唔係大戶造市

唔係大戶造市2006-08-03　　8月2日，周三。?生指數升121.38，收17032.75；成交二百四十四億六千八百多萬元。8月期指高水，收17073點，升138點。　

市場一如估計開始炒人民幣升值。《上海證券報》引述政府研究機構報道，指出中國今年可能允許人民幣再升值2％，以緩解貿易失衡，並削減過度流動資金；加上美國新任財長保爾森周二?哥倫比亞大學發言時話，中國應該放鬆貨幣?價管制，展現更大彈性，咁做不但可幫助美國及全球民眾，也符合中國本身利益喎。大戶亦只能順勢而行　　今天國企紅籌股如招商局國際（144）升2.4％、中聯通（762）升1.4％；新地（016）升1.9％、長實（001）升1.1％，德意志?報告中認為上述兩家香港最大市值?地產發展股將受惠於人民幣升值消息，令資金流入香港，係投資項目首選；另建議將?地評級由「賣出」轉為「持有」，令?地（012）升1.7％。東亞銀行（023）升3.1％，傳東亞?中國可設立本地註冊法人公司，開拓大陸市場（東亞?內地已有十一家分行）。上實（363）升1.5％，《南華早報》話上實與母公司?上海開發一個總額達二百億元人民幣?房地產項目。惠理基金宣布減持二千二百八十萬股瑞安建業（983），AIG宣布減持一百五十七萬股美聯（1200），新加坡GIC宣布增持晶門（2878）及減持中鋁（2600）。8月份股市炒人民幣升值，令資金流入香港，可能刺激?生指數創新高，並唔係乜?「大戶造市」。?股票市場，只有贏家與輸家之分，並冇大戶與散戶之分。八十年代佳寧集團?跌市中，連自己公司?股價亦托唔住；甚至怡和、置地公司，亦無法左右股市方向。以今天港股市值接近十萬億元，除?二線股外，冇任何大戶可左右大局，股市升跌完全由資金流向（fund flow）決定。7月份港股表現較外圍強，就係全球資金流入香港炒人民幣升值。其次，誰是大戶？大摩？美林？高盛？如各位有一百萬美元，隨時可以成為上述公司?客戶，如果擁有一百萬美元就算係大戶，咁我老曹冇?講。今天股市只有贏家同輸家，再無大戶與散戶之分，呢方面思想要先搞通才可。　　至於有冇操控情況？當然有，但即使大戶亦只可順勢而行，不能逆勢造市，因為勢旺壓不住、勢淡托唔起。所謂大戶造市，只係令輸錢投資者心理上感覺舒服D。其實大戶同散戶一樣，睇?便賺錢，睇錯便蝕本，市場冇大小之分，只有錯對之別。悲觀主義者往往錯過入市時刻（例如今天6月13日?生指數跌穿二百五十天移動平均線時），眼見?生指數重返17000點便好似一個傻瓜咁亂買股份，一旦股市回落多少，負面情緒又出晒?，此乃上落市中80％散戶輸錢?理由。作為投資者切戒悲觀或樂觀，平常心好重要，?15000點時不妨適量地增持，17000點之上不妨適量地減少，唔好希望自己「跑贏大市」（只有5％投資者可跑贏大市），只係利用上落市從中搵食。　　至於短線客（day-traders），只有?陽光普照日子才搵到食。市場內真正賺大錢者係趨勢追隨者，一項投資最少持有一個月！投入之前先做功課，不應隨波逐流。?指同樣見17000點，但個別股份股價已同5月份唔同！成功?投資回報?自成功策略，唔係猜測後市升降！你輸錢唔係因為大戶造市，而係無法克服自己?心魔！短線投機，無論大戶散戶，75％輸錢離場。銅係製造業晴雨表　　上海期銅下跌一千三百一十元一噸或1.9％，成六萬七千四百八十元，因智利銅礦工人罷工行動可能取消。技術上睇，銅價出現敏感三角形走勢【圖】。銅係世界上製造業?晴雨表，如銅價繼續上升，代表製造業繼續繁榮；如銅價回落，代表製造業進入冷卻期。　　智利Escondida銅礦工會發言人Pedro Marin今天話，談判依家正在進行，達成協議機會好大（如8月5日前無法達成協議，罷工由8月7日開始）。工會要求加薪13％，資方答應只加薪1.5％。Escondida係全球最大?銅礦，去年產量一百二十七萬噸，另黃金十八萬二千盎斯。必和必拓公司佔該銅礦57.5％股權及運營權、Rio Tinto公司佔30％、三菱商事佔10％、國際金融公司佔2.5％。　　美國第二季GDP增長率2.5％（第一季5.6％），通脹率仍在上升，基於加息滯後效應?原理，令8月8日聯儲局貨幣政策變成非常棘手。如停止加息，可能令未來通脹率進一步上升，日後可能需要更高利率才能生效；如繼續加息，可能加快美國樓市調整。兩者之間點樣取捨？周五美國公布就業數據，估計將成為下周係咪加息?重要依據之一。無論8月8日係咪加息，估計美國加息周期已近尾聲。周四歐洲央行開會，估計加息機會幾大；周三及周四英倫銀行開會，估計維持利率不變。未來對通脹率?恐懼，將令全球各國央行繼續加息。歐洲估計未來十二個月CPI仍會上升，歐洲央行?「通脹目標」係2％，但7月份達2.5％，因此加息機會好大。美國第二季核心通脹率2.9％，係2004年9月以?最高，如只睇數據，美國仍須加息。但美國今年11月中期選舉，擔心對聯儲局?利率政策有影響。澳洲儲備銀行周二宣布更換行長，由史蒂文斯出任，令加息前景變得唔明朗（原先估計加息至六厘），雷曼兄弟建議投資者沽出澳元（今年6月至今澳元已升4.9％）。日本銀行貨幣政策委員會成員水野溫氏宣布，日本仍須再加息至二厘或二厘半才停止。　　日本樓價去年出現十四年來首次上升，今年1月1日全國樓價較2005年同期平均升0.9％（2004年回落3.4％）。東京住宅樓價出現第二年上升，升幅5.4％，達四萬四千八百日圓一呎（約三千零四十港元一呎），2004年只升0.4％。2004年東京係日本少數樓價上升?城市，東京淺草商業中心去年零售商舖一平方米，售價一千八百七十萬日圓，較2004年升24.66％（約十一萬六千八百五十六港元一呎）；大?（日本第二大城市）去年住宅樓價升1.2％，達十六萬六千日圓一平方米（約一千零三十五港元一呎）。另一城市名古屋去年售價仍回落，京都略為上升。換言之，去年日本住宅樓價上升集中?東京、大?及京都，其他城市仍溫和下跌。十五年前1990年東京樓價全球最貴，經過十五年回落後，香港住宅樓價較東京貴（雖然香港住宅樓價1997至2003年亦回落唔少）；反之，倫敦樓價1990年較香港及東京便宜，今天卻較香港更貴。7月24日日本放棄絲路利率政策後，唔知對東京未來樓價又有何影響？　　去年我老曹唔少朋友曾組團去東京買樓，但基於稅制，雖然去年東京樓價上升5.4％，今年仍無法獲利回吐。股市進入精耕細作期　　台灣政府今天宣布放寬兩岸經濟往還，包括取消半導體科技技術投資轉移及到中國作商業旅行（放寬?半導體科技技術包括0.18微米技術。內地早已獲得上述技術，只係台灣過去一直禁止。放寬商業旅行可令台灣跨國公司隨時派員工到大陸工作或受訓，因依家只容許少於三十名員工，申請往往需時數月）。台灣政府終於明白到政治歸政治、經濟歸經濟。中國同日本近十年關係都係「政治冷、經濟熱」。去年中國已取代美國，成為日本產品最大出口國；但政治方面，小泉參拜靖國神舍，一再令中國政府表示不滿。日本政府明白日本產品需要中國廉價而有效率?勞工加工，中國政府亦知道中國需要日本呢方面高科技技術，形成中日關係?政治上係互鬥，?經濟上係合作無間。　　今年5月起股市進入「精耕細作」期，未來十二個月值得投資?好公司便係?D今年純利仍可增長20％或以上者；至於純利升幅低於20％，恐怕股價只係上上落落；至於純利冇增長或後退者，股價必回落！未來純利增長係決定係咪投資一隻股份?最重要因素。至於細價股、商品股、零售股，恐怕大部分未能達上述要求，?高能源、高利率及經濟增長放緩三大因素影響下，不利上述股份?營商環境。另一重要因素係股息回報率須?四厘或以上，一旦低於四厘，抗跌能力唔強，因為未來十二個月資金將流向回報率較高?股份！　　美國戰後嬰兒開始踏入退休潮，香港亦好快要面對上述影響。香港經濟高速成長期由1967年開始、1997年結束；1997年後進入20╱80期（即20％人口財富繼續增長，80％人口財富唔係消失便係停止增長）。貧者愈貧、富者愈富時代1997年8月開始，亦係社會上怨聲四起?因由；展望將來上述趨勢只會惡化而非改善。社會財富歸邊現象早已出現，例如山頂豪宅每呎售價係天水圍住宅?十倍，名牌貨售價係平常人消費品售價?十倍，兩極化在變本加厲。　　美國6月份消費只增加0.4％，係連續第四個月消費增長率下降。佔美國GDP 70％?消費進入放緩期，代表未來美國GDP進入低增長期。高油價加上中東局勢，令美國CPI進一步上升，低增長、高通脹?滯脹期今年第二季起已靜俏俏地來臨。　　根據兩大邏輯思維：一、鄧普頓提出?環球化概念。八十年代開始經濟環球化，新興市場大量湧現，如你仍將投資局限?一個國家或地區，只代表你冇與時並進。睇睇?控（005）過去十五年表現脫胎換骨，就係受惠於環球化；還有和黃（013）?赫斯基石油、?英國賣「橙」、建立環球化貨櫃碼頭，都係衝出香港、放眼世界?結果！三文魚唔游出海又點會肥？植根香港、放眼世界，乃新一代投資者必須學習?概念，唔好將自己投資局限?一個地區。　　過去資訊唔發達，才不可隔山買牛。我老曹1995年開始投資倫敦物業（自己第一次踏足倫敦土地卻係2005年），證明只要搵一個好經紀、好好掌握資訊，不但可隔山買牛，甚至越洋買樓！資訊發達下，全球投資早已天涯若毗鄰，如果話呢個世界冇一樣?值得投資，只證明你懶惰（懶惰係投資唔成功?重要因素）。二、對行業?評估，例如價值（valuation）。如你?2000年買電盈（008），不應一味將責任推畀別人，你自己冇責任咩？1997年上半年買樓者，亦唔好將責任推畀白眉董，難道自己冇責任？?作一項投資之前，你有冇做價值評估。其次係增長率（growth）。冇增長能力?公司買?做乜？千萬不可購買過氣明星股，必須購入有前景?股份。例如九十年代應該投資中國而唔係台灣，今天應該睇好非洲而唔係印度，我老曹十分相信非洲經濟已開始起步走！至於香港，鎖你，早已係過氣明星；反之，上海成為新貴。唔好再留意通用汽車或福特汽車，因為佢地已屬於過去，如睇好汽車股，不如返中國揀新貴。數碼相機普及時，唔好再投資柯達呢一間以售賣菲林為主?公司，不然過去六年唔輸死才怪。唔好緬懷過去，必須放眼未來！我老曹小時好頑皮，聽到老人家講「我舊時點威」，我必然話「你舊屎」好臭，激親D過氣英雄！過去不應緬懷，只應用作自我警惕，別再犯相同錯誤。睇睇李兆基年紀較我地大，近年玩財技，每年回報率達15％至20％！Always young at heart，保持心境年輕乃長壽秘訣！永遠向前望係我老曹?人生觀。太早退休臨老唔過得世　　做到老、學到老，而不知老之將至，才係快樂人生。職位上可退休，但心態上永不言休。每天都有自己感興趣?事吸引自己注意，太早退休小心outliving your money（手上D錢冇你咁長命。我弟弟告訴我：戰後出生嬰兒只要保養得好，分分鐘活到九十歲）。參考美國例子（由於香港1967至97年係高增長期，作不得準），過去一百年股票投資回報率平均每年只有8.8％，債券回報平均每年5.9％，即各位可以期望未來投資回報率只有7.35％；反之，人生有80％醫療費係?最後十年花掉。以每年平均通脹率3％計，美國統計數字係，由退休至死亡而生活水準毋須下降者，只佔總退休人口總數8.5％。因此，年輕人最好諗諗點發財，唔好四十歲便嗌住想退休（除非你已係超級有銀士）。假設你五十五歲退休，你未來壽命極有可能仍有三十五年，如果你每年從投資組合中抽6％作生活費，?通脹壓力下，好快你必須動用老本，小心臨老唔過得世！如你希望未來生活水平唔跌，便只能從投資組合中每年抽3％作生活費，餘下4.35％用作再投資，而本金用作應付最後十年醫療費之用。以上述計算方法，如你依家每月開支三萬元，你必須擁有一千二百萬元才夠退休！所以話，退休好貴！如你只有六百萬元，你每月開支必須少於一萬五千元，如此類推。另一方法係把退休年齡往後推，例如六十歲退休，每月生活費三萬元，你只須八百四十萬元；六十五歲退休，每月生活費　三萬元，你只須五百八十萬元；七十歲退休，只須四百十萬元……。不然你隨時有outliving your money?危險！　　御泰金融（555）、華寶國際（336）、北亞策略（8080）、東南國際（726）停牌。　　■敏實集團（425）、康健醫療科技（397）8月11日；百盛集團（3368）14日；聯華超市（980）15日；中海發展（1138）22日公布業績。