剃刀門楣生意漸被取代

剃刀門楣生意漸被取代2006-08-24　　8月23日，周三。?生指數跌61.36，收17088.39；成交二百二十一億三千多萬元。8月期指收17064點，跌70點。交通銀行（3328）跌2.3％收五元零一仙，雖然半年純利升31％，至六十億三千萬元人民幣，但今年股價已升46％。中國網通（906）跌3％，報十三元八角二仙，公司半年獲利減7.7％，至七十一億元，因內地電話市場競爭激烈。九倉（004）半年獲利減31％，至六十二億六千萬元或每股二元五角六仙，理由係今年上半年物業重估升值幅度唔及去年同期，例如寫字樓價格升幅只有3％（去年同期升26％）。

經濟繁榮才不畏利率上升　　只有?經濟高速成長期（例如香港1967至80年），經濟繁榮才不畏利率上升，其餘日子經濟繁榮期通常在低利率期出現、衰退期?高利率期出現，但兩者有時差（見呢期《信報月刊》）。五厘二五係咪能夠阻止美國經濟進一步繁榮？如美國經濟進入放緩期，全球經濟會點？1967至82年美國經濟放緩期間，日本及西德經濟進入上升周期，繼續拉動全球經濟；2000年首季美國經濟再次進入放緩期，但冇一個國家可以接棒，2001年1月聯儲局只有利用減息製造「再膨脹」，2003年起全球經濟又再上升。今年第二季起美國經濟放緩邊個接棒？中國GDP規模只有美國GDP八分一，能夠獨善其身已經不俗，無力帶動全球經濟向上。今年5月份開始??生指數上落市，相信仲有排搞。經過四個月?上落市，好友、淡友互有威風，冇邊個佔上風，睇落上述dog－fight將持續。　　港人最大困擾係經過1967至97年三十年go－go時代，誤以為經濟增長?必然。1967至97年?自房地產及股市?財富，令港人認為自己非常了不起之時，卻要面對十年大上大落。即使最樂觀?投資者，?經歷1997－98年及2000至03年大跌市後，亦失去自信。　　所有投資者皆明白，任何行業都唔可能長期提供較正常更高?回報，不但2000年購入高科技股者付出代價，估計今年5月才加入購買資源股者亦將付出代價。資源股自1999年起連續七年表現出色，最後引發今年5月狂潮，之後又點？今年5月以後又要重新尋找投資對象。今年第二季中國GDP增長率達11.3％，係近十二年內最高增長?一季，相信第三季起將放緩。中國GDP增長率放緩，估計將可令資源價格下調。　　1997年8月?生指數16500點，今天?指仍係17000點，?一個冇增長?環境下，尋求高增長股絕對唔係一件易事，唔似1967至97年客觀環境係高增長，只要避過?D過分偏高?日子入市已可獲利，過去十年卻須?上落市中尋找商機。我老曹相信，今年5月起大市只係?窄幅牛皮，只有個別發展，但揀股一向係散戶弱項。　　任何行業愈?愈專業係無可避免?事，以為只靠「劃走勢」便可發達?日子早已一去不返。今天欲?股票市場賺錢，除?必須懂得行業分析外，更須知道「誰」係龍頭股。例如6月13日至8月17日四隻內地電訊股中，表現最出色只有中移動（941），至於中聯通（762）只係一般，其餘兩隻電訊股更係落後大市。又以石油股為例，表現最出色只有中海油（883）（高油價下最大受惠者）；反之，中石油（857）表現一般，中石化（386）更係落後大市。換言之，今時今日?股市賺錢，除?要知道大市方向，更要?非牛又非熊、只係牛熊交戰時，跌穿二百五十天線入貨，?指創新高卻要出貨，你做得到咩？然後係搵邊D行業吃香，再問行業中邊隻係龍頭股？能夠「過三關」者，才能?6月13日至8月17日呢段日子賺錢，估計佔全部投資者中20％，至於其餘80％投資者便係咁先。本地券商唔肯增資難競爭　　股票市場愈?愈專業化，不但令散戶生存空間收窄，同時亦令細經紀行生存空間減少。過去做「剃刀門楣」生意（出入都收佣，但提供?服務極之有限，出入都要刮一刮也），漸漸被銀行網上服務取代，?D唔做功課而亂向客戶提供「財經分析」?經紀仔言論不聽也罷。　　以香港依家?情況，不但散戶投資水平唔夠專業，連80％所謂股市評論員亦唔見得專業。1986年聯交所成立後，外資經紀取得經紀牌，過去二十年外資經紀所佔份額一再提升，本地經紀所佔份額一再減少，細經紀除?怪責政府唔幫佢地外，自己做過乜?？外資經紀行不但包銷巨型國企、紅籌股上市，亦提供大量分析報告，主導大市及個別股份升跌。反觀香港經紀行不但?分析報告方面冇乜，而且有幾多間公司願意花錢培養人才？甚至連提升資本亦唔肯，內地證券公司股本五億元，香港證券公司部分連五千萬資本都冇，點同過百億資本?外資大行競爭？　　資本主義定律：優勝劣汰。?股票市場更為明顯，財富歸邊現象全球皆然。今天連足球比賽亦係世界盃時代，精工對南華?日子早已過去！但香港唔少細經紀行?資本仍然停留?賣鹹脆花生?日子，你話點搞？唔通出?事要政府負責？香港華資證券公司老闆顏面何存？　　最近CRB商品指數已跌穿二百五十天線【圖】，到底係今年3月後另一次買入時刻，抑或長達五年?上升趨勢完畢？如配合MACD睇，情況並唔樂觀，不過走勢上仍未出現一浪低於一浪，未能確認5月見頂。商品價格自1980年起回落，?1999及2001年形成雙底；金價由1980年回落至1999年，已失去70％價值；油價?1999年見十美元一桶。如由1999年起計，CRB已上升七年，七隻肥牛?故事又再出現？農產品價格通常係最後才上升，呢一次升幅極之有限（近日糖價已大跌！）。金價自今年5月見七百二十美元開始回落，油價會否由今年7月七十八點五美元開始回落？　　1999年美國生物石油（主要用玉米生產）年產一千萬加侖，去年已達五千萬加侖，美國農業部估計到2010年年產量達八億加侖！美國汽油用量十五億加侖，五年後將有50％汽油?自生物石油。生物石油不含硫及一氧化碳，所以唔會污染空氣，亦唔會產生惡臭，依家生產可獲政府補貼至2008年（相信到時可直接同石油競爭），即今年下半年及明年所生產?生物汽油仍可獲政府補貼，成為獲利甚豐?行業，投入?資金好驚人（殊仔上半年已簽訂法案，希望到2010年美國汽油只有三分一?自中東）！CRB指數七年上升趨勢失守　　CRB商品指數七年??上升趨勢正在失守，今年5月起我老曹已一再提醒大家減持黃金、減持資源股。CRB商品指數中，石油及天然氣所佔比重約40％，當CRB商品指數二百五十天線失守，閣下手上?能源股亦宜減持！移動平均線係基於趨勢而設計，當五十天線跌穿二百五十天線通常代表趨勢改變（例如日股今年4月已由牛轉熊）。CRB商品指數跌穿二百五十天線，可能係入貨訊號；如跌穿後八個交易天內無法爬回二百五十天線之上，便得小心（?生指數6月13日跌穿二百五十天線，第三個交易天便爬番上去，代表只係考驗趨勢線，而非大趨勢改變；趨勢改變必須五十天線跌穿二百五十天線才確認，因此亦叫死亡交叉點）。我老曹?度再強調一次，識走勢?人唔會輸死，唔識走勢?人亦唔會輸死，半桶水?人卻遲早浸死！學一門技巧必須功夫深，千萬不可學完三腳貓功夫，就以為自己係李小龍。　　錢跟精叻人走，如你愚蠢，切莫學人投機；如你知道自己蠢仲有得救，天下最愚蠢?人就係唔知自己蠢，咁就真係冇得救。你係醫生，只代表你?醫術方面有專業，但唔代表你?投資上同樣係專業。你係大學教授，只代表你?學術上係專業，同樣唔代表你?投資上係專業。反過來講，我老曹?股票市場三十八年，但絕對不能替人治病。點解投資專家不能替人治病，而醫生卻以為自己?投資上係專才？1967至97年go-go年代，只要有膽識已可賺錢，令唔少人錯誤以為自己管錢好叻；1997至2006年才係最大考驗，過去十年你?財富能否繼續按年上升20％？或者要求低D，你?財富過去十年能否每年上升10％？唔係一年，而係年年如此。　　有病你曉搵醫生、起樓你搵建築師，點解投資方面卻自以為是？投資最大敵人就係非理性，可惜有撲克面孔?投資者唔多，所以金融市場亦可用「行為心理學」分析。一般散戶常犯錯誤：一、買賣次數太多；二、止賺唔止蝕；三、唔係唔分散投資便係過分分散，好似開雜貨舖。四、資訊太多卻毫無主見。五、喜歡跟大隊，有時過分自信、有時又過分冇信心。六、買自己唔認識?項目，例如2000年買科網股就係最典型例子。　　黃金與白銀有乜分別？黃金地位仍係財富象徵（包括製成珠寶），而白銀地位早已變成工業原料，一如銅、鐵、鋁，早已失去財富?地位。過去白銀用於菲林，隨?數碼相機普及，呢方面消耗大減，例如用於電子業。白銀係其他金屬礦內?副產品，因此供應量一向唔穩定。白銀?吸引力在於導電及導熱最佳，其次係用於電池方面。當金價十分昂貴之時，才刺激銀價上升，一旦銀價上升，差唔多告訴大家金價已好昂貴。例如1980年白銀首見五十美元一盎斯，以及今年柏克萊發行白銀ETF。70％白銀?自銅、鉛及鋅礦副產品，因此白銀非價格敏感項目（即價高、價低唔影響白銀產量）。過去二十年冇人為白銀而開採銀礦，地球上存銀十分豐富，只係唔值得開採（因銀價唔夠吸引）。今年如不計投資需求，白銀係1989年以?首次出現供過於求（因其他金屬被大量開採）。1990年全球存銀二十一億盎斯，去年已降至四億盎斯，今年起存銀又再次上升。今年8月7日柏克萊發行ETF，吸納?九千二百四十萬盎斯白銀作投資用，成為上半年支持銀價上升?最大因素（?唔少國家買賣白銀要畀VAT，包括英國要付17.5％，但買賣ETF則唔使畀稅）。換言之，未來白銀價格上升空間唔大，欲重演1980年事件更加渺茫。1980年白銀見四十八點七美元一盎斯之時，市場上突然增加三億二百萬盎斯新供應量，估計民間存銀高達二百億盎斯，因此每次白銀大升後，便有大量白銀流出市場，長遠而言白銀價唔易炒起。　　8月18日倫敦金屬交易所批准拋空鎳合約可以延期交貨，條件係每天每噸支付三百美元。外傳7月至今有一個集團共拋空?所有空倉合約30－40％；世界第五大鋼鐵生產商南韓POSCO否認《華爾街日報》報道指其共拋空一萬噸鎳，只承認拋空?一千噸鎳！近期鎳價升幅驚人。　　內地工業股邊際利潤五年前早已見頂回落。過去五年面對原材料漲價，但產品售價唔加；今年原材料價格見頂，即使略為回落，但內地工資以雙位數速度上升，珠三角一帶工資今年升幅達17.5％，擔心只係??開始。原材料價格上升、能源價格上升、利率上升，早已令廠家透唔過氣，再增添勞工成本上升，怪唔得2003年4月至今?生指數上升一倍，反觀工業股跑贏大市者寥寥可數。初期工廠仍可利用規模效益去抵銷成本上升，但規模效益有一個極限，到?某一水平便冇用，而成本上升卻無止境。1980至2001年香港廠商透過搬廠返內地，擴大邊際利潤；自2002年起又再面對邊際利潤收窄。最初只係玩具業、紡織業、家用電器，然後漸擴散到電視、冰箱、空調甚至個人電腦；內地愈?愈多低邊際利潤工廠面對虧損，你話怎?辦怎?辦？　　Michael Dell係醒目仔，佢大學未畢業已離開德州大學，因為佢睇到電腦業唔需要中間人?趨勢。Dell今年四十歲已成為億萬富翁，佢創立?公司佔美國個人電腦市場32％。成功帶?失敗，當你佔有一個市場32％之時，再增長便有困難。其次，電腦同其他科技產品一樣，永遠跌價，如電腦售價下跌33％，即公司必須做多三分一生意，營業額才不致下降。戴爾電腦冇乜特別，只係消除?中間人，令電腦售價下跌去擴大自己市場佔有率。當你已佔有美國市場32％後，何處搵增長？加上電腦售價不斷下跌，如何是好？為刺激銷量，必然減價競爭，結果第二季營業額升六億美元，但經營成本升十億美元，反令純利急跌！戴爾股價由2000年接近六十美元跌至近期低於二十美元，上述問題非戴爾獨有，?唔少其他企業亦發生。「成長的極限」並非乜?抽象問題，而係好現實?問題。內地商品房對市民生活影響微　　「十一．五」規劃下?內地土地政策，有人形容係「左手收韁、右手揚鞭」。一方面將耕地面積流失減至最少，因此限制批地；另一方面未來土地主要?自閒置土地收回再利用，例如休置二年以上未開發土地將收回再賣，或舊區拆掉重建。建屋方面，別墅類用地已全部叫停，經濟適用房及廉租房建設將成為未來各城市內?主要房屋供應來源，情況有D似六十年代至八十年代香港以公屋、居屋為主要住宅供應來源。過去上海、深圳、北京等一線城市高檔樓盤60％由外資購入，本地市民大部分負擔唔起；?新政策下，廉租房及經濟適用房大量興建，供應本地人購買或居住，高檔樓盤主要供應外資購買。　　新加坡?呢方面最成功，大部分新加坡人住?政府興建?組屋（樓價漲不了多少），另15％外國人及新加坡富豪才住私人住宅，因此私人住宅售價漲跌唔影響大部分新加坡人生活。至於香港，過去約50％住?公屋及居屋，居屋價漲跌幅度唔大，另外50％才居住?私人物業。1997年8月後，大量中產階級財富被摧毀，市場出現20╱80現象，20％人口愈?愈富有，形成豪宅有價，今天豪宅已重返1997年水平，部分更尤有過之；反之，因大量中產階級財富被摧毀而無法重建，令一般私人住宅售價漲唔起?，今天天水圍住宅樓價只及豪宅十分一！　　估計未來內地房地產亦走上「貴者愈貴」呢條路，即豪宅價漲，一般住宅樓價卻漲唔起。豪宅價格升降從來唔影響民生，因為小市民可選擇住廉租房、買經濟適用房，形成普通私人住宅無法上漲；反之，豪宅冇競爭對手，繼續睇漲。　　未來中國政府房屋政策，係高收入者買商品房、中低收入者買經濟適用房、低下階層住廉租房。商品房價格係中國人均收入十至十二倍根本上只係錯覺，因為只有最高收入10％人口才購買商品房，同大部分市民無關！?外國，房屋開支佔個人收入25％左右，內地商品房開支約佔高收入人士收入30％左右，可以話略為偏高，但唔存在泡沫！冇泡沫何來爆破？　　中國住房分四大類：一、早年留下?私房（即解放前已有?自住房或改革開放收回?私人房子），佔全國住房11.7％。二、房改房，即過去由國家單位配畀員工?住房，在1998年房改政策下，單位以低價賣畀員工，依家佔總數64.9％。三、商品房，近年?市場購買者佔7.1％。四、經濟適用房，係近年政府為照顧低收入家庭而興建，北京市民購買經濟適用房首期只需五萬元，月供一千五百元人民幣，形成唔少人申請。換言之，我地常談及?內地商品房，其實只佔內地房屋總供應量7.1％，往往造成錯覺，以為內地住房好貴，其實內地居民92.9％唔係住?商品房，樓價貴對大部分市民生活影響唔大。中國城鎮人均住宅建築面積二十六點一一平方米：東部二十八平方米、中部二十三點九平方米、西部二十五點二四平方米。全國城鎮戶均住宅建築面積八十三點二平方米：東部八十五點三二平方米、中部七十七點九六平方米、西部八十五點七五平方米。換言之，中國城鎮一家人平均居住面積約九百呎，較香港家庭居住面積大一倍，其實唔算差。　　2005年《福布斯》中國內地富豪榜前二百人中，有六十四人?自房地產；最前二十名中，有十一位涉足房地產。中國經濟漸同香港相似，賺大錢者唔係對經濟貢獻最大?工業家，而係地產商；地產?中國已成為「利大於本」?生意，例如售價六千八百元一平方米住宅，其中三千八百元係利潤，成本反而只係三千元，如利用借貸（建築成本?自銀行）便更厲害！結婚生仔係昂貴消費　　廣東省人口及社會發展研究局剛完成一份報告：該省十五歲以上未婚人口達二千零六十三萬，單身率31.9％（五年前為29.9％，十年前23.8％）。南開大學人口與發展研究所教授原新認為，中國六十年代平均每個婦女生育六至七個嬰兒，依家係一點八個（香港係一個，如扣除新移民、只有半個。）；教育水平上升及經濟水平提高均令出生率大幅下降。今天結婚已再唔係有?數?事。以內地標準，一百平方米新房子要賣一百萬元人民幣；加上裝修、汽車、家電已足夠令人窮了，婚後如果再生個孩子已非一般白領負擔得起！結婚生仔已成為極之昂貴?消費，因此香港兩對新婚夫婦有一對決定婚後唔生仔。香港人口早已靠新移民支?，因本香港人口早已進入負增長（兩個家庭才有一個小孩！）。　　■富力地產（2777）8月30日；中華數據廣播（8016）31日；富士康國際（2038）、香格里拉（069）、深圳國際（152）、精電（710）9月1日；駿威汽車（203）5日；海升果汁（359）、保利達（208）、南洋集團（212）6日；開達實業（180）14日；大同機械（118）25日公布業績。