外營運邊際利潤只有1.5％，令整體營運邊際利潤只有4.5％。如能改善中國以外地區營運邊際利潤，聯想純利可大增；問題係戴爾發動減價戰，令聯想佔總銷售額29％的美國市場受壓，聯想還以顏色，8月份挖走戴爾唔少高層職員。根據IDC估計，此舉對戴爾管理層影響十分有限，買家會否跟高層職員轉到去聯想？相信只佔極少數，大部分仍然會留下繼續做戴爾產品買家，因為戴爾計劃發動新一輪減價戰。這場聯想與戴爾個人電腦市場佔有率爭奪戰只是剛開始，太快認為聯想會勝出係過於武斷。聯想強項在中國市場，至於能否提升中國以外市場營運邊際利潤？目前言之過早，因為爭奪戰仍在進行中，勝負未分。　　許多人一生所賺往往被一次金融災難所毀，我老曹自從1974年那一役後，似乎每次金融災難都能避過，到底係咪幸運？一般人經歷過一次金融風暴後，通常會變得膽小或唔想面對，我老曹性格喜歡尋根問底，例如要搵出點解1974年5月銀行開始減息自己入市卻損失慘重?理由？結果發現兩者有時間差（詳情已在今年華資銀行高級職員公會聚會上發表及在8月份《信報月刊》刊出）。「災難」英文叫做Disaster，來自拉丁文「dis」及「astro」即違反自然，簡單點說，任何違反自然的事物都可以演變成災難。點解1997年8月本港樓價大跌？「八萬五」只是誘因，真正理由係1984至97年樓價狂升，到了1997年8月本港樓價已極度違反自然，然後由亞洲金融風暴及白眉董的「八萬五」房屋政策引發一連串災難。2000年3月科網股災難亦一樣，由1998年底至2000年年初瘋狂炒賣，種下暴跌遠因，電盈（008）成功收購香港電話公司後誘發災難。明白災難發生前的成因，逃避金融災難並不困難，避唔過災難理由係缺乏危機感。　　例如1912年4月14日鐵達尼號沉沒前，便是船長E.J. Smith對該船過分自信，唔明白鋼鐵在接近冰點溫度時可以變得脆弱；現代科學已證明溫度愈低金屬愈脆弱，到了攝氏零下274度所謂絕對溫度，所有金屬可碎為一片片；加上當冰塊經過船邊時可造成無數小孔，但船長並不相信災難會發生而繼續前進，至4月15日上午才下令棄船時已太遲；如4月14日晚上求救，鐵達尼號雖然無法逃避沉沒，但唔會係一場大災難。例如1998年將香港物業出售仍未算太遲、2000年下半年沽出科網股一樣唔遲?道理一樣。換言之，大部分災難發生既係天災亦係人禍！鐵達尼號如有充足救生艇，又例如鐵達尼號4月14日晚上已發出求救訊號……。船長Smith因無法原諒自己而唔肯離開陪同鐵達尼號一起沉入海底又點樣？例如1986年1月28日穿梭機「挑戰者」號由於發射前一晚天氣太凍，一個「○」型橡膠圈變得脆弱，發射前認為係小問題而冇處理，發射後固體燃料因此而移位燒穿這個「○」型橡膠圈而引發空中爆炸！一個小問題唔處理奪去太空船內所有人的生命。「止蝕唔止賺」一旦損失10％，立即應該搵理由，一旦虧損擴大到15％，請行動吧，不要被小問題演變成為致命損失。　　金屬價格今年5月至8月大部分見十九年內高位。例如銅、鋁、鋅等，會唔會進一步上升？邊個知道。不過，今時今日投資礦務股係咪風險太大？當然有人認為富向險中求，但唔係我老曹?性格，因此今年5月起一再叫大家在資源股身上獲利回吐，留番畀?Ｄ大富去博啦，我地普通人便無福消受。石油股亦一樣，油價見每桶七十八美元後仍可以升多少？木宰羊。今時今日仍炒石油股有如在刀鋒上舔血。有人追求刺激，有人甚至愛上它（不然點解有咁多人去玩笨豬跳）。金價支持位上移到610美元　　金價在美元轉強下回落。上周新申領失業金只有三十一萬，少九千人，較估計只減少五千人多，相信聯儲局會採取較強立場延遲減息，引發金價出現較大跌幅；加上德國副財長計劃在9月19日IMF會議中質疑日圓弱勢?理由，令日圓表現較強。周四油價進一步回落，令金價受壓；加上IMF估計銅價在2010年將跌至一點三六美元一磅，令期銅跌三點二美仙，收三點六四八美元一磅。技術上睇，金價下降三角形支持位已上移到六百一十美元，上阻力係六百四十美元，好快會知道後市金價向上或向下【圖二】。　　六十年代後期各國中央銀行國際儲備加起來不足一千億美元，到2003年年底超過三萬億美元，在三十三年內央行儲備上升超過三十倍；人類?財富真係?咁短時間內增加咁快？其實上述數字水分許多，主因係1971年美元同黃金脫?；如以金價計，由六十年代每盎斯三十五美元到目前超過六百美元，上升十六點五倍。三萬億美元如用十六點五倍除，得數是一千八百二十億美元，即係話扣除通脹後，人類所擁有財富在三十三年內只上升82％！換言之，2003年如擁有一千六百五十萬港元，相等於1969年百萬富翁而已，其他都係水分。更令人震驚的事係，2001至03年各國中央銀行為刺激經濟而增加的國際儲備高達九千零七十億美元，即每三年上升一萬億美元（上述來自格蛇2004年在柏林演詞內容，並建議各國政府限制財赤，但連美國政府亦冇咁做）。換言之，1971年起全球經歷過史無前例?和平日子的高通脹期，CPI此一官方數字因太多項目唔包括在內，已不能反映乜?。大家知道，未來三十多年全球各國央行不可能再令國際儲備高速增長，不然將摧毀貨幣購買力！根據艾特略波浪理論，我地正步入通縮期（而非通脹期）！日本自1990年起至今通縮日子多、通脹日子少；香港由1997年8月至今情況亦接近，如果美國聯儲局唔係在2001至03年將利率減至一厘，加上政府減稅，可能連美國亦進入通縮期。最奇怪?係，中國今年第二季GDP增長率達11.3％，但CPI升幅仍然有限。最近油價跌穿支持位，美國能源部周四公布暑假過後美國汽油存量上升七十萬桶，至二億零六百九十萬桶，較去年同期高出6.6％，取暖用油更上升三百一十萬桶，至一億三千九百九十萬桶（天氣在變暖而非變冷）；原油存量少二百二十萬桶，至三億三千零六十萬桶，仍較一年前多6.2％。　　三藩市聯邦儲備銀行主席Janet Yellen認為通脹率仍高，十七次加息影響未出現，但樓市冷卻可能傷及消費者消費力，所以9月20日利率會議上佢採取開放態度。12月利率期貨做五厘二八，代表9月20日加息機會只有19％。Richmond聯邦儲備銀行主席Jeffrey Lacker係8月8日唯一投加息票者，佢話，情況令人樂觀，他在9月20日不再要求加息。四十位分析員有48％認為下周油價仍跌，十一位認為變化不大，38％認為會上升。　　法國Societe General銀行認為在七十八美元時油價偏高50％！8月份沙地阿拉伯有四十六個鑽油機（Oil Rigs）在尋找新油井（2002年只有十九個）。中國亦動用數十億美元在海外找尋新油源，最近在非洲海岸有唔少新發現，7月27日艾克森無比石油宣布在非洲產油三年上升一倍（非洲產油佔該公司總產量30％），非OPEC的非洲自2003年起至今產油量上升25％，目前日產五百萬桶，估計未來三年再增產35％。連古巴亦加入，依家日產石油一萬九千桶，睇?油價由七十八美元開始向下炒。　　加拿大係唯一?OECD國家中，財務上有盈餘及收支賬上有盈餘?國家；加上油沙存量豐富，未來可成為另一賺取外貿盈餘項目。三大因素令加元保持強勢。八十年代加國政府不受政治因素影響而拒絕減稅，保守黨政府馬爾羅尼上台後更引入GST（消費稅），令政府收入上升，因冇減稅反而增加GST，漸漸令加國政府出現財政盈餘，經過八十年代、九十年代刻苦耐勞，踏入二十一世紀加拿大在財政上成為西方政府中最健康國家，聯邦政府負債按年減少，其中一個省阿爾伯達政府更冇負債。另一利用GST而改善財政赤字?國家係紐西蘭。換言之，如果負債太重，政府同國民願意咬實牙根削減開支增加稅收，長遠而言自然有好處；反之，日本人一向儲蓄率高，但政府財政赤字卻大，推行GST後日本人消費進一步受限制，政府卻冇利用增加稅收減少財赤，仍然係亂花錢，結果GST阻礙日本經濟復甦。港府未充分運用外?儲備　　至於香港政府擁有大量外?儲備，除了衰退期外，大部分年份政府財政產生盈餘（2005╱06年度大幅度減少賣地，政府財政上仍是盈餘），如推行GST，必然影響市民消費甚至影響內地人來港消費，政府已擁有大量外?儲備，仍未好好運用（投資回報率唔及新加坡政府），卻只懂向市民伸手，是否需要？GST唔係好與唔好問題，而係香港冇呢方面需要。加拿大同紐西蘭唔同，八十年代已是高負債國，利用GST減債方向正確（一如還清信用卡數後，生活一定好過D）；反之，香港政府坐擁大量儲備，仍要推行GST，有如守財奴，不懂好好運用手上資金，一味向市民抽稅。　　中國十三億人口中，只有5％擁有大學程度（美國25％、香港13％）。由於國內大學長期缺乏經費，所謂「大學生」如以外國標準睇，符合資格者只佔25％（即每四個大學生中，只有一個達到外國大學生標準）。1978至03年呢二十五年，中國工業化是利用低廉勞工成本作為推動；2003年起面對原材料漲價，中國工業開始由低勞工成本轉向資本密集型及高技術型工業，卻面對高水準技術工人供應不足問題，令高技術工人薪金每年以15％速度上升，供應仍不足。　　中國政府在教育投資不足?問題近年開始浮現，胡錦濤上台後才重視，希望日後中國能提供大量高技術人才，支持中國GDP未來二十五年仍高速增長，以免陷入東南亞國家或拉丁美洲國家式經濟，無法由勞工密集工業進身技術密集工業。過去二十年，中國政府在硬件（基建項目）上投資十分大，但在軟件（教育方面）投資不足，形成中國人?質素提升好慢。　　中國未來出售?唔應該再係廉價勞動力而係know-how，一如今天美國人（美國政府每年花在教育開支佔GDP 4.9％，中國只佔2％）。　　目前中國最嚴重?社會問題係乜?？一、佔41％人認為貪污最嚴重。二、鄉村貧窮佔25％。三、醫療設備不足佔21％。四、污染問題佔13％。貪污問題造成國企股出現嚴重虧損及冇效率，貪污問題令地產公司可利用關係向官員低價圈地，貪污問題令唔少打工仔被剝削，因官商勾結。第二、第三及第四問題其實都由貪污問題演變出?，中央唔係唔知道，只是牽涉利益集團太廣，投鼠忌器。上述亦係東南亞國家或南美洲國家最大問題，幸好香港七十年代已成立廉政公署，香港至今為止貪污仍受到控制，未成為公害。　　金山工業（040）、德信科技（1228）、新濠國際（200）停牌。　　■國浩集團（053）9月15日；環球動力（231）、世茂國際（649）、信和酒店（1221）、信和置業（083）、新灃集國（1223）、載通（062）、尖沙咀置業（247）、VP Greenchip（1186）18日；AEON（900）、中國遠洋（1919）、建聯集團（385）、必美宜（379）19日；奇盛（集團）（174）20日；展鴻控股（572）21日公布業績