美經濟欠佳人心思變

美經濟欠佳人心思變2006-08-30　　8月29日，周二。?生指數升160.99，收17083.28；成交二百二十一億七千一百多萬元。8月期指收17080點，升154點；9月期指收17048點，升167點。

　　中銀香港（2388）半年純利升8.4％，見七十一億元，較分析員估計好，股價變化唔大，收十六元一角四仙。中國銀行（3988）半年純利升28％，至一百九十五億元，亦較分析界估計中好，但股價自7月至今一直回落，由三元六角五仙跌至今天三元三角六仙。中海油（883）半年獲利升38％，至一百六十三億元，8月中起股價隨油價回軟，亦進入獲利回吐期。東方航空（670）估計第三季恢復獲利，今年股價跌12％，同期南方航空（1055）跌23％、國航（753）則升9.9％，希望內地航空股今年第三季起表現好D啦！油價周一跌2.6％，收七十點四美元。Hi-tech揩?理論正確　　今天表現較好?有德昌電機（179）升4.4％、聯想（992）升2.4％、國壽（2628）升3％、中移動（941）升2.1％、利豐（494）升2.4％。中國最大半導體生產商中芯國際（981）自2004年4月上市至今股價係咁跌，今天再跌2％，見九角七仙，創上市以?新低，再次證明「Hi-tech揩?」理論正確！中海集運（2866）股價跌8.2％，收一元八角，亦係上市以?最低價，該股由去年3月至今股價由四元一直回落；剛公布今年上半年純利勁跌96％。　　中國外運（598）半年純利跌36％，UPS結束同中國外運?合資企業；今天中國外運股價跌9.19%，收二元四角七仙。中國外運股價2004年10月至今由四元反覆回落。去年我老曹一再強調避開半導體股同航運股，睇落痛苦日子仍未過去。　　《第一財經日報》報道，9月15日起外?存款準備金率將由3％提升至4％，估計可凍結十六億美元資金。　　內地兩稅合併10月份將進入全國人大初審，未來稅率估計?24-27％之間，不利國企、紅籌股，亦不利香港?內地?企業，不過有五年過渡期，唔係眼前問題。　　美股上升，不過同RSI出現背馳，代表美股只係上落市，冇方向感。?生指數首破5月份高點才回落，道指8月底或9月初或會嘗試接近或略破5月份高點。值得注意?係，銀行股指數8月起轉弱，相信係反映美國樓市狀況，其次亦反映金融股現水平已超買。近期聯儲局官員好靜，代表佢地正在觀察，然後決定9月20日?貨幣政策。如9月20日唔再加息，代表貝南奇已放棄將CPI增長率重新壓低至年率2％或以下，滯脹將成為投資策略主流；反之，9月20日再加息，美國樓市將繼續受壓，唔排除美國未來樓價下調20％（上述係1990至92年?跌幅）。利率未來走勢視美國中期選舉　　以9月20日唔加息計，依家美國核心CPI增長率2.8％，要求佢壓到落1％到2％，需要?時間十分長，分析員David Hale認為需時十二個月或以上，即美國減息周期明年第三季才開始。?11月中期選舉之前，9月同10月估計利率皆維持不變，選舉後共和黨係咪仲控制上議院同下議院？如共和黨失勢，?自民主黨?壓力將令聯儲局11月宣布加息機會上升（因為今年11月係通脹壓力最大?日子），事實上聯儲局內主張再加息?力量唔細！1980及92年美國人心思變，理由係工資升幅追唔上CPI升幅，今年相同情況出現，唔排除另一次人心思變！列根時代因股市上升、樓價回升，美國人唔想改變，1992年老殊雖然贏?波斯灣戰爭，卻因當年美國經濟欠佳而下台。民主黨一旦控制上下議院，自然施壓要求聯儲局首先對付CPI增長率，到時貝南奇能否頂得住政治壓力？　　唔經唔覺，1987年10月股災已距離我地十九年啦。今年5月至6月13日?跌市，當然無法同1987年10月比較，相同者係6月13日唔少人驚叫熊市重臨，情況同1987年10月一樣，相信結果亦一樣只係虛驚一場！值得一提?係，8月底9月初係四年上升周期?頂，唔排除美股?呢幾天見頂後又回落。標普五百指數由6月14日起至今正形成三浪背馳，小心到9月上旬美股或有較大跌幅。美債6月28日起上升，不但阻止?8月8日加息，相信亦可阻止9月20日加息。美股6月13日回升，理由只係超賣，高盛證券認為當時美股超賣15％，依家卻漸漸進入超買區。今年5月至今，無論CRB商品指數、黃金或黃銅價格皆形成下降軌，資源價格上升周期係咪今年5月完畢抑或只係一次中期調整？我地唯有騎驢睇書。貝南奇似乎怕通縮大於怕通脹，尤其係睇過1990至2003年日本?情況之後。　　1980年代我老曹曾寫過「唔怕樓貴，只怕運滯」，被人指企?地產商立場講話！終於港人?1997年8月至2003年7月嘗到樓價一跌再跌?苦果！樓價一旦下調20％或以上，必然影響經濟，負責任?政府往往?樓市瘋狂時出手阻止，以免日後下調幅度大於20％。美國樓市開始軟?陸，希望能夠成功，如美國樓價下調幅度止於20％冇問題；如大於20％，咁問題就大囉！今年下半年及明年上半年美國經濟仍受美國樓市影響。美國GDP 78.3％?自服務業，其中又以消費為主。　　雅虎最高價係一百二十五美元，依家係二十五美元；亞瑪遜最高價一百一十三美元，依家二十八美元；微軟最高價五十五美元，依家二十六美元；甚至最近上市?Google，亦由最高價四百七十六美元跌至三百七十三美元。互聯網市場?問題在於別人容易進入。例如雅虎入侵亞瑪遜佔有?市場、Google正入侵eBay?市場……。企業如欲賺取較多利潤，必須寡頭經營。最明顯例子係香港電話公司，當別人無法入侵電話市場時，利潤係股東資金16％；當電話市場漸開放，大量企業入侵，今天有邊一間電訊公司賺大錢？兩電仲賺取豐厚利潤（純利係固定資產16％），主因係電力市場仍未開放，美國電力市場開放後，有邊間電力公司可賺取等同香港電力公司相同百分比?利潤？互聯網公司因只能擁有短期寡頭優勢，例如從前網上訂書必透過亞瑪遜，當呢類服務連其他公司都可以提供時，亞瑪遜便須減價保持市場佔有率，漸漸利潤亦因而下降，股價係咁先。　　從前報紙亦係寡頭經營，1993年《蘋果日報》面世，打破報業寡頭經營模式，東方報業（018）推出《太陽報》展開市場爭奪戰；近年再加入三份免費報紙，令整個市場由1993年賣家市場轉為家??買家市場。傳媒進入惡性競爭時期，並以爆料去吸引讀者群，為?滿足讀者好奇心理，真係無所不用其極；再加上互聯網搶走年輕一代讀者，形成報紙生存空間愈?愈窄。跟住電台及電視台亦加入競爭，提供免費投資顧問服務，雖然其中80％只係浪費投資者時間（符合「平?冇好、好?冇平」理論），但已足夠令財經報章生存環境進一步惡化，甚至出現劣幣驅逐良幣現象。大部分行業都受環境支配，而無力改變環境，上述情況相信將繼續存在好一段日子，無法改變。日圓大選前將轉弱　　日圓?9月20日大選前可能轉弱，回落1.5％左右，理由係新首相將以刺激經濟為政綱（小泉2001年4月上任以?，日圓升值?4.5％）；加上日本經濟出現戰後最長繁榮期（上一次係1965至70年，共五十七個月），估計9月份日圓可見119兌1美元。日本7月份失業率4.1％（6月份4.2％），同分析員估計接近。日本人就業機會增加?，收入上升?，能否刺激消費？1990年至今因日本人消費不足，曾出現三次衰退期，令每次經濟繁榮期維持唔夠三年。呢次由2003年下半年開始?繁榮期已超過三年，係咪?今年5月份結束？7月日本家庭消費下降1.3％，較分析員估計下降0.9％為高；依家日本失業率仍較英國?3％高，但英國經濟放緩已漸漸感覺得到。　　寶鋼第二季純利下降27％，只有三十億元人民幣（去年同期四十一億元人民幣），主因係寶鋼產品售價較去年同期低。上海指數今年升42％，同期寶鋼股價只升1.5％，成為大落後股。去年中國煉鋼能力達四億七千萬噸，並有一億五千萬噸在建或計劃中。內地鋼廠面對?困難係原材料價格上升，而產品售價去年年中開始回落，今年上半年雖然反彈，仍較去年上半年低。6月至今內地鋼材價格回落15％左右，相信鋼鐵股面對供過於求?日子仲會好長。　　廣東科龍電器（921）今年上半年營業額三十五億八千六百多萬元，較去年同期減21.31％；經營溢利四千八百六十八萬九千元，財務費用達八千三百多萬元，因此仲有二千九百一十五萬三千元虧損，睇?不久將來可以恢復獲利。　　2004年時，世界銀行預測2005年油價將回落到三十六美元，高盛估計係三十五美元、大摩預測三十四元、IMF認為三十七點二五美元。結果，2005年平均油價五十六點七一美元（最高見七十美元）。進入2006年，眾多機構及學者估計油價將回落至五十至六十美元，但油價一直?七十美元以上。2000年以?，OPEC目標係將油價維持?二十二至二十八美元之間，但今天油價不但遠離上述價格，而且由期油市場決定油價，OPEC對油價?影響力已失去！呢次油價上升周期由1999年亞洲金融危機結束開始，大幅上升期2002年開始，2000年OPEC制定油價二十二至二十八美元一桶，當油價升穿OPEC所訂?上限，便無止境地上升，今年最高曾見七十八點五美元，理由係亞洲地區1999年起對石油需求上升。全球經濟火車頭地位難取代　　作為全球經濟火車頭?美國，GDP增長率在減速中，由樓市泡沫帶來過量財富增長變為適度勞動力收入增長、能源價格上升、還債負擔加重，令美國經濟重返GDP低增長、CPI高增長?滯脹期。全球失去?自美國需求所帶動?強勁增長，誰可填補此空缺？歐洲財政政策大幅緊縮，歐羅進入加息周期，而且正在消化歐羅升值所帶來?阻礙作用，歐羅區GDP增長率可能由今年2.5％降至明年1.5％，較美國更差。至於日本，日本消費相等於美國30％，即美國消費每減少1％，日本消費必須上升3％才能填補。日本今年GDP增長率2.5％，明年可能只有2％。換言之，2003年至今年首季美國GDP增長率平均達4.8％，未來放緩到明年2％，暫時搵唔到填補空缺者。　　至於中國，今年第二季GDP增長率11.3％，主要由外需帶動，其次係固定資產投資，今年上半年增長率29.8％，其中汽車同紡織業增長率更達40％！出口及固定資產投資佔中國GDP規模80％以上。如美國需求下降，中國可能係最受影響者，除非迅速擴大內需去抵銷！根據中國商務部公布資料，依家內地消費品供應量超過需求量70％，即供需出現失衡。最明顯例子係北京金源時代購物中心2004年開業時，宣稱係全球最大?單一室內購物中心；但開業兩年，半數餐廳拉閘，SPA及美容院境況亦唔掂，部分連鎖店舖撤出。法國Lancel?店員話每個月只做二萬美元生意（十六萬港元），唔好講賺錢，連皮費都唔夠！　　中國經濟出現產能及消費錯配。賺錢?係國企如石油、電力及工廠老闆，佢地賺?蚊年，如果唔係用於收購或投資固定資產，就係變成中國政府?外?儲備，造成銀行信貸寬鬆，資金透過銀行借出去大建別墅、購物中心、鋼鐵廠、汽車生產廠或道路、發電廠，形成呢D項目增長最快；反之，普通平民老百姓卻冇乜受惠。以上海為例，人均年收入只有五千美元（四萬港元一年），已係內地高收入城市居民；至於全國人均年收入，才剛剛超過一千美元（七千八百港元）。換言之，上海呢類大城市人口月入三千元，點樣支持高消費？大部分中國人月入只有七百元人民幣，如何支持消費？因此內地消費市場賺大錢公司並唔多！依家支持中國GDP高速增長?兩大項目仍係出口同固定資產投資。大摩首席經濟學家羅奇認為，中國經濟增長上?不平衡性正在加劇；換言之，如美國GDP增長率放緩，中國不但無法取代，甚至極有可能受拖累。　　中國發改委宏調中心提供研究報告指出，為防止中期出現嚴重產能過剩，因此下一步會係三管齊下：管住專案、管住資金、管住土地！7月份工業投資增長率在減速，較去年同期升16.7％（較6月份回落2.8％）。7月份出口較去年同期升22.6％（較6月減0.7％）。受影響行業包括紡織、家具製造、服裝、鞋、製帽、皮革、毛皮、羽絨、工藝品、家電等，比較6月份均出現唔同程度回落。7月份PPI升6.7％，工業品出廠價上升3.6％，CPI只升1％。一旦中國出口增長率大幅放緩及固定資產投資增長率下降，唔排除中國經濟面對通縮危機！CPI未真正反映生活實況　　內地為房價應否納入CPI而展開爭論。世界各國都好少將房價納入CPI，大部分只納入房租，理由係買樓唔同買棵菜，一般人可以做。隨?分期付款流行，以香港為例供樓?家庭較租樓家庭（公屋例外）為多；?美國，已把供樓利息負擔納入CPI，中國仲未有上述需要。　　事實上，CPI並未真正反映生活實況，例如我老曹唔?車，汽油價升降完全唔影響我老曹開支，CPI內卻包括汽油、煙、酒等項目；至於交通方面，CPI以公共交通價格為計算單位，我老曹大部分時間則坐的士，而的士冇列入；其次係我老曹為?保健?每年藥費開支唔細，亦唔包括?CPI之內。換言之，每個人生活方式唔同，CPI不能一一反映；CPI只係畀大家一個概念而已！　　看漢科技（8175）、百盛集團（3368）、光大國際（257）、浩基集團（628）、新澤控股（095）、青島啤（168）停牌。　　■瑩輝集團（1163）、中國興業控股（132）、中國製藥（1093）、香港建屋貸款（145）、新海能源（342）、悅達控股（629）9月7日；粵海制革（1058）、莊勝百貨（758）、萊福資本（901）、申銀萬國（218）、台泥國際（1136）、維奧生物科技（1164）、魏橋紡織（2698）8日；路訊通（888）、直真科技（2371）11日；中國資本（170）12日；永安公司（289）15日；北海集團（701）18日公布業績。