2006-08-19

2006-08-19　　8月18日，周五。?生指數跌42.35，收17330.70；成交二百一十四億三千七百多萬元。8月期指高水，收17335點，跌73點。中海油（883）跌2％，收報六元七角九仙；中石油（857）跌1.9％，收報八元七角六仙，因為紐約期油跌2.6％，報七十點?六美元。玖龍紙業（2689）升4.6％，收報六元八角二仙。

　　中國出口退稅率將進一步下降，紡織業出口退稅率將由13％降到 11％、鋼材出口由11％降至8％，其他高污染、高能耗及資源性行業退稅率亦下調約2％，以減少國際間貿易磨擦，並淘汰一Ｄ低附加值?企業。中央政府認為，下調出口退稅較人民幣升值更有效減慢出口增長率；依家中國唔再需要賠本賺外?，呢段日子已成為過去。國泰君安證券分析員估計，從9月1日起開始，減少出口退稅估計將令紡織業每月獲利減少三億元；另一名分析員認為，最受影響係鋼鐵業。家?鋼鐵業剛處於盈虧平衡點，一旦降低出口退稅率，更多鋼鐵產品?內地出售，令內地鋼材價格進一步下跌；受惠機構包括下游行業如機械行業、造船業等。中國地產商唔會因加息放棄投資　　自7月起，全球有十五個國家及地區曾調高利率，其中日本結束實施六年?零利率政策。上周歐羅及英鎊利率都上調四分一厘，分別達三厘及四厘七五，澳元亦將隔夜錢由五厘七五上調到六厘。全球齊齊加息，理由係打擊石油同金屬價格，糾正過去流動資金氾濫?局面；呢次中國亦加入，宣布8月19日起加息零點二七厘。經濟學家易憲容認為，呢次中國加息主要針對房地產，並認為呢次加息?得慢?Ｄ，幅度亦唔大，但未來一段日子仲會再加息。中國國際金融首席經濟學家認為，加息對中國股市、地產及?價影響唔會好大。經濟學家韓志國認為，今天中國房地產業毛利高達50％，地產商唔會因為利息負擔多零點二七厘而放棄投資；反之，供樓者負擔上升，壓力係有一Ｄ?。　　中國人行宣布一年貸款利率由五厘八五提升至六厘一二；存款利率升至二厘二五，8月19日生效。中國6、7月份CPI升幅只有1.2％，7月份貨幣供應升18.4％、貸款升16.3％，呢次加息收效估計仍然唔大。?新加坡?摩根大通策略師認為，中國加息係好?舉措，但最好人民幣同時升值6％，至7.5元兌1美元。世界銀行首席經濟專家認為，中國加息後可以將低回報?無效投資擠掉。有專家認為，呢次貸存利率一起上調，較過去只調整貸款利率好，因貸存利率差擴大，反而鼓勵銀行加強貸款。?豐銀行中國分析員認為，呢次加息幅度太細。美國銀行大中華區主管認為，呢次加息目的係控制投資成長，提升投資融資成本，佢估計可減低固定資產投資增長率。　　美國8月份消費信心跌至83.8，係三個月內低點（7月份84.7），主因係8月首兩星期汽油價格一度升至三點○一美元一加侖。　　英國首次置業者大減，過去十年英國樓價升200％，至二十二萬二千英鎊一間，令首期最少五萬五千英鎊，去年只有三十二萬人置業。依家英國有70％家庭擁有自住單位（法國56％、德國41％），英國樓市今年好呆滯。　　必和必拓宣布關閉智利?Escondida銅礦，令美國期銅價格升1.4％，至每磅三點三六美元；但上海銅價卻跌一千六百元一噸或2.4％，成六萬六千三百九十元人民幣（一度跌至六萬五千八百元人民幣），理由係上海期貨交易所存銅上升三千四百四十一噸，至五萬四千五百一十六噸，上升6.7％。　　南方航空（1055）宣布考慮日後對沖燃油。今年上半年燃油費升至七十億八千萬元人民幣，主因係燃油成本升28％，造成上半年虧損八億二千五百萬元人民幣。公用股進入尋頂期　　8月17日?指見17506點，到底係好友?勝利抑或係淡友?反攻時刻？更重要係，2003年4月開始令港股反覆向上?基本因素有冇改變？或簡單Ｄ問，今年5月8日至6月13日股市下跌，到底係調整市抑或係「第一滴血」？擒日?附表已清楚顯示，跑贏指數??指成分股共有九隻、跑輸?共二十四隻。贏家係電訊股、石油股、航空股、公用股及東亞銀行（023），因拓展內地業務十分成功；輸家係本地銀行股、地產股、工業股、本地電訊股例如電盈（008）及航運股。內地電訊股跑贏大市，因內地電訊市場仲係高速增長，中海油（883）則受惠於油價7月份創新高。公用股可能只反映利率見頂，唔少公用股股價同RSI出現背馳，擔心公用股已進入尋頂期。上述就係行業性方向，各位同唔同意？　　6月13日至8月17日?上升係反彈還是另一上升浪，相信好快便知道。資金似乎已經由石油股移向高科技股，石油股後勁不繼。　　高科技股泡沫爆破後，2002、04年都曾出現大反彈，此乃大跌市後?必然現象，今年呢次又如何？相信今年冬季可清晰。依家科技股升市只集中?中移動（941）、跌市集中?電盈，到底有乜啟示？2002年全球電訊市場曾出現一次大反彈，但後勁不繼；2004年出現另一次反彈，亦係無功而回。呢次由中移動帶動?升市，係真唔係？流動電話由2G市場轉向3G市場能否成功，尚言之過早，暫時睇唔到其逼切性，唔同八十年代後期移動電話由模擬轉向數碼（GSM），有其逼切性及優勢；今天由GSM轉向W-CDMA，逼切性不及八十年代後期。內地移動電話起飛期?1997年之後，亦係GSM世界，明年由 GSM轉向W-CDMA，結果又點？從中移動股價看，睇好一方暫時佔市場領導地位。流動電話熱潮已十分久遠，中國係最後一個高增長地區。債市憂心美經濟放緩　　債券價格向上（即長債息率回下），代表債市投資者並唔憂心長期通脹，或債市開始憂心未來經濟增長率放緩。7月份開始十年期長債不斷上升，到底係反映前者抑或後者？近日油價回落及金價自今年5月高位回落，由2001年起原材料價格上升呢個大方向係咪出現改變（或進入整固期）？金價上阻力六百八十美元，下支持六百一十美元，如上破六百八十美元可睇好，反之則睇淡！未破六百八十或六百一十美元之前，對金價後市保持中立。金價呢個大型敏感三角型，升穿或跌破後都威力無窮，其他都係大風??砂石，無關重要。金價5月至今形成敏感三角形，美?指數5月至今卻出現上升軌，後市金價如升穿六百八十美元?話，擔心美元將同時跌穿上升軌；反之如金價跌穿六百一十美元，美元將轉弱為強。後市到底係金弱美元強抑或金強美元弱？油價上升軌至今仲好實淨，除非七十美元呢關失守，上升軌才有問題；不過，MACD同油價已出現背馳，即七十八點五美元有機會係轉角位。銅價?銅礦工人罷工下回落唔尋常。如果話你知我老曹開始擔心通縮?美國出現，各位會唔會認為我老曹?度講笑？銅價由2001年7月至今升幅達393％，理由係全球銅產量由1998年一千四百十四萬二千噸，升至去年一千六百六十三萬一千噸；需求由一千三百三十五萬二千噸，升到一千六百八十八萬四千噸。過去三年供不應求為全球銅存量急跌，銅價由2001年七十五美仙一磅升至最高峰時接近四美元。日本人均耗銅十二公斤，美國人均耗銅十公斤，歐洲人均耗銅九公斤，但印度、東歐、南美洲、中國等國家人均耗銅只有二公斤。根據Metals Economics Group資料，過去一百年再冇大型新銅礦被發現（過去六年發現?新銅礦蘊藏量共三千九百九十萬噸，幫助唔大）。全球最大銅礦係智利? Escondida，佔全球產量8.5％，過去五天罷工令產量減60％（二千多工人罷工），今天宣布關閉。銅價大升地位漸被取代　　銅價大升【圖】，亦令其地位漸被取代，例如光纖?電訊市場取代銅線，塑膠亦取代銅管，近年鋁亦取代銅?電線上?地位。但有Ｄ地方銅?地位不易被取代，例如摩打內?電線。銅價最能反映工業原材料價格升降，最近由5月開始回落，到底代表乜?？羅傑斯曾大力推介糖，但糖價自今年5月大幅回落！我老曹已一再強調，商品價格周期性因素好大，絕對不適合散戶玩，糖價回落令?Ｄ同糖有關?股份近月股價受壓。?商品市場賺錢，必須有一流?timing及強壯?心臟，不然嚇死未天光。中國唔少紅籌、國企股領導人過去炒賣銅、油、糖中損失慘重，可見?商品市場賺錢絕對唔係一件易事（起碼較股市更難）。CRB指數今年5月開始出現尋頂走勢，值得注意。　　黎巴嫩貝魯特交易所指數今年1月30日係1934點，?以色列入侵前?7月11日已跌至1506點，8月13日停火前係1200點，宣布停火?天升4％。你有冇膽今年?黎巴嫩投資股票？冇，咁就唔好羨慕別人發達，通常「富向險中求」。　　美國商業部宣布，過去十六季中?十五季美國企業純利升幅超過10％（今年第二季上升19％）。但大摩?McVey估計，今年全年美國企業純利升幅只有 11.4％，明年更加放緩至5％，純利升幅放緩將令美股O下降。花旗銀行環球市場策略員Steven Wieting認為，今年交通企業已需要同員工分享收益，並面對汽油價格上升令純利面對壓力，上述情況正向其他企業擴散。高技術員工不足，令薪金成本上升，開始侵蝕企業純利，上述問題唔係加息可以解決。北美洲第二大職業介紹所Manpower Inc.主席Jonas Prising認為，錯配問題?全球出現，就係大學畢業生與工商界需要?人才兩者並唔配合工資上升、油價上升，令美國交通股7月起已大幅滑落，因為搵唔到足夠駕駛員運送傢俬、雪櫃及家具（或薪金吸引力不足，令駕駛員數目唔夠）。　　經濟增長?自生產力提升。過去人類主要務農，所以只能享受低質素生活水平。工業革命後，唔少人從事工業生產，令日常用品供應大增兼售價大跌，更多人買得起，人類生活質素因此大幅上升。大量工業用品供應引發服務業需求（例如物流、廣告、財務產品設計等），最後社會走向大量消費。農業社會經濟盛衰由天氣決定（豐收自然繁榮、失收代表衰退）；工業社會經濟盛衰由產品能否暢銷決定，例如香港六十年代假髮業興起，曾帶旺香港經濟；牛仔褲亦曾為七十年代香港經濟帶?繁榮。進入服務性經濟，決定經濟盛衰主要係貨幣政策。由於香港政府冇貨幣政策，加上香港屬海島型經濟，極受外界因素影響，今天美國同中國成為影響香港經濟盛衰?主要因素。根據National Bureau of Economic Research資料，自1955年起，美國八次衰退皆由聯儲局「懷有敵意?貨幣政策」引發，通常維持幾個月，令GDP出現一季或兩季負增長。何謂「懷有敵意?貨幣政策」？根據諾貝爾經濟學得獎者森穆遜研究，就係當三個月期利率高於十年期利率，而同時美股大幅回落！根據上述理論，今年上半年美國已出現三個月利率高於十年期利率，尤其係7月份第十七次加息後，三個月利率一度高出十年期利率半厘（依家高零點三八厘）；加上5月起美股大幅回落，即美國經濟繁榮期已亮起黃燈。美國經濟明年出現衰退機會高達50％！　　過去五十年，八次衰退中有七次係短期利率高出五厘；七次中有六次係經濟持續低增長；七次中有三次聯儲局大幅減息去對抗衰退、三次保持利率不變超過六個月。如歷史有參考價值，美國今年第二季開始進入GDP增長率放緩期，估計經濟低潮?明年出現（如五厘二五息保持?六個月或以上）。如第一次減息?明年2月或以後才出現，美國經濟超過50％機會明年出現軟?陸！煤變油未來二十五年有突破　　1978年中國實施改革開放政策前，?國際舞台上中國經濟算係乜?？1990年日本經濟走下坡，1997年亞洲金融風暴連香港亦成為受害者，2000年美國科網股泡沫爆破美國經濟亦停滯不前……，但中國經濟仍然向上。今天中國GDP世界排名第四（僅次美國、日本同德國），已超過英國！二十五年後會點樣？分析家估計，2030年中國GDP不但超過德國，甚至超過日本，僅次美國，世界排名第二機會甚大！時移世易，尤其日本過去十五年，完全感覺到此消彼長?壓力。分析家估計，CTL（煤變油）技術未來二十五年有突破性發展，令藏煤量豐富?中國可解決能源短缺問題兼保持GDP高增長，最後超過德國同日本（美國亦係另一煤蘊藏量豐富?國家）；CTL可能係未來科技所在！八十年代中國第一個經濟奇?由港商投資深圳工業開始；九十年代中國第二個經濟奇?係由台商投資長江三角洲一帶開始；今天中國正在創造第三個經濟奇?，就係利用高科技帶動經濟轉型，一旦成功，好快可以趕過南韓同台灣，成為德國同日本產品?最大競爭者，加速中日之間?經濟此消彼長！　　九十年代中國政府大力投資基建，令中國各省市互相連結起?，交通四通八達，此乃經濟進入高新科技前?必要條件，中國已經具備。「十一．五」規劃就係要把中國製造業由出售廉價勞工為主要競爭條件，轉為高技術含量科技產品?青黃不接期。所謂BRIC，巴西同俄羅斯近年興起，理由係因為資源，如今年5月係資源高峰期，巴西同俄羅斯GDP高增長率將面對壓力；至於印度，?基建項目上仲係好落後，印度?經濟繁榮係「點」?繁榮，唔似中國係「全面」繁榮。換言之，?金磚四國中，我老曹最睇好係中國，二十五年後中國工業上技術水平應該接近德國同日本，上述亦係我老曹自1990年起一直認為日本經濟只有反彈冇上升?理由，因為中國好快會成為日本貨?世界市場上?主要競爭對手。日本同美國唔同，美國經濟主要以「創意」為推動力，過去一百年世界上大部分產品皆由美國人發明，然後才普及全球；日本產品一向以精巧耐用為主，呢方面二十五年內中國產品亦好快做得到。　　重慶市8月18日發出緊急通知，要求全市範圍內清理各類違法用地、閑置土地及別墅等高檔住宅用地，並停止供應別墅項目用地，對已供地在建或未建別墅用地進行逐宗清理，對未通過規劃設計及施工許可?土地，可按規劃調整為其他用地。　　■彩虹電子（438）8月26日；中海集運（2866）、東成控股（735）28日；大新銀行（2356）、五礦資源（1208）、中國外運（598） 29日；重慶鋼鐵（1053）、卓健亞洲（593）、黃河實業（318）、中國電信（728）30日；SCMP集團（583）31日；蜆?電器（081） 9月21日公布業績。