不認不認還須認

不認不認還須認2006-09-15　　9月14日，周四。?生指數跌26.59，收17183.45；成交二百八十一億八千多萬元。期指高水，跌24點，收17241點。新地（016）去年度獲利一百九十九億元或每股八元二角三仙，較對上年度升11％，股價微升0.1％。思捷環球（330）股價升4.8％，收六十八元七角，係1993年12月上市以來最高位。利豐（494）配股後，股價下滑1.9％，收十七元七角二仙。北京控股（392）半年獲利減96％，股價跌1.4％。大酒店（045）跌2.6％，因半年獲利下降43％，理由係去年同期出售九龍酒店獲利九億五千萬元。嘉華國際（173）半年獲利一億八百多萬元，減83％；電盈（008）半年獲利減17％，理由亦係去年同期有非經常利潤。?生指數目前平均O只有十四倍，唔算貴亦唔算便宜，大市繼續玩個別發展。

航空股進入起飛周期　　10月份原油合約價連跌七天，見六十三點七六美元，最後因尼日利亞石油工人罷工，而令油價回升二十一美仙，收六十三點九七美元。上周美國原油存貨減少二百九十萬桶，因煉油商增加生產（包括取暖用油及飛機用油）。暑假過後，煉油商集中生產取暖用油以應付冬季，但汽油存量再升十萬桶。目前煉油設施使用率達93％（減0.6％）。8月9日至今，油價已跌?17％，技術上睇六十美元有支持，如六十美元失守，唔排除油價見五十二美元。隨?油價進入回落周期，8月份起航空股重新被睇好，例如南方航空（1055）、國泰航空（293）及國航（753）股價皆進入上升周期。?安國際（1044）業績公布較估計中好，估計今年全年獲利六億六千七百萬元或每股六角二仙，升48％，O二十六倍，雖然股價過去一年已上升唔少，但因企業純利高速成長，股價仍有上升空間。中華煤氣（003）半年純利回落20％，主因係售樓利潤減少，以及煤氣在港已過?高速發展期，估計今年獲利五十二億元或每股九角四仙，O十九點三倍，不過不失。　　金價二百天線失守，二百五十天線仍守得住，技術上睇?五百七十五至六百一十美元之間上落，走勢上係敏感三角形下支持（六百一十美元）失守。由於呢個敏感三角型已走到尖端，雖然六百一十美元失守，亦唔會出現太大跌幅；加上金價仍未刺激大量投資採金業務，黃金後市供應增幅有限。黃金經過五年大升後，現水平相信只係上落市。羅杰斯認為未來五年應睇好軟商品（農產品），呢方面我老曹冇意見，軟商品過分受天氣因素影響，天有不測之風雲，除非你有「孔明」?智慧才可以「借東風」，我老曹做人智慧有限，只懂追隨趨勢。由於CRB商品指數上升軌在8月份失守，即商品價格上升趨勢已結束。美國棄供樓家庭大增　　2001年「九．一一慘劇」後，兩座世貿中心大廈倒下來，但金價同油價卻高升，前者升幅210％，並?今年5月見頂；後者升幅250％，亦?今年8月見頂。未來五年美國打算在原址重建紀念館，唔知未來五年金價同油價又點睇？美國信貸膨脹期其實1982年已開始，至今已二十五年。如果由今年第二季開始進入信貸收縮期，未來情況又如何？根據《時代》雜誌報道，過去十二個月已有七十七萬個美國家庭冇供樓一期或以上；8月份放棄供樓?家庭較一年前多53％（較7月份升24％）。根據Realty Trac指出，8月份放棄供樓?家庭共十一萬五千二百九十二個，該公司副主席Rick Sharga?CNN提醒呢批人，如三個月唔供樓，銀行便有權沒收佢地?自住物業並將之拍賣。最奇怪?事係，美國十個成年人中，便有一個唔知道三個月唔供樓便失去該物業擁有權，佢地以為自己供唔起樓，政府會幫佢地供！　　1990、91年聯儲局收緊信貸，1990年信貸增加八千六百六十九億美元，1991年信貸只增加六千二百零一億美元。1999年情況亦一樣，信貸增加二萬零四百四十七億美元，2000年增加一萬六千零五十億美元。今年又點？今年第一季信貸仍增加九千五百七十億美元，未見減少，即經濟增長放緩期最快亦由第二季才開始，起碼維持一年（即明年第一季或第二季才見底）。美國樓價調整期上兩次係1980至82年及1989至92年，兩次都為時三年。呢次美國樓價今年第三季開始調整，幾時結束？過去兩次調整期，美國樓價調整幅度皆超過14％，估計呢次亦唔例外。樓價下調對經濟?壓力大於股市下調。投資牽涉地球科學　　墨西哥灣屬於中生代時代（Mesozoic age），部分可能屬於古生代岩石（Paleozoic age），地質屬於三疊紀、侏羅紀時代（Triassic-Jurassic age），大約在一億五千萬至二億二千五百萬年前形成，當時應該係一個淺海，同其他海洋冇連接（情況一如今天?死海或地中海），形成水與鹽分不斷堆積，最後地殼產生變化，形成整個淺海被泥土淹沒而日漸下沉。呢D海水及化學物質估計?地底起碼有七千五百萬年，鹽分漸漸變成結晶體，餘下?水與岩石內化學物結合，漸漸變成石油……。換言之，今天?死海、地中海或黑海如一直演變下去，幾千萬年後亦會變成另一石油蘊藏區。上述情況?中生化時代大量出現，即大部分石油?呢個時代形成，亦係地球遍布恐龍?時代，然後漸進入白堊紀時代（Cretaceous，大約一億到六千五百萬年前）。　　墨西哥灣土地愈來愈下沉；反之，目前北美洲土地日漸升高，形成北美洲土地上?水及礦物質大量流向墨西哥灣，並下沉至海底。最後北美洲形成今天?洛磯山脈（Rocky Mountains）及墨西哥灣豐富?石油蘊藏量。部分石油只在淺海底，好容易開採；但最大蘊藏量?中生代形成?淺海區，由於已經係一億五千萬至二億二千五百萬年前形成，變成愈沉愈深。　　今天人類終於發明新科技可以鑽探到海底下二萬多呎即中生代岩石，提供另一重大石油來源。估計呢D岩層深入地底二萬到六萬呎，石油及天然氣十分豐富，過去人類科技無法開採。點解水可變成石油？相信同附近岩石有關。中生代岩石含碳量高，唔少係矽土（silica），主要係碳酸鈣（calcium carbonate）與水混合，加上地底高壓及高熱產生化學作用，成為碳氫化合物（hydrocarbons）或叫kerogen（油頁嚴），再漸漸變成石油和天然氣；碳酸鈣釋放碳後便石化（lithify），變成巖石，水中?氧同附近?化學物結合成為氧化物，成為巖石內?雜質。換言之，石油係礦產物?一種，而非動、植物?殘骸，?地球天然形成，大部分存在於中生代時代?石層，距離依家一億五千萬至二億二千五百萬年，當時整個地球充滿碳氣，一度令大量動、植物死亡。墨西哥灣過去?石油99％來自洪積世（Pleistocene）、鮮新世巖層（Pliocene）及中新世（Miocene age）巖層，Jack #2油井?石油係來自中生代巖層一個從未被開採?岩層，對未來石油供求影響如何？好難講，因為其他地區?中生代岩層亦從未被開採過，這一岩層被視為石油蘊藏量最豐富?一層。　　鎖你，一般人好少接觸地球科學呢一門學問，希望大家睇得明我老曹?度嗡乜?。我老曹亦諗唔到投資竟涉及地球科學咁專門?知識！　　國營企業沙地阿拉伯油公司沙地阿美主席及CEO阿卜杜拉．朱瑪赫（ Abdallah S. Jum'ah）?維也納OPEC會議後話，佢估計全球石油存量四萬五千億桶，以目前消耗量計，可支持一百四十年！美聯社報道，大部分專家估計全球石油存量只有三萬億桶以上、四萬億桶以下，以每年需求上升2％計，可支持到2070年。朱瑪赫認為，以依家?新技術，?未來二十五年最少可發現多一萬億桶存油，例如墨西哥灣?新發現，令美國石油蘊藏量一下子增加50％！沙地過去兩年已投資七百億美元?石油基建上，估計2009年可產油一千二百五十萬桶一天！　　中國8月份固定資產投資增長率21.5％（6月份33.7％），係連續兩個月增長率放緩，有理由相信中國固定資產投資高峰期係今年6月；宏調踏入7月開始見效。由於中國出口仍然強勁，估計將進一步減少出口退稅（8月份外貿盈餘一百八十八億美元）；而通脹壓力上升（8月份CPI升1.3％），貨幣緊縮政策將持續（8月份L增長率17.9％，較7月份增長率18.4％放緩，相信1月份L增長率19.2％已見頂）。有理由相信，中國經濟今年7月開始亦進入軟?陸期。人行9月13日?網站公布，8月19日加息零點二七厘後，居民願意增加儲蓄人數由加息前?34.6％增至加息後?36.8％，其中東部提高2.7％、中部提高0.4％、西部提高3.4％。　　惠譽畀中國?信用評估由「穩定」轉為「正面」，中國國際信用評級進一步上升。港府早已遠離積極不干預　　積極不干預唔係不干預。事實上，冇一個政府係真正不干預經濟?，問題在於干預行為係咪曾經深思熟慮。1980年10月1日起香港實施人口政策，每日容許一百名內地人來港，造成八十年代至1997年香港物業需求狂潮；加上來港人口以中下層為主，亦形成今天香港?二元經濟。內地改革開放政策令香港製造業內移，令一百萬從事製造業工人需要另找新職位；再加上每天一百名新移民來港（二十六年即有九十四萬九千人），形成香港低學歷、半技術工人供應量大增。香港經濟在迅速成長期仍可大量吸納呢類人口，一旦出現類似1997年8月亞洲金融風暴、GDP出現負增長或低增長，便形成香港失業率上升及增加社會福利開支。1983年10月決定?聯繫?率又係另一干預行為，令港元?率與利率失去靈活性，一切以美國為馬首是瞻。九十年代初期美國經濟因軟?陸而減息，香港經濟當年過熱卻同樣減息，帶來負利率效應，引致股市、樓市急升。1997至98年資金流走又令股市、樓價急跌，為挽救聯?制度引發?Boom & Bust現象，1998年8月政府首次入市支持股價，動用過千億元外?儲備穩住股市，卻冇穩定樓價，直至2003年9月「孫九招」後，香港樓價才穩定下來。如再加入1984年7月達成協議?中英聯合聲明，限制港府1985年4月至97年6月每年賣地五十公頃，根本上香港經濟早已離積極不干預政策很遠很遠矣，只係過去政府唔承認，依家佘當奴才親口講而已，唔值得大驚小怪。　　■華億新媒體（419）、三丸控股（2358）、保利香港（119）、南海石油（076）、新萬泰（433）、卓越金融（727）9月25日；中策集團（235）、中國高速（149）、堅寶國際（675）、星晨集團（542）26日；旭日環球（353）27日；新澤控股（095）28日公布業績。