石油之源新理論

石油之源新理論2006-09-14　　9月13日，周三。?生指數升134.64，收17210.04；成交二百四十九億九千四百多萬元。期指高水，升182點，收17265點。利豐（494）計劃以每股十七元一角四仙至十七元五角配售新股，較今天收市價低3.1％至5.1％，集資二十四億五千萬元，今天股價升1.2％，收十八元零六仙。飛機燃油價下跌，令國泰（293）升1.2％，見十五元，燃料費佔國泰去年開支33％；中國國航（753）升2％，見三元零八仙；東方航空（670）升5％，見一元二角七仙。思捷環球（330）2005╱06年度純利升16％，至三十七億四千萬元，較分析員估計純利上升13％為多，股價升2.2％，見六十五元五角五仙。中華煤氣（003）半年純利少20％，至二十五億一千萬元，因售樓利潤減少，股價跌0.2％，見十八元二角二仙。銀河娛樂（027）跌1.4％，收六元九角五仙，半年虧損七億三千四百萬元，因旗下澳門賭場本月才開業。冠捷（903）半年純利升但每股純利跌，收市價七元八角，跌4.3%，因液晶體顯示器售價回落，影響邊際利潤。

美經濟軟?陸時間長　　美國十七次加息後，已足以令GDP增長率進入放緩期。以美國過去情況，GDP長期保持2.2％速度上升係可以?，但希望GDP長期保持5.6％增長卻唔可能。以利率企於五厘二五睇，未來美國GDP增長率放緩速度甚慢，即呢次軟?陸時間肯定較1990-91年?次長。　　暑假結束後，油價係咁跌。雪佛龍宣布墨西哥灣Jack #2油井（位於Walker Ridge Block 758）在水深七千呎之下再鑽入海底二萬呎，合共二萬八千一百七十五呎深才找到油源，已證明每日可出產原油六千桶，係最近四十年內最大?深海油井。目前深海勘探技術令石油公司有更多新發現，上述發現可能只係剛開始，最終估計來自墨西哥灣?深海油井原油可取代美國入口原油50％左右。雪佛龍?成功，代表深海採油技術已發展成熟，令未來可供勘探面積大大擴闊。Jack #2油井2004年開始鑽探，鑽入三百五十呎海底後，進入過去未習慣?巖層及過去未有經驗?地質。雪佛龍技術人員在公司支持下一鑽再鑽，去年8月唔少分析員認為花咁多蚊年鑽得咁深，係咪有商業價值？單係向Transocean Inc. Cajun Express租用鑽油機，每日租金已經二十一萬六千美元，差唔多八千萬美元一年，仲有地質學家、地球科學學家、石油專家、鑽油機操作員、後勤服務員、直升機人員等……。呢次重大發現，令深海鑽油機日租升至四十六萬美元一天。換言之，未來深海鑽油成本大約一億七千萬美元一年，絕對係高風險行業。過去離岸石油只係勘探舊鹽層即海底表層（舊理論：石油係地球表面上動、植物腐壞?產物），呢次深海鑽探成功證明新理論（石油乃地球自己將碳同水在高壓、高熱下合成，而非動植物腐壞?產物）。呢次Jack #2原油含硫量4％，較其他深海原油含硫量低，屬中級含硫原油。人類採油技術進入另一層次　　目前雪佛龍與美國礦務部洽商建立海上浮動生產、儲存船，將天然氣變為可運送。過去由於深海油井?天然氣唔易運送，大部分即場燒掉（各位見海上鑽油台上都有火在燃燒，就係將天然氣燒掉）；如洽商成功，天然氣可用作發電，然後將電力輸送到岸上。初步估計，Jack #2每個油井每年可產生八千萬至一億二千萬美元收益，估計整個藏油價值十三億至十五億美元，2008年開始商業投產，每日產量十二萬五千桶，但生產成本係淺海石油三十倍。利用深海深入地底鑽探技術，估計可在墨西哥灣多探出一百五十億桶原油蘊藏量！Jack #2並唔係另一個油井咁簡單，而係人類採油技術進入另一層次，可以在水深七千呎海底下再鑽探二萬呎地層去尋找石油，為石油供應提供新來源。再一次證明，人類智慧才是最大資源！由1859年8月27日德雷克在Titusville開採成功第一個油井，日產二十五桶，當年只係深入地底七十呎，令人類進入石油紀元，而今天人類已可在水深七千呎海底下再鑽二萬多呎去採油，反映過去一百五十年人類在開採石油方面進步神速。石油危機已講?三十五年，至今人類仍未真正面對石油供應不足！七十八點四美元係咪呢次油價最高位？好快便知道。從2001年年底油價上升開始，每次調整幅度最大係37.4％，最細係21.4％【圖】；呢次只調整17.2％，加上跌穿二百天線，相信油價下跌日子仍未完。　　美國能源資訊組織（EIA）估計，今年石油需求增加一百二十萬桶一天，明年再增一百七十萬桶（去年每日消耗石油八千四百萬桶）。EIA過去兩個月一再下調今年石油需求，理由係OECD國家對高油價開始出現抗拒。博伊斯特過去幾年一直被電視台視為石油界權威，上周大膽預測油價將跌穿五十美元。佢離開大學後，過去二十多年主要為華爾街做分析工作，十年前離開後成立一人公司Cameron Hanover，協助鋁廠、朱古力廠、紙廠及油商做對沖以減低生產成本，亦寫投資資訊（The Daily Energy Hedger）及出書《Surviving Energy Prices》，在石油投資界唔係泛泛之輩也。佢上周認為油價未來將跌穿五十美元甚至四十美元，有機會見三十美元！理由係石油上升周期已完成，由十美元升到七十八點四美元後，進入時間長達五、六年?回落周期！理由係每次油價短期內上升三倍後，需求便會下降，引發油價回落期。2002年油價仍低於二十美元一桶，今年8月卻見七十八點四美元，已可改變人們?用油習慣。今年油價高企部分理由受去年墨西哥灣颶風影響，再加上伊朗核問題；今年颶風季節漸過，引發油價回落，如伊朗問題亦解決，可進一步催化油價回落；加上今年9月起加拿大油砂開始提供原油，在在話畀大家知油價有機會?今年8月見頂，石油回落周期已開始！50天線低於250天線確認熊市　　三藩市聯儲銀行主席耶倫認為，油價回落有助支持消費；加上物業價格上升，佢會?9月20日公開市場委員會會議中唔再提出加息！此乃她過去兩年內首次（上一次佢係唯一一個仍主張加息?成員）。油價8月起一直偏淡，黃金又點？6月份金價見二百天移動平均數後反彈，但呢次二百天線五百九十四美元卻守唔住；至於二百五十天線五百七十一美元係咪守得住？暫時木宰羊。二百天線如高於二百五十天線，代表金價仍處上升周期。金價在今年5月見頂，油價在今年8月才見頂；金價同油價雖然互相影響，但走勢唔一樣。今天黃金五十天線係六百二十二美元，五十天線低於二百五十天線，才確認黃金出現熊市（但當此訊號出現之時通常已太遲）。　　至於股市又如何？So far so good，仍炒個別發展。9月份股市在一片睇淡聲中上升，證明今時今日大市方向已唔重要，行業分析早已取而代之，股市已愈來愈專業，業餘分子想從股市賺錢愈來愈難。　　記得1976年3月17日?生指數由1974年12月10日150點回升至465點，上升210％後，周恩來逝世，接?毛澤東逝世、四人幫失勢、華國鋒上台，?生指數便一直在365至465點之間上落，直到1978年鄧小平上台提出改革、開放政策，?生指數在1978年3月升穿465點後進入大升市！由1976年時3月至1978年3月，?生指數牛皮?兩年！　　呢次?指由2003年4月25日8331點升至今年5月13日17328點，升幅108％後，係咪又需要一段十分長?牛皮市？原材料價係咪由今年5月起回落？美國房地產又點？香港2003年9月起實行勾地政策，明年3月結束後又如何？　　1997年8月8日?生指數16820點，此乃香港重要?里程碑，代表由地產帶動?經濟上升周期結束。雖然上述指數曾被打破，只因?指加入內地企業股，減低地產股所佔比重造成，如以地產分類指數睇，至今未破1997年8月高位，情況有如1973年3月9日1774點乃英資企業?高潮期，上述指數要到1987年才真正打破（當年華資已完全取代英資地位）。1997年8月乃華資地產高潮，其後國企紅籌所佔比重不斷上升，香港經濟日漸多元化，地產所佔比重只係眾多行業內其中一行，到時?生指數才會真正打破此上阻力。七、八十年代係華資興起取代英資?時代，1997年7月起進入各有各精采日子。潮流改變又豈是我等凡夫俗子可以阻止？順勢者昌，逆勢者亡，即使要隨波逐流亦唔容易。　　美林估計，今年全球個人淨金融資產（唔計自住物業）超過一百萬美元者，全球人口八百七十萬，較十年前翻一番；擁有財富總值三十三萬三千億美元，令財富管理成為一門急速成長?行業。　　1951年美國基金數目不足一百家，到六十年代初期亦只係一百五十五家，管理資金一百五十八億美元；七十年代數目增加至二百六十九家，管理資金四百八十三億美元。1980年初基金數目五百二十四家，管理資金九百四十五億美元；今天基金數目已超過一萬家，管理資金超過十萬億美元，可以話美國在發展財富管理事業上亦係近二十年才迅速膨脹。財富管理重要性漸被認識　　香港呢方面發展近十年才迅速膨脹。過去香港人一直努力致富，賺?錢買D房地產或香港上市公司股票已算了不起。1997年8月之後，發現本港樓價可以大跌65％，?生指數波幅亦大於50％！港人才意識到財富管理?重要性。1994年起我老曹開始投資倫敦物業，被別人笑「隔山買牛」；2000年投資美國政府十年期債券，亦被別人問點解，未明白利率向下可令債券價格上升賺錢！今天財富管理漸漸普及，擁有一百萬美元以上淨金融資產者，都曉得搵投資銀行提供呢方面服務。　　致富固然重要，致富成功後點樣保障、增值及管理個人資產，已成為每個擁有一百萬美元或以上投資者必須面對?問題，例如放幾多在股票上、放幾多在債券上、用幾多買基金、黃金及外幣（進取者更投資對沖基金、創投基金呢類比較上高風險?項目）。透過財富管理，讓自己一輩子活得有尊嚴，並為下一代提供一份生活保障，已經係大部分中上層收入港人?共識。　　投資成功與否，同預測能力無關，而係在重要關頭保持專注與紀律。市場永遠波動，指揮我地?係策略性思維，或叫框架（framework）。例如1984年中英聯合聲明後，投資策略上?主導思想係每年賣地五十公頃；1997年7月1日起，主導思想改為「八萬五政策」；2001年起，主導思想係「十．五」計劃下中國政府大舉投資固定資產，遲早引發資源短缺；2006年主導思想是「十一．五」規劃下，中國走向節約型經濟，因此原材料價上升周期在今年內結束。技術分析只用作短線炒賣，再利用行業性盛衰作為揀股之用。　　嘉新水泥中國（699）停牌。　　■中國興業控股（132）、達進精電（515）9月21日；華晨汽車（1114）、中國電子（085）、中盛糧油（1194）、中國玻璃（3300）、中信資源（1205）、真樂發控股（1003）、大中華集團（141）、合興集團（047）、力寶（226）、力寶華潤（156）、天鷹電腦（1129）、敦沛金融（812）、明日國際（760）22日；第一天然食品（1076）、鈞濠集團（115）25日；澤新遊樂（703）26日公布業績。

奧運經濟泡沫

奧運經濟泡沫2006-09-13　　9月12日，周二。?生指數升126.81，收17075.40；成交二百六十九億八千五百多萬元。9月期指高水，收17083點，升178點。中移動（941）升1.6％，見五十一元五角五仙，公司宣布正收購新興市場一間公司；中石化（386）升2.1％，見四元七角九仙；天津港（3382）升2.6％，見二元三角九仙，半年純利上升超過一倍，至二億零四百萬元；新濠國際（200）跌5％，見十七元四角四仙，因被港交所拒絕將賭場業務分拆到納斯特上市。首創置業（2868）跌3％，見二元九角六仙；利豐（494）升2.4％，見十七元九角八仙；百威國際（718）升6.9％，見三點一仙；富士康（2038）升3.85％，見二十二元九角五仙；港燈（006）跌0.6％，見三十六元二角。大市仲係個別發展，冇乜特別。

　　上海期銅連續第三天下跌，11月期銅跌三千五百八十元人民幣一噸，成六萬八千元人民幣。中國政府在網上公布1月至8月中國入口銅一百三十萬公噸，較去年同期減24％；8月份只入口十八萬四千五百五十五噸。歐洲商品股過去三至六個月亦紛紛下跌。英鎊仍須加息　　英國8月份CPI 升2.5％，超過英倫銀行通脹目標?1至2％水平。8月3日英鎊已加息至四厘七五，但12月利率期貨成五厘二二，即未來英鎊加息機會好大（英國核心通脹率1.1％，較7月份?0.9％上升）。9月7日英國加電費9.9％，10月計劃加煤氣費17.2％，睇?英鎊仍須加息。　　中國8月份外貿盈餘一百八十八億美元，連續第四個月出現新高，政府計劃進一步削減出口退稅去減慢出口增長率。　　「歐羅之父」、諾貝爾經濟學獎得主蒙代爾提醒中國提防「奧運經濟泡沫」。上次奧運在澳洲悉尼舉辦過後，場館利用率低甚至閒置；加上旅遊人數大量減少，導致服務業衰退，經濟急速放慢，失業率大升（2004年奧運過後我老曹曾去?悉尼四天，感覺上情況的確幾差）。今時今日北京為2008年奧運而熱火朝天，人人都向首都投資炒「奧運概念」，2008年係咪北京經濟見頂年？澳洲悉尼便曾經出現奧運經濟泡沫爆破、遊客不足、酒店空置率大升?情況。中美轉向原油合作　　中國發改委副主任張國寶在第七屆中美石油天然氣工業論壇上話，美國能源部近年評價中國企業海外油氣投資對全球能源市場影響有限，係比較冷靜和客觀?。有專家認為，咁樣係中美兩個最大原油消費國由過去競爭轉向合作?先兆，意味未來油價將出現較大幅度下跌！　　美國原油日需量二千一百萬桶，並以年率3％增長；中國原油日需量七百萬桶，並以每年5-6％速度增長。2002至05年中美之間出現競購石油現象；美國外貿赤字擴大部分理由係呢三年內增購石油一千億美元。中國去年石油消費三億一千七百萬噸，其中一億三千六百萬噸係進口，佔全球石油交易量6％。中國?策略係到海外買油田，油價上漲對中美兩國皆不利；加上今年8月美國石油存量接近滿瀉水平，已停止增加石油儲備，如中國亦暫緩吸納油田，油價後市進一步回落機會好大。反之，俄羅斯經濟受惠於油價上升，對美國愈來愈唔客氣。如中美聯手，油價又將再進入回落周期。美國企業去年在中國境內執行油氣勘探開發合作專案已超過二十個，投資約五十億美元！　　高速IT發展打破地域界限，產生天涯若毗鄰現象，亦因此引發環球經濟。經濟環球化引發勞工arbitrage，令工序外移，壓抑OECD國家工資上升及令OECD國家通脹受控制，為債券投資提供友善環境，引發1982至2000年利率下降、通脹率受控制?投資有利條件（?呢方面各國表現互異，例如日本面對新興國家競爭，1990年已見頂；香港因回歸因素，1997年8月見頂；美國科網股泡沫爆破，2000年第一季見頂；中國至今仍係環球化下?受惠者）。凡事有利必有弊，環球化令新興工業國對原材料需求上升，由最先自給自足到最後依賴入口，引發1999至2006年商品價格七年牛市，呢個牛市依家係咪結束？參考過去例子，商品牛市好少只有7年，但呢次由全球經濟環球化令供需唔平衡產生，較易重建平衡，應否用六、七十年代例子去分析1999至2006年?商品牛市？即使商品牛市未死，經過七年牛市後，調整二至三年亦係好合理?事。假設聯儲局維持利率在五厘二五（或五厘半），已足以令美國GDP增長率減半，令十二個月後出現衰退機會上升到23％，甚至軟?陸，所以明年商品價格上升壓力亦唔大。環球化暗藏殺機　　高速IT發展第一波，八、九十年代製造業工序在全球重新調配，由高工資地區移向低工資地區；第二波係服務業後勤基地亦在全球重新調配，呢方面九十年代初期已開始，令中層打工仔受壓；高速IT發展第三波快將開始，便是環球化所引發激烈競爭，進入汰弱留強時段，即係有效率經營者淘汰效率略低者（亦係資本主義醜陋一面）?開始。任何事物都係兩邊鋒利?刀，既帶來好處，必然亦暗藏殺機。人類享受環球化帶來?好處已快三十年了，環球化帶來?壞處，就例如保護主義重新抬頭（歐美重新限制中國紡織品入口只係開端）。　　面對目前環境，分析界好易強調「負面因素」。例如6月13日?生指數跌穿二百五十天線?日，唔少分析員又再咆哮「熊來了」，結果係點？又如8月認為大市形成上升楔形者，今天又怎樣？「狼來了」故事已太多，呢D分析員早已信譽盡失，可以不理。隨?大量衍生工具出現，大市波幅一再收窄，甚至變成毫無意義。揀股唔炒市，我老曹提出已久，如果各位仍停留在睇好睇淡大市?分析上，我老曹亦冇法子。技術分析工具只係風向儀，顯示目前在吹乜?風，更會隨?風向改變而改變，絕對唔係水晶球。明白技術分析工具後，各位便唔會再亂咁估。　　OPEC決定維持石油產量不變。油價已由7月中七十八點四美元跌至六十四點八五美元。除超賣外，短期內冇睇好油價?理由。美國GDP增長率已由第一季5.6％放緩到第二季2.9％，估計明年進一步放緩至2.2％。金價將藉美樓市憂慮再炒上　　油價高企後回落，只係供求關係改變；美國樓價高企後出現調整亦係正常，但唔係世界末日。利用油價高企時沽出石油股、美國樓價高企時不再投資英美房地產，咁樣就夠，但唔影響其他行業。金價雖然回落，但長期仍睇好，方向未變，跌穿二百天線可能係入貨訊號【圖】，因二百五十天線支持位在五百七十美元。呢次金價回落，估計在五百九十四至五百七十美元之間任何一個價位見底，睇好金價後市者可在五百七十至五百九十四美元之間重新入市。我老曹比較上睇淡油價及美國房地產，至於黃金仍是好友底，今年5月升幅過分拋離二百天線而獲利回吐，但每次跌穿二百天線我老曹皆認為宜吸納而非減持，因為?黃金唔會破產，而係當避難所。如美國經濟增長放緩，資金再流向金市亦唔奇！如美國樓價跌幅大於每年5％，貝南奇將再瘋狂減息（2001年日本零利率，以及2001年「九．一一慘劇」後聯儲局?做法，都證明日後聯儲局會咁做）。好多人以為通脹對黃金有利、通縮對黃金不利。其實，保值係黃金其中一個功能（七十年代黃金用?對付高通脹，但在二十一世紀黃金可能在通縮下上升。1930年代美國出現通縮，金價卻由二十五美元升上三十五美元一盎斯），因為黃金係避難所。如參考CRB商品指數，相信高通脹期今年5月結束（CPI係落後指數，參考作用唔大），未來金價炒上可能係投資者擔心美國樓市未必可以軟?陸！因此，?五百七十至五百九十四美元可重新睇好黃金，作為避難所之用。下一輪金價炒上理由係因為投資者擔心美國樓市。　　悅達控股（629）、烽火傳媒（2362）停牌。　　■益安國際（082）9月20日；松景科技（8013）、意科控股（943）、聯洲珠寶（926）、聯洲國際（048）、財訊傳媒（205）、首長四方（730）、雅視光學（1120）、卓能（131）、招商局中國基金（133）、南海控股（680）、首長國際（697）、首長科技（521）、中國數碼信息（250）、金朝陽集團（878）21日；遠東科技國際（036）、紅發集團（566）、宏昌投資（061）、鼎洋投資（905）、福方國際（885）、華聯國際（969）、新城市（北京）（456）、太平地氈（146）22日；中國金融產業投資（1227）26日公布業績。