盯?上家 扣死下家

盯?上家 扣死下家2006-08-29　　8月28日，周一。?生指數跌33.16，收16922.29；成交二百億七千萬元。8月期指收16926點，跌54點；9月期指收16881點，跌59點。

　　今天長實（001）跌1.3％，和黃（013） 跌1.7％；野村將和黃目標價下調至七十一元一角八仙，和黃由8月23日至今已下跌5％。海爾（1169）升5.9％，公司宣布以九億元收購母公司資產。國壽（2628） 半年獲利升72％，至八十九億七千萬元。青島啤酒（168）半年獲利升23％，至二億一千二百七十萬元。第一拖拉機（038）半年獲利三千零五十一萬九千元，恢復獲利。數碼通（315）因競爭激烈，利潤大減79％，至七千萬元，由此可見發展3G代價唔輕。1967至2006年香港樓價上升一百二十倍，長途電話收費下跌99%。美股將追隨樓市回落　　金價由二十六年高價（5月12日）七百三十二美元回落，依家係六百二十二點六五美元，方向仍未清晰，如六百零九美元失守，後市才睇淡。對沖基金截至8月22日止已一再減持，不過睇好合約仍較睇淡合約多九萬五千九百四十八張，較上周減四千五百九十六張或4.6％。　　世界經濟不停在變，如果你能睇到變化來臨，即使唔從中獲利，亦起碼可避免惹上麻煩！今年美國大趨勢包括樓市方向改變，2001年起美國樓市不斷向上?趨勢已出現改變。1984至95年美國樓市與股市?關係係股市走?樓市之前，即股市先升、樓市才升。但1996年至今卻變成美國樓市?在股市之前十二個月甚至二十個月！出現上述改變，相信係因為1984至95年係經濟向好推動樓市升降；1996年起卻係利率改變推動樓市改變；然後再推動股市改變！例如2001年美國樓市便走?股市之前二十個月先行上升。至於呢次回落，美國樓市去年8月見頂，道指卻要到今年5月才見頂，美國樓市走?股市之前十個月。從呢點睇，美股後市追隨樓市進入反覆回落?機會好大【圖】。1996年起至今美國樓市需求增減，唔再因工資上升產生需求，而係因利率下降產生需求，因此樓價升幅唔係跟隨經濟好壞，而係因應利率升降。隨?利率2004年6月上升，美國樓價去年8月見頂及開始回落，理由係借貸正一步步收緊，形成樓市走?股市之前。　　雖然1996年至今美國樓市整體上升，但底特律、匹茲堡等地區樓價仍係回落，因為汽車業走下坡，汽車工人失業；反之，今年產油區?樓價卻上升，因油價上升產生大量工作。　　世事無絕對，人生才有趣。過去我地相信油價升股市跌，近年油價升股市跟升……。過去唔少人相信減息股市升、加息股市跌，2001年起我地卻發現減息股市跌、加息股市升！　　我地習慣用簡單?理由去解釋唔明?現象，例如話非洲蝴蝶拍拍雙翼，便可令我地刮颶風，諸如此類，理由係大部分人不求甚解。我老曹母親常常講深海大魚「轉側」引發地震，現代人當然唔信，因為知道地震?理由，但深海大魚「轉側」引發地震?言論，?中國農村社會已流傳?幾千年！　　唔少人到沙灘都會玩砌堡壘遊戲，通常到達某一體積便崩塌。1987年三位物理學家Per Bak、 Chao Tang及Kurt Weisenfeld亦玩過呢個遊戲。有人提出疑問：到底沙堡壘到邊一個體積才崩塌？為求答案，三位物理學家返紐約Brookhaven國家實驗室開始玩砌沙堡壘遊戲，其後將之變成電腦程式，利用模擬方式?電腦內砌沙堡壘。經過過百萬次砌沙堡壘後，結果發現「體積」並唔重要，有時好細亦會塌下來，有時高高仍未塌，決定因素係每桶沙倒下之時必須小心輕放，以及達至平衡；如放之時唔小心擾亂?平衡，便會產生崩塌情況。其後佢地求出一條方程式叫非平衡體系（nonequilibruim systems），依家已應用於防止雪崩出現或山泥傾瀉。例如雪山下?一場大雪，只要雪?分布達致平衡狀態，係唔會出現雪崩?（反而體積唔重要）；反之，如雪?分布出現非平衡狀態，便好易引發雪崩。山泥亦一樣，如達至平衡分布冇問題；反之，如出現非平衡狀態，便會出現山泥傾瀉。利用呢條方程式，可及時阻止非平衡態出現（例如炸掉其中唔平衡狀態下?雪或山泥），便可防止雪崩或山泥傾瀉出現。換言之，今天雪山或山泥透過電腦輸入數據分析，變成完全可預測會否出現雪崩或山泥傾瀉。個別行業崩塌唔會拖垮大市　　今天我老曹唔係要教各位物理，而係講投資。原來投資心理亦一樣，可以產生非平衡狀態；一旦非平衡狀態形成，小小因素便可引發雪崩現象。例如1987年股災前，股市早已形成非平衡狀態，再因電腦沽盤引發一連串連鎖反應，造成股災。又如1997年7月前香港樓市早已形成非平衡狀態，白眉董一聲「八萬五」，便引發樓市大崩潰！例如今年2月黃金早已出現非平衡狀態，貝南奇上任引發美元?價大幅回落，刺激金價由五百二十美元升至七百三十美元，亦係另一次非平衡體系被引發！換言之，只要?市場未進入非平衡狀態前設法阻止（例如將部分雪炸掉去防止雪崩），係可以阻止類似股災事件出現。　　再講砌沙堡壘理論。Bak發現傾斜度愈大、愈容易倒下來；傾斜度愈細，愈唔易倒下來。投資市場亦一樣，如上升軌傾斜度少於四十五度角，通常容易維持；反之，傾斜度大於四十五角度，失守機會便上升；一旦傾斜度達七十五度角，通常都守唔住。再玩一個遊戲，就係?大沙丘內分成幾個小沙丘，即使其中一個小沙丘崩潰，其他小沙丘所受影響十分細，並唔會引發全面崩潰。股市亦一樣，如果只炒個別行業性升降，例如去年3月起航運股出現崩塌現象，卻冇帶動整個股市塌下來；今年5月資源股亦曾出現崩塌現象，亦冇拖垮整個大市。換言之，股市?個別發展情況下，係無法引發大崩圍！即股市?生態環境決定，股市會否整個塌下來。上述理論亦用於城市設計，?建築上只要整個形態唔產生非平衡狀況，即使地震亦唔會演變成唐山大地震，只會造成十分輕微?破壞。如政府及時制止金融市場出現非平衡狀態，股市係唔會出現股災?；又例如1997年7月香港樓價高企，如白眉董唔拋出「八萬五」政策，香港樓市極有可能只出現軟?陸而非崩塌！　　世上充滿不穩定，如我地打理得好，隨時可將不穩定變成穩定。內地宏調下?房地產，相信已成為阻止非平衡狀況出現，日後樓市可能調整，但唔會崩塌！只要好好打理不穩定（Managing Uncertainty）便可達至「牢固的不平衡」（stable Disequilibriun）。1997年泰銖貶值，如處理得當，係可以阻止演變成亞洲金融風暴。例如1998年長期資本管理公司出事，格蛇便及時阻止金融市場塌下來。依家雖然面對美國樓市放緩，只要美國政府理性處理此危機，便不致引發崩塌現象出現。　　中國欠缺?物資皆漲價，例如銅、石油、鎳（製造不?鋼用）；反之中國能出口?物資皆跌價，包括稀土如氧化鋱、氧化鏑、氧化釹、金屬釹、鋱等。例如99.9％純度氧化鉓家?只賣十八元一公斤（過去高價三十元一公斤）、氧化釔五十七元一公斤（過去二百元一公斤）、氯化稀土賣七元五角（過去十五元）、氧化銪賣二元（過去賣七元）。從1990至2005年中國稀土出口量增長近十倍，但平均售價卻回落64％。上述稀土用於鐳射、通訊、超導方面，因中國大量出口而全球跌價；反之，中國入口?銅、鐵礦砂，別人卻漲完又漲。造船業醞釀泡沫　　去年我老曹才推介廣船（317），估唔到家?長三角造船業已出現泡沫。全球造船業訂單過去集中?歐洲，戰後移師到日本。隨?日本生產成本大幅上升，南韓取而代之，未來五至十年將係中國造船業難得?發展機遇。「十一．五」規劃下，江蘇造船產能將達到七百萬載重噸、浙江接近一千萬載重噸、上海計劃2010年造船能力達一千萬載重噸。2015年長三角將佔全國造船市場60％，珠三角及環渤海造船產能規劃亦不斷增加，天津2010年計劃達到五百萬噸產能，2020年達一千萬噸產能。根據權威海運分析機構英國克拉克松估計，去年南韓造船廠接入訂單共一千四百五十萬修正噸，佔全球船舶訂單總數38％。韓國幾大造船巨頭亦計劃將造船基地轉移到中國，例如全球第二大造船公司大宇造船已同煙台經濟技術開發區簽投資意向書，計劃投資十五億美元?八角魚港附近建大宇造船廠；全球最大?現代重工已動用七百四十萬美元收購青島靈山船業，改名青島現代造船有限公司。另一方面，今年上半年內地鋼價大幅回升，令中國造船業前景又蒙上陰影；雖然造船訂單已排滿至2007年，但最近三個月全球船價指數出現小幅下降，7月份全球新船訂單較去年同期減26％。南韓造船業去年接獲訂單三百四十九艘，較2004年四百四十一艘為少。大摩近日發出預警，指海運業增長率未來兩年將放緩，造船訂單減少應在估計中；但「十一．五」規劃下，中國造船業卻火速上馬，如按照計劃進行，估計到2010年造船廠生產力過剩幅度達30％。造船廠之間將掀起割喉式減價戰以爭取訂單，船舶資產將大幅貶值，令造船業泡沫爆破？　　中國雖然已係世界第二大造船國，但?技術、管理及規模上最少落後南韓十年。按照「十一．五」規劃大力發展散貨船、油船、集裝箱船，依家計劃?環渤海、長江口及珠江口同時建造造船基地，有機會?十年內超越南韓成為全球第一，但恐怕走唔出電冰箱、彩電同汽車?老路─以低廉作為競爭優勢，不但令船價下跌，亦令造船廠出現微利或虧損期。荷蘭造船公司達門荷林根船廠亞太區銷售區域總監話，過去幾年大型貨櫃船訂單急增，已到?供求平衡，未來需求反而係行走中國、印度及亞太區?小型接駁貨櫃船，令航運市場重心將由歐、美移至中國及印度。　　天津市城市總體規劃（2005-2020年）獲國務院批准，未來十五年天津將成為環渤海地區?經濟中心、工業中心、金融中心、商業及貿易中心！過去天津一直生活?北京?陰影之下，發展緩慢及滯後，完全落後上海！去年10月十六屆五中全會才明確提出「打造天津濱海新區」建議，今年3月國務院原則上同意給予濱海新區五項扶持政策，將區內五百一十立方公里範圍高新技術產業所得稅率降至15％。過去環渤海計劃誰做龍頭，一直受到爭議，依家總算落實，相信最高興係天津市市長戴相龍?。相較上海同北京，天津算是落後了，依家六大優勢產業為電子資訊、汽車、化工等，日後加入物流及造船業。未來濱海新區?發展模式同深圳、浦東唔會一樣，戴相龍話唔係同鄰居爭生意、爭資源、爭市場，而係分工合作、大家共同發展！睇?天津起動冇問題，但最缺乏?唔係資金而係人才！內耗文化阻人發達　　去年美國哈佛大學、耶魯大學及世界銀行合作研究：從註冊一家公司到開業，最快係加拿大，只需兩天；中國則要一百一十一天，係典型內耗文化（香港其實較加拿大仲快，因為可以先做生意後註冊）。何謂內耗文化？中國人開公司，必須同政府官員保持良好關係，今天你請我食飯、明天我請你食飯，如人際關係搞得唔好，乜?都行唔通。教育事業、醫療事業上?唔合理體制，使得政府?醫療、教育上進行無效率?高投入、高消耗，結果老百姓仲係睇唔起病、讀唔起書；?環保上更係先破壞後治理，造成巨大內耗。　　?內地，到銀行存款要排隊、到醫院睇病要排隊、春運搭火車要排隊……，唔少人?時間便?排隊過程中內耗掉，點解唔多請幾個人（反正中國失業率仍高）？中國人喜歡打麻將，又係另一內耗。打麻將最大樂趣係睇實上家誅下家，自己食唔出唔係問題，最緊要係唔畀別人糊出，?西方人看來係一團亂麻！做事方式亦一樣，自己成功與否唔重要，最重要係防止別人成功！別人要牌，硬係扣住唔放，睇別人糊唔出激到生蝦咁跳就係最大樂趣，將內耗文化發揮到淋漓盡致。西方人喜歡打麻將者絕無僅有，因為佢地唔明白點解要扣住別人?牌。西方人相信憑自己努力便可上位，中國人認為不向上級拍馬屁便無法上位！胡適曾反對國民打麻將，今天適之已逝，但無論中國大陸、台灣或港澳，中國人仲係到處麻將聲，奈何！中國人大部分時間便係?內耗上消耗掉，咁?文化背景，經濟由貧窮到小康，可！由小康到富裕？機會唔大。改革開放二十八年，中國人已食得飽、穿得暖，但內耗文化又再浮現─自己係咪成功問題唔大，最緊要係阻人發達，只要成功阻住別人發達已夠高興。因此大家齊齊「盯?上家、扣死下家」，等佢地糊唔出，咁就好烚皮。　　永義國際（1218）停牌。　　■天地數碼（控股）（500）、越秀交通（1052）、金輝集團（137）9月6日；中遠太平洋（1199）、第一太平（142）7日；嘉利國際（1050）、香港生力啤（236）12日；永恩國際（210）13日公布業績。

揀股亦炒市

揀股亦炒市2006-08-28　　8月27日，周日。「五窮、六絕、七翻身」，今年股票市場做足晒。8月又點？係咪轉角市。美國十年期債券息率四厘七九、倫敦三個月美元拆息五厘四，孳息倒轉代表經濟前景放緩，投資者宜小心。

　　8月8日聯儲局宣布停止加息，反應最好係香港樓市，地產股例如新地（016）由七十六元升至八十五元，?地（012）由三十六元五角升至四十四元五角，佢地推出?珀麗灣同翔龍灣，市場反應十分熱烈。一手樓市氣氛漸漸恢復　　香港樓市由2003年第三季開始回升，到去年第三季達高潮，?利率一再上升後，破壞?買樓人士?入市氣氛而靜下來；今年8月氣氛總算恢復，起碼交投重新熱烈。不過，無論新地及?地股價仍唔及今年4、5月高位。至於長實（001）及和黃（013），公布半年業績後股價更出現大幅調整。　　港元同美元掛?，因此港元利率極受聯儲局影響。近年外資湧入，令港元利率低美元利率最少一厘；但係近月樓市成交額仍大減，最差一個月一手樓成交只有五百三十個單位（2003年沙士期間最差時一個月都有一千九百個新單位成交）。樓價由1997年第二季至2003年第三季回落65％，2003第三季至05年第三季回升50％，雖然係咁，依家樓價較1997年第三季低45％（豪宅除外）。8月份香港樓按利率只有五厘至五厘二五，比較美國三十年樓按利率六厘半，最少低一厘，希望香港樓市?氣氛可延續到9月。　　澳洲儲備銀行行長對近年油價上升，但冇刺激全球CPI大幅上升及引發經濟衰退?看法係，1973－74年及1980－1981年?石油危機，除因為油價上升外，其次係供應短缺；反之，呢次油價上升，但全球石油供應未出現短缺。OECD國家經濟早已轉型；1973－74年OECD國家仍以工業產品出口為主，今天皆以服務業為主。以美國為例，每桶石油所產生GDP，2005年較1973年多一倍，形成石油?GDP所佔比重下降。1998年每桶石油平均價十三美元，石油比重只佔美國GDP 0.7％；即使去年每桶石油平均價升至七十三美元，亦只佔美國GDP 4％。油價升降?影響力同美國樓價升降比較，簡直係蚊髀同牛髀。舊物業重建裝修成趨勢　　其實?1973年石油危機發生前，美國因勞工供應不足，早令CPI大升。尼克遜1971年宣布凍結工資及物價方案去阻止，1973年解凍，形成工資同物價你追我趕，油價上升只起?推波助瀾作用。家?形勢係，中國同印度興起令全球勞工成本唔易上升，單單油價同工業原材料因素，對全球CPI影響自然有限。因此今年經濟不但唔會係1973－74年?翻版，甚至唔係1981－82年?重演。估計明年美國GDP增長率將降至2％，但唔係另一場衰退。　　REITs開始?香港上市，至今表現仍以領匯（823）最出色。除?政府以略低於資產淨值價上市呢個理由外，?依家成熟物業市場，最易賺錢方法就係將舊物業透過重新裝修及改善管理去提升物業價值。呢方面華人置業（127）係先行者，例如將皇室堡由寫字樓為主改為以商場為主，大大增加租金回報而提升該物業價值；近年?尖沙咀一帶及銅鑼灣一帶收購舊有商場，透過重新裝修後，往往可將租金回報提升100％或以上；去年更購入尖沙咀東英大廈拆卸重建為商場。近年唔少公司亦走呢條路，例如凱聯國際酒店（105）宣布將酒店拆?，改建為購物商場，去提升該物業價值；新地將舊有觀塘物業重建為apm商場及寫字樓，又係另一傑作。領匯手上有大量商場，但因缺乏裝修加上管理差，租金回報同其他私人管理商場比較實在太落後，只要將商場重新裝修及引入良好管理，將租金提升50％並唔太難。呢類做法?美國早已流行，?香港擁有重新裝修價值商場概念，以領匯為最多，因此吸引外資基金持有。香港物業市場最吸引投資者，就係點樣將?Ｄ舊商場，透過翻新引入良好管理，而令商場租金提升50％或以上。呢方面，商場屬單一業主最易搞；反之，賣散??商場（最典型例子係中區環球商場）最冇得救。領匯股價上升，人家就係睇好香港舊商場?翻新價值。　　1974年3月至7月，道指?846至800點牛皮，當800點失守，1974年12月便跌至600點，證明十個牛皮九個淡！今年5月起未來一段日子，相信?指?15200至17000點之間牛皮，直至有一天15200點失守為止！美國經過二十五個月努力，將利率由一厘提升至五厘二五；2004年6月至今股市同利率齊升，情況有Ｄ似1995至99年，當年利率由三厘升至六厘二五、道指同期升40％。2000年6月美元利率唔再上升，道指2000年起亦回落。仍有唔少人相信加息股市跌、減息股市升，許多時候都係相反。　　中國擁有大量廉價勞動力，?過去二十八年改革開放時期，令中國生產力提升大於薪金上升速度，為企業家提供賺大錢機會。上述有利?客觀環境今年不再，工資上升速度已大於生產力提升，即企業家賺大錢?有利客觀條件在改變中，內地打工仔開始分享中國經濟繁榮?成果（情況有Ｄ似八、九十年代?香港，由1984至97年，香港人加薪速度大於生產力提升）。中國產品售價最終反映呢方面改變，但只令美國CPI增長率增加多0.5％，影響唔大。澳門冀賭博收益超越拉斯維加斯　　今天美國十年TIPS（通脹掛?債券）孳息率二厘二七，十年期債券孳息率四厘七九，即市場估計未來十年美國通脹率平均只有2.52％。未來十年如要獲5％實質回報，必須達7.5％一年。有幾多人過去十年每年回報率能高出7.5％？唔好睇小7.5％回報，?低通脹時代並唔容易獲得，未來就更難！　　生意淡薄不離賭博。投資既然咁難，不如賭博啦！因此澳門賭場股大盛！不過，未來競爭對手唔少，金沙既投資澳門，亦投資新加坡三十六億美元建立賭場度假項目，2009年開業（澳門?間2008年開業）。不但新加坡開賭，日本亦虎視眈眈，計劃修改法律容許境內開賭，仲有泰國……。澳門希望明年賭博業能賺取八十億美元回報（六百二十四億港元），較今年升18％，但整個拉斯維加斯在?年?自賭博收益只有九十億美元，即2008年澳門?自賭博收益必須超過拉斯維加斯先掂，2009年無懼?自新加坡?競爭，仲有日本同泰國！上周《金融時報》認為，?澳門投資賭場者，才係最大?賭博者，我老曹同意也！　　對沖基金近年重新塑造投資世界。由於對沖基金可同時持有及沽空股票，形成股票市場毋須大上大落，只要持有?股份上升、拋空股份回落，已可賺錢。揀股取代炒市漸成主流，反而傳統基金（只持有唔拋空）卻處於劣勢，近年紛紛跑輸畀對沖基金。投資市場用希臘字「alpha」代表優勝者股，用beta代表波幅。過去機構投資者以alpha為投資策略，努力?市場中揀出優勝者即優質股，以便跑贏大市而唔理會beta（波幅）。今年5月至今股市有波幅冇升幅，令唔少機構投資者表現失色；反之，對沖基金利用波幅，可以?5月拋空、6月吸納，8月又再獲利回吐，不但跑贏大市而且有超過10％利潤（視乎投資經理策略運用係咪得法，而非?自股市升降）。?上述衝擊下，機構投資者紛紛改變策略，既注重揀優質股（alpha理論），亦分析大市波幅（beta系數）。去年年底美國最少有三千億美元基金?策略上作出上述改變；除?重資產分配外，亦?重投資管理技巧（例如個別股份?Momentum改變），實行雙管齊下，改變過去長?不放?策略。換言之，alpha固然重要，beta亦不可忽略。　　過去我老曹強調「揀股唔炒市」，新?投資策略係既揀股同時亦炒市！投資者既要精於揀股，同時要掌握股市?上上落落，要?投資市場勝出?要求進一步提升。投資失誤（bad trades）經常出現，無法避免，問題係點處理？「止蝕」係我老曹處理投資失誤?方法，各位係咪有更佳方法？投資損失慘重?人，最大理由係唔認輸！　　Trading十分富挑戰性，尤其係今時今日大部分基金經理都唔知將蚊年放?邊處之時，要求散戶有出色表現真係難上加難。今年5月起，到底係資源股方向改變?開始抑或一次中期調整？最近公布?美國房屋數據，只係進一步確認美國GDP增長率進入放緩期，冇特別意義（唔少房地產建造股價早在去年8月起轉弱）。CRB指數已跌穿二百五十天線，係咪長達六年?商品牛市到?結束日子？反之，債券價格上升、美元轉強，MSCI新興市場指數（由2002年起步上升）亦?今年5、6月跌穿上升軌，似反彈大於升市延續。至今為止，雖然未能肯定乜?，但肯定今年5月份起人心思變。家族生意最大問題在繼承權　　一個家族能夠賺大錢已經唔容易。通常第一代人創業、第二代人守業，到?第三代人既不創業又不守業，結果令財富流失，此乃俗語話「富無三代」?理由。出現上述情況，理由係第一代人只將蚊年交畀第二代，而冇將賺錢技巧傳畀第二代。有Ｄ父母只將賺錢技巧教畀長子，長子往往被迫成為家族生意?管理人，其他子女便任憑個人興趣，有Ｄ成為藝術家或大學教授，但大都唔願承繼管理家族生意?責任。漸漸長子同其他弟妹?意見上有分歧（因其他弟妹皆不管家產），有Ｄ家族以「分家產」告終，更多係反目成仇。能夠兄弟同心者，必定其利斷金；有時兄弟同心?理由只係母親尚在，成為兄弟間?協調者，上述情況能否維持到第三代亦成疑問。上述都係家族生意面對?缺點，令企業同創辦人一起成長、老化甚至死亡。家族生意最麻煩?地方係承繼權問題，如果係獨子尚好，不然可引發許多問題（但獨子亦有問題，例如兒子志不在做生意又點算？）。　　我地呢一代，唔少人經歷過五、六十年代?貧窮。香港七十年代才漸入佳境，我地下一代大部分?七、八十年代出生，千金難買少年窮。第二代人踏入社會做接班人時，學歷可能較我地呢一代好，但?較富裕環境成長，佢地對錢?態度又如何？許多父母唔同子女講錢，但母親?我老曹讀書時已同我講錢，例如點解其他同學放暑假可以去旅行，而我放暑假要去做暑期工？母親一早同我解釋，因我老曹父親早死，必須克勤克儉，因為家?冇錢，讀書要努力，因為此乃窮人唯一脫貧之法。窮唔係有罪，但往往被人睇唔起，所以年紀輕輕已知蚊年得來不易，必須善用。　　所謂Life Style，只係生活方式唔同，唔一定代表較別人好或別人差，或較別人快樂或唔快樂。Felix Dennis?書中所言，或十多年前電影明星麥嘉同我老曹講所謂「心中富貴」。表面上?富貴，可能係內心貧窮?反映；樸素生活背後，代表?可能係內心富足。因此，?富人面前毋須自卑，?窮人面前亦不可一臉睇唔起人，才係最好?Life Style！　　投資就係找尋趨勢，唔係短期，而係中長期，然後追隨它。2001年中國「十．五」計劃下，對資源需求龐大，原材料升值潮遲早出現；反之「十一．五」規劃下走節約型經濟，原材料漲價潮遲早停止，只係唔知道?邊一日。以銅價為例，已出現「倒掛現象」（即遠期銅價較近期便宜，六十一個月後交貨銅價較家?便宜25％！），商品價格大部分都係周期性，只係農產品周期性較短，金屬及能源周期性較長。十年前冇人對工業用金屬感興趣，形成唔少礦公司面臨倒閉，礦工有工開已好恰皮，今天反過來礦工罷工要求大幅加薪！理由係中國同印度需求改變?工業用金屬?供求關係，呢方面需求?可見將來唔會減少，但隨?供應上升，重新達致供求平衡?機會好大。過去二十年環保問題亦係令開礦有困難?理由，亦係造成二十一世紀原材料漲價?理由，隨?技術改良，唔少環保問題亦可解決。世上冇永遠?牛市，亦冇永遠?熊市。一雞死一雞鳴，事件由時間、價格及形式組成，問題只係何時、何地發生何事。2000年科網股盛極而衰，雅虎股價由一百二十五美元回落，依家二十五美元；亞瑪遜由一百一十三美元回落，依家二十八美元，甚至微軟亦由五十五美元回落至二十六美元（即使公司已大量回購股份）！其他如太陽電腦股價更跌九成，至於加拿大北方通訊……。互聯網革命一如其他革命，?建立之前先行破壞，過去六年投資科網股者大部分損失慘重，唔單止?香港發生！反之，2000年資源股衰極而盛。七年過去?，未來會點？我地只能追隨趨勢卻無法預知未來。美國負資產業主陸續出現　　2001年起?減息曾刺激美國樓價向上，依家十個美國就業人口中，有一個同房地產行業有關。美國樓價向上帶動消費、帶動中國產品出口、帶動原材料需求……。今天美國樓市計劃軟?陸，但去年新樓按中，有32.6％供樓者決定只還利息唔還樓價（2000年只有0.6％供樓者咁做）。去年43％首次置業者採用「零」首期，今年7月已有15.2％業主成為負資產！另有二萬七千億美元樓按?今年及明年到期後，將改用新?利率計樓按利息（即供樓負擔上升）；上述係CNBC上周五報道。美國呢次樓價軟?陸會否出事？有人認為美國樓市泡沫係由格蛇一手造成，卻由貝南奇去承擔，一如香港樓市泡沫由港英政府時代一手造成，卻由白眉董去承擔，情況差唔多。祝美國置業者好運！