萬七以上博唔過

萬七以上博唔過2006-08-18　　8月17日，周四。?生指數跌77.98，收17373點；成交二百七十三億六千四百多萬元。8月期指收17408點，跌54點。?指表面上同5月8日指數差唔多，但個別股份股價變化卻好大【表】。表現最出色係中移動（941），跑贏大市11.18％，其次係中海油（883），跑贏5.8％；國泰航空（293）跑贏4.23％。表現最差係德昌電機（179），受銅價大升拖累，跑輸大市17.97％；九倉（004）跑輸12.33％；招商局國際（144）跑輸10％。今時今日揀股最重要；至於非?指成分股變化更大。換言之，同樣跟?生指數，所?股份互異，便會產生唔一樣?後果。揀股唔炒市，後市仲?咁樣。　

美消費放緩影響德昌招商局　　　今年至今為止，道指工業平均指數?11000點上上落落共十八次。各位如果市好睇好、市淡睇淡，保證你今年好頭暈。我老曹係趨勢追隨者，唔係炒家，請唔好問我老曹明天個市會點？因為我老曹唔知！今年投資策略係5月出貨（Sell in May），6月買番，因為跌穿二百五十天移動平均數之時，分析員通常過分睇淡。今天?生指數最高見17506點，係咪應該減持？要事後才知道。　　　今年5月開始二線股表現唔及大價股，令升降指數不斷回落。上述情況反映呢次?生指數創新高，不但唔係進一步睇好訊號，反而要小心！雖然美國CPI核心指數只升0.2％（6月份升0.3％），但CPI上升0.4％（6月份升0.2％），未確定通脹率已受控制，只係畀聯儲局多D空間可以再睇定D，毋須急於?9月20日加息。從金價及油價表現睇，亦唔排除加息周期已完成，但上述亦唔係乜?好消息。過去歷史證明，自停止加息後，只有1995年?次係入貨訊號，其餘都係出貨訊號。美國GDP進入低增長期，CPI有較高增長，形成前景唔明朗。如美國消費增長率減慢，對中國境內工業股影響係點？內地工業股過去已承受原材料價格、工資壓力及運費上升?壓力（今年工資升幅約15％），如再加上訂單數量減少，今年聖誕節肯定苦過DD；上述影響航空業前景，亦係?指成分股中德昌電機同招商局國際表現咁差?理由。至於九倉表現咁曳，相信係商舖租金見頂?訊號。　　　美國短期利率五厘二五；加上美國房產?一年前已開始下調，但今年7月汽油價格上升，上述利率唔算過高，亦唔算偏低，已足夠令美國經濟開始軟?陸。今年上半年美國人工資仍升8.7％，標普五百間上市公司第二季純利上升15％，美國十年期債券孳息率6月份見五厘二五後，依家已回落到四厘九。從債市睇，相信軟?陸已開始；如再睇5月份起中小型股份?表現，股票市場亦為軟?陸做準備工夫。未來美國GDP增長率估計只有2.5％左右。　　　6月13日至今?生指數上升，應該係反彈，投資策略宜保守。??指萬七點以上，風險大於回報率，博唔過！睇番附表，6月13日至今?反彈，只有少數地產股能打破5月8日高點，大部分地產股股價仍低於今年5月8日高價，此乃香港物業市道轉弱?訊號。除寫字樓價格外，其餘香港物業售價已從高峰回落。　　　雖然美元加息周期可能完成，但歐羅去年12月起至今加息共四次，依家利率三厘，加息周期未完成。至於日本，今年7月14日剛開始加息至零點二五厘，加息日子仍十分長。換言之，全球加息周期未完，如歐羅同日圓再加息，估計年底美元?價將見13.2美元兌1歐羅及113日圓兌1美元，美元弱勢可令美國CPI上升速度?年底前唔會慢下來。中國人民幣年底前估計亦再加息零點二七厘，即未來樓按貸款利率將超過六厘（因今年4月28日加零點二七厘未見功效），估計下一次人民幣不但加貸款利率，同時亦加存款利率，至於能否冷卻內地GDP增長率？木宰羊。　洛克菲勒令石油大量普及　　　7月份美國CPI升0.4％，即美國通脹率仲?上升而非回落，只係核心CPI（剔除油價及食品）才回落。但一般人感受到?係通脹，唔係核心CPI（除非你係深山大野人，唔用油、唔食?），即使以核心CPI增長率計係2.7％，高出貝南奇要求?1至2％。股市短期上升，莫名其土地堂。　　8月11日前歐洲央行共出售三千二百萬歐羅黃金（大約兩噸黃金），另有一百六十噸黃金?9月30日前推出市場。歐洲央行似乎等候高價出售黃金！今年第二季投資者共吸納二十六億美元?黃金（去年同期為十五億美元），約為一百三十噸（去年同期一百零九噸）。呢批高價入貨?投資者未來唔知會唔會轉為拋售，令黃金前景較不明朗。　　　?自巴西生產?乙醇及?自加拿大?油砂產量，能否改變未來油價方向？將決定未來能源股命運。不過，美國汽油價六十美仙一加侖及?住架SUV通山跑?日子漸成過去！?自中國及印度?石油需求早已改變全球原油供求，未來石油高價係咪止於七十八點五美元一桶？1980年起?石油供應過剩期1999年結束，未來十五年係石油供不應求年。加拿大有一萬七千億至二萬五千億桶原油蘊藏量，但屬於唔易開採，為油、砂、水及泥?混合體，只有20％?表層，此所以加拿大?自油砂?產量只有二百五十萬桶一天（除非開採科技有新突破）。?自中國及印度?新需求，令全球石油需求按年率2％速度上升。至於將植物轉為能源?技術，亦需要科技新突破才能真正大量生產。去年美國《The Energy Policy Act》通過，要求汽油商?2012年前?汽油內?乙醇增加一倍（依家乙醇售價三點四美元一加侖，較汽油貴20％；所產生能量只及無鉛汽油三分二，即相等於每加侖無鉛汽油五點一美元，係無鉛汽油售價?一倍）。　　　1973年石油危機後，各國發展替代能源。歐洲發電廠大量改用核電，其他國家改為以煤發電，產生空氣污染問題；至於其他替代能源，冇一樣較石油更方便、更便宜及更清潔。三十三年過去，人類?呢方面未見有太大突破，1980年伊朗政治事件及依家?伊拉克事件，令石油危機又再出現。　　　工業革命後，煤成為能源主力，直至十九世紀內燃機發明，能源漸轉為依賴石油。令石油大量普及使用?功臣係俄亥俄州商人洛克菲勒，佢創立?標準石油公司，令全國汽油達到一定標準方便使用，並透過發行新股收購全美國其他石油公司，不但令全美?石油標準化，甚至將石油壟斷，令用家?美國各地都可獲「標準石油」供應，引發石油市場繁榮期。如果冇洛克菲勒，石油發展史可能係另一個故事。今天全球政府反壟斷，當年如果冇洛克菲勒為石油訂下標準，透過收購壟斷石油供應及穩定油價，令石油工業蓬勃發展，今天石油史便可能改寫，世界上甚至唔會有汽車工業蓬勃期。隨?中國及印度工業化，石油供應已不勝負荷，如欲全球經濟出現另一繁榮周期，必須科技上有新突破才行。剔除政治風險，油價有機會回落到六十美元一桶，但如希望油價低於六十美元，除非美國明年經濟出現衰退（9月期油已見七十點八九美元一桶，汽油成一點九七美元一加侖）。　戰後嬰兒出售投資維持生活　　　衍生工具?吸引力在於：一、提供巨大槓桿作用（例如十五倍或以上）。二、槓桿作用將利潤放大十倍或以上（例如股價升10%，衍生工具價格可升100%）。三、將風險降至最低（如睇錯方向，最大損失係買衍生工具?本金，唔使承擔做孖展或買期指?同樣後果）。四、?跌市中唔使拋空仍可賺錢（例如買認沽期權）。有衍生工具?散戶，不但?升市中可賺錢，跌市中一樣可賺錢。五、衍生工具唯一缺點係時間值，隨?時間一點一滴過去，衍生工具價值亦隨之下降，係「用錢買時間」。　　　日本股市1990年見頂（弱勢先行）、美國股市2000年見頂（強勢最後）；至於1990至2000年之間，唔少國家股市見頂。2001年1月起美國聯儲局利用貨幣政策令2002年10月至2006年5月美股上升，隨?利率回升及美國樓市呆滯，相信美股好極有限。能夠例外?國家唔多，因為冇一個國家可避免唔受高能源價格影響，最多只能出現局部繁榮。　　　美國戰後出生嬰兒第一批?今年踏入六十歲退休年齡。呢批戰後嬰兒較上一代富有（1982至2000年道指上升十二倍），今年開始進入de-investment期，即主要靠收取投資回報甚至出售投資項目以維持生活。美國戰後嬰兒潮由1946至63年共十七年，人口超過一億；至於擁有資產，《金融時報》估計約七十九萬億美元，即每人手上資產約值七十九萬美元，佢地今年起進入唔再投資期甚至出售資產期，對未來金融市場影響係點？　　　如果時光倒流五十六年，重返1950年，有兩間公司任你揀：第一間係當年被視為「老餅」?標準石油公司（即今天?艾克森石油公司），另一間係當年被視為極有前途?高科技股IBM。如你當年只有一千美元，投資標準石油，今天手上股票市值二百萬美元！反之，如投資IBM，鎖你，只值九十六萬美元。唔好過分肯定自己?眼光。　　　各位聽過Anthony Bolton呢個人嗎？佢今年被視為英國投資界奇才。佢?1990年管理?基金全年損失28.8％、1991年再損失3％，由1992年起至2005年連續十四年保持每年20％增長率，跑贏英國富時指數三倍（每一萬英鎊投資，十四年後變成十二萬八千英鎊）！佢?富達公司管理六十一億英鎊基金，將於下月一分為二，旗下二十五萬位投資者可以選擇其中一半由佢繼續管理投資英國?上市公司，另一半交由今天並唔出名?Finn, Jorma Korhonen管理投資新興市場。如果你係該基金?投資者，你會點揀？Bolton並唔喜歡炒出炒入，佢承認冇人可以永遠做?，佢同其他基金經理最大分別係努力避免犯錯，一旦犯錯及早止蝕。簡單D講，係「止蝕唔止賺」令佢成為過去四分一世紀英國最出色?基金經理！佢另一坐右銘係對前景分析有時候極有把握、有時候冇把握，當自己好有把握時便「大大注」；反之如今年?上落市便「細細注」。聽落好似幾簡單，但點解咁少人可以?過去十四年將本金變大十二倍，即每年升值20％？　英國樓價到達危險水平　　　上半年英國物業投資者完成十五萬二千五百項貸款，涉及金額一百七十五億英鎊（約二千五百七十四億港元）?英國購買物業，較去年同期升17％（金額升20％），大部分用作收租。根據Savills統計，過去八年倫敦高級住宅大部分買入後多用作收租而非自住，愈?愈多人買入英國物業博升值；但分析界認為，除?倫敦市中心仍可吸引外國人購買外，其他郊區地方睇唔到有再升值能力，因為樓價自1995年至今已上升兩倍，但租金升幅有限，投資回報變得唔再吸引，一般回報率只有四厘五，扣除開支及稅項後，實質回報已跌至三厘，不足以支付按揭利息。換言之，英國物業已由用家市場轉為投資者市場，代表英國樓價到?危險水平。我老曹計劃今年出售英國兩個住宅單位，已較去年高價減10％，其中一間近日先搵到買家，正辦緊手續，另一間放盤七個月仍然未搵到買家，經紀行正在努力中。　　　根據過往英國物業租金回報率係銀行存款利率?125％！例如英鎊三個月定期存款利率係四厘九，買樓收租合理回報率應是六厘一，但今天只有四厘半，理論上英國樓價偏高30％，此乃我老曹自2003年起開始減持倫敦物業?理由。初期我老曹幾開心，因2004年出售物業又較2003年高10％左右，2005年出售物業又較2004年高。踏入今年情況改變，上半年已唔再加價出售物業，但賣?四個多月仲係賣唔出，5月份起減價5％都乏人問津，6月份再減5％，終於有一間有人要，但要求遲一個月才交易及只付訂金5％，英國物業轉手通常需時三個月，相信可以?10月前完成交易；另一間至今仍未有人問津；加上最近英鎊加息，恐怕情況並唔樂觀。上半年英國豪宅仍有升幅，但普通住宅樓價已回落10％左右。　Womenomics影響力不容忽視　　　「重慶市經濟適用住房購買暫行辦法」8月14日起實施！凡符合條件進城務工?農民都可購買經濟適用房。規定限制：一、無房者或現有人均住房建築面積不足重慶市人均住房建築面積60％者。二、人均收入低於去年重慶市城鎮居民人均收入一萬零二百四十四元者；夫妻雙方收入皆必須低於上述數字。三、購入後起計必須住滿五年才能賣畀同類收入家庭，否則必須向有關部門補足土地出售金及其他相關稅費。如出售經濟適用房者，今後再不能申請購買經濟適用住房。　　　經濟轉向服務業為主而非製造業，令女性?社會地位日漸上升！今天女性接受高等教育較男性多（包括大部分專業）。至於買樓、買車，根據調查所得，80％由家內女性（而非男性）作最後決定；?投資上女性成績亦較男性好，證券市場策略員亦以女性較男性多。香港女性婚後平均只生一個孩子，因為佢地需要更多時間發展自己?事業，唔少香港女性更係企業?擁有者，經濟學人叫上述現象「womenomics」，甚至政府高官亦組成「手袋黨」，影響力不容忽視。如再用傳統眼光睇二十一世紀?女性，你肯定落伍；分析界指出，十年環球經濟將由女性而非男性主導！　　　新怡環球（1094）停牌。　　　■華電國際（1071）8月25日；南方國際（1176）26日；東方航空（670）、中國綠色食品（904）、湖南有色金屬（2626）、南順（411）、上聯水泥（1060）28日；中海油（883）、中訊軟件（299）、浙江玻璃（739）29日；中國東方集團（581）、中國民航信息（696）30日；中國無線（2369）31日；雨潤食品（1068）9月6日公布業績。