寧速勿久 糧不三載

寧速勿久 糧不三載2006-07-26　　7月25日，周二。?生指數升103.27，收16583.86；成交二百二十六億三千七百九十七萬七千元。期指低水，收16570點。中海油（883）升1.1％，中石油（857）升1.8％，因油價升1%，見七十五點七八美元。

文件出台前上海樓市已冷卻　　中國政府宣布一系列限制外資投資國內房地產市場?規定後，上海復地（2337）跌2.2％，綠城中國（3900）跌1％。外資進入中國物業市場受限制前，上海超級豪宅早已面對有價無市，例如位於上海陸家嘴?鵬利海景及近期推售?湯臣一品與盛大金磐、世茂山莊等，市場反應欠佳。世邦魏理仕住宅部經理史培穎擔心，「一七一」號文件出台後壓力將更大。豪宅湯臣一品已計劃轉售為租，鵬利海景亦考慮轉售為租，以每套住宅月租七萬至八萬元計，回報率有六至七厘。「一七一」號文件不限制港、澳、台區居民?境內購買房地產，相信作用唔大。商務部研究院梅新育博士話，外國人?北京市購買住宅平均成交價一萬二千元人民幣一平方米左右，反而港、澳、台居民成交價平均超過二萬元人民幣一平方米，因為香港一般中檔住宅都賣七萬至八萬港元一平方米，所以港人認為二萬元人民幣一平方米豪宅仍然抵買！港、澳、台居民唔少?外國護照，但同時保留港、澳、台居民身份，到底算唔算外國人？因此，唔係「一七一」文件令樓市冷卻，而係?「一七一」文件未出台前，上海樓市早已開始冷卻。　　今天東方海外（316）股價升9.4％。公司公布考慮出售位於美國同加拿大?碼頭，並已聘請瑞銀擔當顧問，評估其資產實值。去年東方海外來自經營貨櫃碼頭?收入升20％，至四億四千三百二十八萬美元。　　中國民航總局公布，因燃料成本上升，中國航空公司第二季虧損四億三千萬元人民幣，較去年同期擴大18％；中國機場獲利增加三億四千萬元人民幣，達九億元人民幣，因客運量增加。　　香港6月份新批物業貸款較5月份減6.4％，只有一百二十九億元，較5月份?一百三十七億元為少。其中二手樓新批貸款減11％、新樓減0.6％；以單位計共七千三百八十七宗（5月份七千九百四十四宗）。新動用貸款亦較5月份減25％，至一百二十五億元。經過美國十七次加息後，金管局隔夜錢要六厘七五（市場上便宜DD）；利率壓力對樓市交投?影響漸漸浮現。短炒須學曉評估風險與回報　　投資首重時間，如係希望短線中獲利，就一定係投機行為，需要高度技巧才行。如你係散戶而希望?短期上落中獲利，便必需充分掌握客觀形勢；反之，如你投資時間係一年半載，就係中線投資者，必須掌握趨勢或大方向；超過一年以上投資便係長期投資，必須了解循環周期。例如5月8日起?生指數17200至15200點上落，可低買高沽，但明天股市會點？便好難回答。假如你博取短期利潤，你便係trader，必須先學曉評估風險與回報關係，並對擺動指數有深入研究，掌握股市一上一落?韻律及接受20╱80命運（即20％贏家背後有80％輸家），千萬不可輸錢便賴人，贏錢便以為自己了不起；反之，欲做中線者，便須追隨趨勢，明白形勢不利自己時要忍，形勢有利自己時要狠，睇事物要準，形勢一旦不利便止蝕，睇?才長?。至於做長線，便更加要明白十八年後一條好漢（牛市一般可維持十八年或以上），以及何謂綿綿不絕?熊市！　　最好係長、中、短三路進軍。長線而言，美股牛市自1982年開始，熊市2000年首季開始。中線而言，經2000年3月至2002年10月回落後，2002年10月開始?反彈，估計?今年5月結束。至於短線，就係?今年5月之後，利用每次超賣入市、超買離市，一於人棄我取……。利用循環周期、趨勢及擺動指數，制訂長、中、短策略。所謂「策之而知得失之計」，做到進退有據，才可決戰於千里。　　美國熊市2000年3月開始，香港熊市1997年8月已開始，之後就係捕捉?D中期反彈，此乃2002年10月後衍生工具流行?理由。由於股市大方向係熊市（2000年3月已開始），2002年10月至2006年5月係中期反彈，策略上應「寧速勿久」，即盡量速戰速決而非久留，糧不三載，用「小錢博大利」，而非「駐重兵互相對壘」！此乃過去四年衍生市場迅速興旺?理由，一有賺錢機會便「寧速勿久，糧不三載」。　　2001年第四季開始美國GDP恢復增長?理由係消費者重新增加消費，消費者增加消費?理由，係2001年1月起美國減息。2002年10月起美股上升?理由，係因資金泛濫，例如2004－05年?自房地產二按產生?新購買力達八千億美元一年；過去四年新增職位50％同房地產有關。隨?利率逐步推高，透過二按新增購買力會否減半？利率上升可令O下降，例如1982年8月美股O只有七倍！因此利率升至某一水平，可阻止股市進一步上升。今年5月息率五厘，係咪已開始產生上述作用？今天美國唔少地產股較高價跌幅達50％，今年5月起美股反覆向下?趨勢已形成，至於短期變化則木宰羊。由於身處熊市第二期，出現大拋售唔使怕，一旦大市反彈出現超買，便係減持日子。即使石油股股價亦?今年5月見頂，金礦股亦一樣！美國租樓較供樓划算　　美股自今年5月起走勢上係上上落落，但大方向係向下，因為「房屋」呢架自動提款機今年開始提款能力在減弱中。2004年年底止美國共有七千四百萬間自住物業，每年（包括新屋）約有9-10％易手；反之，股市卻唔同，每年成交金額係總市值150％。換言之，股價可迅速反映公司市值，但樓價卻由每年少於10％?交易去決定。?股票者一般做孖展者唔多，但?物業做孖展卻佔好大比重。?美國，三十萬美元市值?物業只須付10％（三萬美元）便可，其餘分三十年付款，以依家租金回報率，毛收益只有5％一年（扣除稅項及開支，實收只有2.5％），差唔多係戰後最低，相信同存款利率?2004年中只有一厘有關。今天存款利率已升至五厘二五，但美國物業實質租金回報率只有2.5％，即係租樓較供樓划算。如要供樓，租金收入（5％計）係一萬五千美元一年，利息支出（90％樓按六厘三五計）二萬零五十四美元一年，即每年負回報五千零五十四美元，另加稅項（樓價1％）三千三百美元、保險（樓價0.4％）一千二百美元及維修費每年三千美元。?美國買入一間三十萬美元物業將佢租出，每年損失一萬二千五百五十四美元，即每年樓價必須升4.2％才能打和！今天?美國擁有物業較擁有黃金（冇回報）風險更大！　　好多人以為貨幣供應高速上升可令樓價上升（例如最近中國人行兩次提升存款準備金，以減慢貨幣供應速度），事實並非如此。美國1990年後貨幣供應（MZM）速度的確較七、八十年代快，上述一直被指摘係令股市及樓價上升?理由；同期日本貨幣供應速度較美元更快，但日本股市及樓價自1990年至今仍然反覆回落！八十年代美國貨幣增長率兩倍於GDP增長率，九十年代開始三倍於GDP增長率，但日本卻係四點四倍於GDP增長率！九十年代至今美國樓價反覆向上，日本卻反覆回下。如果話係美國利率降至一厘刺激樓價上升，日本利率曾降至絲路，仍然無法刺激樓價向上！Bridgewater Associates認為，貨幣政策、利率因素只係影響樓價其中一項重要因素，而非決定因素，決定因素反而係GDP增長率！換言之，經濟繁榮才可推動樓價向上，而非寬鬆貨幣政策。如經濟繁榮配合寬鬆貨幣政策，必可推動樓價向上；反之，如經濟衰退，即使寬鬆貨幣政策一樣唔奏效！美國人實際可用資金?1995至2000年每年增加4％；2001年11月衰退結束後，透過退稅，2004年美國人實際可用資金上升2.7％；2005年如唔計退稅，實際可用資金上升1.3％，今年上半年卻係零！利率升至五厘二五後，滯後效應漸漸出現，即5月10日加息至五厘後，先知先覺者?拋售引發股市急跌，上述拋售6月13日前完成，股市反彈，直到經濟漸因高利率壓力而漸露疲態，後知後覺者才拋售，呢段日子往往十分漫長而沉悶。今年8月8日已係立秋，但8月份天氣仍然十分酷熱，好難叫人相信兩星期後香港將踏入秋季。今天話你知5月8日大市已見頂，亦好難令人相信，直到天氣出現明顯改變為止。好多時「爭秋奪暑」天氣才最悶熱。貝南奇對經濟預測太樂觀　　如果要搵前景樂觀?報告，可請一位年輕人做分析，年輕人對前景往往有無限憧憬，因為未受過挫折；今天貝南奇亦一樣。6月28日佢?睇法係認為未來十八個月美國GDP增長率將保持3-3.5％、通脹率2-2.5％、失業率低於5％！最後結果將證明佢擁有水晶球抑或係「年少」無知？反之，老練如鄧小平，1978年?改革開放政策卻強調「摸?石頭過河」。我老曹從不預測超過三個月後?事，因為世事難測，但貝南奇卻可見到十八個月後美國經濟係點，如非無知便認真神奇。美國L?第二季只增長3.6％（去年4.9％），貨幣增長率正在放緩，係引發商品價格5月份突然逆轉?理由。要形成趨勢必須幾番掙扎，不過今年5月起投資者財富正逐漸失去！美國第二季CPI增長率5.7％（去年4.2％），以五厘二五息計未能阻止CPI進一步上升。美國消費者已開始減少消費，令美國零售股紛紛下調；美股上落市幾時結束？相信最後大方向係向下！　　中國蜂業（8156）改名為眾彩科技。　　Sunday（866）、電盈（008）、卓越金融（727）停牌。　　■EVI教育（8090）、友成控股（8319）8月3日；毅興科技（8047）8日；易盈科技（8299）9日；研祥智能（8285）、長達科技（8026）、三寶科技（8287）、上海棟華（8251）、亞科資本（8088）10日；上海復旦（8102）11日；海王英特龍（8329）12日；康師傅控股（322）15日；永隆銀行（096）16日；上海石化（338）29日公布業績。